InfoHub Logo

اتىراۋ قالاسى، جاڭاتالاپ سەلوسى
جامبىل ورتا مەكتەبىنىڭ مەكتەپالدى
سىنىبىنىڭ ءمۇعالىمى: قۇسايىنوۆا جاننا حامۋ قىزى

ءبىلىم سالاسى: تانىم
ۇيىمداستىرىلعان وقۋ ءىس - ارەكەتى: ەكولوگيا
تاقىرىبى: قىس. قۇستاردىڭ قىسقى تىرشىلىگى.
ماقساتتارى:
ا) بىلىمدىلىگى: قىس مەزگىلىنىڭ ەرەكشەلىكتەرىمەن تانىستىرۋ. قۇستاردىڭ پايداسى تۋرالى ماعلۇمات بەرۋ. قۇستار تۋرالى وي - ورىستەرىن دامىتۋ.
ءا) دامىتۋشىلىعى: وزىق تەحنولوگيالاردىڭ ادىستەرىن، جابدىقتارىن قولدانا وتىرىپ، بالالاردىڭ وي - ءورىسىن، دۇنيەتانىمىن، كورۋ، شىعارماشىلىق قابىلەتتەرىن، سوزدىك قورىن، بەلسەندىلىگىن، قىزىعۋشىلىعىن، قيالىن، ءتىلىن دامىتۋ. قىس كەزىندەگى قۇستاردىڭ تىرشىلىگى تۋرالى اڭگىمەلەتۋ ارقىلى بالالاردىڭ قامقورلىق جاساۋعا دەگەن بەلسەندىلىكتەرىن ارتتىرۋ.
ب) تاربيەلىگى: وتانىن، جەرىن، ورمانىن، كولىن، قۇستارىن، تابيعاتىن سۇيۋگە، ايالاۋعا تاربيەلەۋ. بالالاردى اسەمدىكتى، ادەمىلىكتى كورە بىلۋگە، تابيعاتتى قورعاپ ايالاۋعا ۇيرەتۋ.
سوزدىك جۇمىس: جەم، نان قوقىمدارى، كەپتىرىلگەن جەمىستەر، ۇيشىكتەر.
كورنەكىلىگى: تاقىرىپتىق مازمۇنىنا بايلانىستى بەينەلى جانە زاتتىق سۋرەتتەر، جەمشاشار جانە ونىڭ ۇستىنە ازىرلەنگەن قۇستار داستارحانى.
ءادىس - ءتاسىلى: سۇراق - جاۋاپ، ءتۇسىندىرۋ، ءسوزجۇمباق، تاقپاق، ويىن، كورسەتۋ.

ىنتالاندىرۋ. سەزىمدەرىن وياتۋ
بالالاردى دوڭگەلەندىرىپ تۇرعىزىپ، تومەندەگى ولەڭ جولدارىن ايتادى.
تابيعات ءبىزدىڭ انامىز،
تابيعاتقا بالامىز.
ءيىلىپ سالەم بەرەمىز،
ءبىز ادەپتى بالامىز.

ىزدەنىستەر ۇيىمداستىرۋ
1. قىس مەزگىلىنىڭ ەرەكشەلىكتەرىن اڭگىمەلەيدى.
- جىلدىڭ قاي مەزگىلى؟
- قىس مەزگىلىنىڭ قاي ايى؟
- قىستا تابيعاتتا قانداي قۇبىلىستار بولادى؟
جاۋىپ تۇرعان قارلار ارتىنداعى سۇراقتارعا جاۋاپ بەرەيىك.
- ءبىز نەمەن دەم الامىز؟
- نەنى باسىپ جۇرەمىز؟
- تىرشىلىكتىڭ ءنارى نە؟
- جەرگە جارىق پەن جىلۋ سىيلايتىن نە؟
- وسىنىڭ ءبارىن ءبىر سوزبەن قالاي اتايمىز؟
ت. مولداعالييەۆتىڭ «قىس» تۋرالى ولەڭ وقيدى.
بەينە سيۋجەتتى تاماشالاۋ.

2. «قۇستار قالاي قىستايدى؟» ەرتەگىسىن وقۋ ارقىلى قۇستاردىڭ قىسقى تىرشىلىگىمەن تانىستىرۋ. قۇستاردىڭ قىسقى تىرشىلىگى بەينەلەنگەن سۋرەتتەر ارقىلى بالالارعا قۇستاردىڭ تىرشىلىگى جونىندە تۇسىنىك بەرۋ. قىس مەزگىلىندەگى قۇستاردىڭ ازىعى، ولاردىڭ نەمەن قورەكتەنەتىنىن اڭگىمەلەسۋ. ادامداردىڭ قۇستارعا جاسايتىن كومەكتەرى تۋرالى ماعلۇمات بەرەدى.

3. سەرگىتۋ جاتتىعۋىن ورىنداتۋ
كۇندە اسپانعا قارايمىز،
قايتقان قۇستى سانايمىز.
ءۇشبۇرىش بوپ تىرنالار،
كوك جۇزىندە سىرعانار.

جۇمباق
قونىپ العا جارعا،
قارقىلدايدى قارعا (قارعا)
عاجايىپ ءسات «قارعا» كەلەدى.
بالالارعا قارعاعا تاقپاقتار ايتىپ بەرەدى.
قارعا تاپسىرماسى:
1. مەنىڭ قىسقى دوستارىمنىڭ اتتارىن اتاپ بۋىنعا ءبولىپ بەرىڭدەرشى؟
2. ءسوزجۇمباقتى شەشىپ بەرىڭدەرشى؟
3. قۇستار داۋىسىن تىڭدايىق، نەلىكتەن ءارتۇرلى سايرايدى؟ قۇستاردىڭ سايراعانىنان نەنى سەزىندىك؟
«سايكەسىن تاپ» ويىنى

4.»قۇستار» ديداكتيكالىق ويىنى:
شارتى: سۋرەتتەر بويىنشا قۇستاردى ەكى توپقا توپتاستىرۋ.
جىل قۇستارى جانە وتىرىقشى قۇستار.
- قۇستار بولماي قالسا نە بولادى؟
- ال، ونداي بولماس ءۇشىن نە ىستەۋىمىز كەرەك؟
- قۇستارعا كومەك جاساۋىمىز كەرەك.
جىلى جاققا ۇشپايتىن،
ءبىزدىڭ جاقتا قىستايتىن.
قۇستار جۇرسە جۋىقتا،
جەم شاشۋدى ۇمىتپا! – دەپ، بۇگىنگى قارعا دوسىمىزعا جەم شاشاردى دوستارىمەن بىرگە «قۇستار داستارحانىنا شاقىرايىق!»
5. ساباقتى قورىتىندىلاۋ.
بالالاردىڭ بىلىمدەرىن بەكىتۋ ءۇشىن تومەندەگىدەي سۇراقتار قويىلادى. 1. ءبىزدىڭ ولكەمىزدە قانداي قۇستار قىستاپ قالادى؟
2. ولاردىڭ تىرشىلىگى تۋرالى اڭگىمەلە؟
3. قىستاپ قالاتىن قۇستارعا ادامدار قانداي كومەك كورسەتەدى؟

تولىق نۇسقاسىن جۇكتەۋ