قىزىلوردالىق وقۋشىلار ەگىن القابىن ۇنەمدى سۋارۋ ءادىسىن ويلاپ تاپتى
قىزىلوردا قالاسىنداعى نازاربايەۆ زياتكەرلىك مەكتەبىنىڭ 10-سىنىپ وقۋشىلارى ءسانيا مۇراتوۆا مەن جانسايا وتەپبەرگەنوۆا ەگىن القاپتارىنا كەتەتىن سۋدى ۇنەمدەۋدىڭ تىڭ ادىستەرىن ويلاپ تاپتى. وسى ماقساتتا ارنايى قۇرىلعى جاسالدى.
ونەرتاپقىشتار ءقازىر ەگىس القاپتارىندا تامشىلاتىپ سۋارۋ تەحنولوگياسى ادامنىڭ قاتىسۋىمەن جۇزەگە اساتىنىن ايتادى. وسىعان بايلانىستى ولار تامشىلاتىپ سۋارۋ تەحنولوگياسىن تولىقتاي اۆتوماتتاندىرۋعا بولاتىنىنا نازار اۋداردى. ازىرگە اتالعان جوبا شاعىن ماكەت رەتىندەگى قۇرىلعىعا اينالدىرىلعان. سول ارقىلى تاجىريبەدەن وتكىزىلۋدە.
«بۇل جوبادا 3 ءتۇرلى داچيك قاراستىرىلدى. ناتيجەسىندە ىلعالدىلىقتى انىقتاۋ، كۇن ساۋلەسىنىڭ ءتۇسۋىن قاداعالاۋ جانە اۋا تەمپەراتۋراسىن ەسەپتەۋگە نازار اۋدارىلادى. ولاردىڭ جۇمىس جاساۋى ەسكەرىلە وتىرىپ، ارنايى قۇرىلعى ورناتىلدى. اتالعان جوبا سىرتقى فاكتورلاردى ەسكەرە وتىرىپ جاسالعان. وسىمدىككە قولايلى جاعداي تۋىنداعان كەزدە عانا كونۆەيەر ىسكە قوسىلادى»، - دەدى ءسانيا مۇراتوۆا.
جوبا نەگىزىندە ەگىس القاپتارىنا كەتەتىن سۋدىڭ كولەمىن 30 پروسەنتكە دەيىن ۇنەمدەۋگە بولادى. الداعى ۋاقىتتا قۇرىلعى ۇلكەن كولەمدە قۇراستىرىلىپ، ول مەكتەپ اۋلاسىندا تاجىريبەدەن وتكىزىلەدى.
You Might Also Like
-
ق ر ۇكىمەتىنىڭ 2022 جىلعى 9 قاراشاداعى وكىمىمەن ۇلتتىق عىلىم اكادەمياسىن قايتا ۇيىمداستىرۋ جونىندەگى مەملەكەتتىك كوميسسيا قۇرىلدى.
-
17 قاراشا 2022 جىلى ءال-فارابي ات. قازاق ۇلتتىق ۋنيۆەرسيتەتى، فيلوسوفيا جانە ساياساتتانۋ فاكۋلتەتى، جالپى جانە قولدانبالى پسيحولوگيا كافەدراسىنىڭ ۇيىمداستىرۋىمەن پەداگوگيكا جانە پسيحولوگيا عىلىمدارى...
