ۇلتتىق عىلىم اكادەمياسىن قايتا قۇرۋ جونىندەگى مەملەكەتتىك كوميسسيا جاساقتالدى
ق ر ۇكىمەتىنىڭ 2022 جىلعى 9 قاراشاداعى وكىمىمەن ۇلتتىق عىلىم اكادەمياسىن قايتا ۇيىمداستىرۋ جونىندەگى مەملەكەتتىك كوميسسيا قۇرىلدى.
قۇجاتتا كورسەتىلگەندەي، اتالعان كوميسسياعا پرەمەر-مينيستردىڭ ورىنباسارى – ق ر ساۋدا جانە ينتەگراسيا ءمينيسترى سەرىك جۇمانعارين جەتەكشىلىك ەتەدى. ونىڭ ورىنباسارى بولىپ عىلىم جانە جوعارى ءبىلىم ءمينيسترى ساياسات نۇربەك بەكىتىلسە، كوميسسيا حاتشىسىنىڭ قىزمەتىن عىلىم كوميتەتىنىڭ ءتوراعاسى دارحان احمەد-زاكي اتقارماق.
سونىمەن قاتار مەملەكەتتىك كوميسسيا قۇرامىنا ەنگەندەر:
— قارجى ۆيسە-مينيسترى تاتيانا ساۆەليەۆا؛
— ۇلتتىق ەكونوميكا ۆيسە-مينيسترى باۋىرجان وماربەكوۆ؛
— الماتى قالاسى اكىمىنىڭ ورىنباسارى اسقار ءامرين؛
— ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ جانە عىلىمي ورتالىقتارى مەن عىلىمي-زەرتتەۋ ينستيتۋتتارىنىڭ اكادەميكتەرى مەن رەكتورلارى.
ەسكە سالايىق، ۇلتتىق عىلىم اكادەمياسىنىڭ 75 جىلدىعىنا وراي ۇيىمداستىرىلعان سەسسيادا مەملەكەت باسشىسى قاسىم-جومارت توقايەۆ اكادەميا مارتەبەسىن كوتەرۋدى تاپسىرعان بولاتىن.
مۇنىمەن قوسا، بۇعان دەيىن عىلىم جانە جوعارى ءبىلىم ءمينيسترى ساياسات نۇربەك ۆەدومستۆونىڭ نەگىزگى جۇمىس باعىتتارىنا توقتالىپ، ۇلتتىق عىلىم اكادەمياسىنىڭ مارتەبەسى قايتارىلاتىنىن مالىمدەپ ەدى.
You Might Also Like
-
قازاق مادەنيەتىندەگى تەاتر ونەرىنىڭ ديناميكاسى تاقىرىبىنداعى ماقالامدى باستاماس بۇرىن، سىزدەرگە جالپى تەاتر قۇبىلىسىنىڭ پايدا بولۋى مەن تاريحىن سيپاتتاپ وتكىم كەلىپ تۇر.
-
قىزىلوردا قالاسىنداعى نازاربايەۆ زياتكەرلىك مەكتەبىنىڭ 10-سىنىپ وقۋشىلارى ءسانيا مۇراتوۆا مەن جانسايا وتەپبەرگەنوۆا ەگىن القاپتارىنا كەتەتىن سۋدى ۇنەمدەۋدىڭ تىڭ ادىستەرىن ويلاپ تاپتى. وسى ماقساتتا ارن...
