مەنىڭ تاڭداۋىم - قازاق ۇلتتىق ۋنيۆەرسيتەتى (قازۇۋ)!
مەكتەپ بىتىرگەننەن كەيىن ءار ادامنىڭ الدىندا ومىرىندەگى ەڭ ماڭىزدى شەشىمدەردىڭ ءبىرى – تاڭداعان سالاسىنا، ماماندىعىنا ساي وقۋ ورنىن تاڭداۋ تۇرادى. جانە دە بۇل ەڭ ماڭىزدى ءسات! ءاربىر ادام ءوز ماماندىعىن سانالى تۇردە تاڭداپ، بولاشاقتا كىم بولعىسى كەلەتىنىن ءوزى ءۇشىن شەشۋى كەرەك. مەندە سول سەكىلدى ءوزىمنىڭ نازارىم اۋعان، كوپتىڭ ارمانى بولعان ءال-فارابي اتىنداعى قازاق ۇلتتىق ۋنيۆەرسيتەتىنە توقتادىم. نەگە كازۇۋ دەگەن سۇراققا جاۋاپ بەرسەم. 1934 جىلى ەلىمىزدىڭ ەڭ الدىڭعى قاتارلى ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى قالاندى. بۇگىنگى كۇنى ۋنيۆەرسيتەتىمىزدە 20 000-عا جۋىق ستۋدەنت ءبىلىم الادى. ون التى فاكۋلتەتتەن تۇراتىن ۋنيۆەرسيتەتتە ءۇش مىڭعا جۋىق پروفەسسور-وقىتۋشىلار قۇرامى ستۋدەنتتەرگە ءبىلىم بەرىپ كەلەدى. مەكەمەلەر كوپ جىلدىق وقۋ جانە جۇمىس تاجىريبەسىنە باي. ءال-فارابي اتىنداعى قازۇۋ قازاقستاننىڭ جوعارعى وقۋ ورىندارىنىڭ باس رەيتينگىسىنىڭ كوشباسشىسى بولىپ تابىلادى. ەل تاريحىندا تۇڭعىش رەت قازاقستان رەسپۋبليكاسى پرەزيدەنتىنىڭ «ساپا سالاسىنداعى جەتىستىكتەرى ءۇشىن» سىيلىعىنىڭ لاۋرەاتى، قىزمەتتەرىنىڭ ساپاسى جاعىنداعى جەتىستىكتەرى ءۇشىن تاۋەلسىز مەملەكەتتەر دوستاستىعى سىيلىعىنىڭ ديپلومانتى IQNET حالىقارالىق سەرتيفيكاسيالىق جۇيەسىنىڭ ءىرى الەمدىك سەرتيفيكاتتاۋ ورتالىقتارىنىڭ كۋالىگىن الدى.
ەڭ الدىمەن ءال فارابي اتىنداعى قازاق ۇلتتىق ۋنيۆەرسيتەتى – ەلىمىزدەگى عانا ەمەس ، الەمگە دە ءوزىنىڭ ءبىلىم ، عىلىم دەڭگەيىمەن ايگىلى ۋنيۆەرسيتەت. الەم ۋنيۆەرسيتەتتەرى بويىنشا 150ء-شى قاتاردا. قالا ىشىندەگى «كازگۋگراد» قالاشىعى دەپ اتالىپ كەتكەن قۇتتى مەكەندە ستۋدەنتتەردىڭ ءبىلىم الۋىنا بارلىق مۇمكىندىك جاسالعان. ءو. جولداسبەكوۆ اتىنداعى 1600 ورىندىق ستۋدەنتتەر سارايى، تمد ەلدەرىندەگى جالعىز ۇلكەن اۋقىمدى «ءال-فارابي» كىتاپحاناسى، سپورتكەشەنى مەن ستاديون، جاڭا عيماراتتار، اسكەري كافەدرا، تەحنوپارك، 5000 ستۋدەنتكە ارنالعان ستۋدەنتتەر ءۇيى، مەديسينالىق ورتالىق جانە ستۋدەنتتەرگە قىزمەت ەتۋ ورتالىعى ستۋدەنتتەر يگىلىگى ءۇشىن قىزمەت جاساپ وتىر. ستۋدەنتتەر سارايىندا ونەرلى ستۋدەنتتەرگە ارنالعان ستۋدەنتتەر كلۋبى جۇمىس اتقارادى. ستۋدەنتتەر كلۋبىنىڭ دارىندى مۇشەلەرى تالاي بايقاۋلاردىڭ جەڭىمپازدارى. ۋنيۆەرسيتەتىمىزدە ءداستۇرلى تۇردە «جالىن» ءبىرىنشى كۋرس تالانتتارىن انىقتاۋ (قازىرگى تاڭداعى «فارابي فەست» )، «ستۋدەنتتىك كوكتەم»، كۆن، «انا ءتىلى ارۋى-جىگىت سۇلتانى» سياقتى بايقاۋلار جوعارى دەڭگەيدە وتكىزىلىپ تۇرادى. سونىمەن قاتار ۋنيۆەرسيتەتتى كوركەيتەتىن، جاستاردىڭ ۇيىمداستىرۋشىلىق قابىلەتىن اشاتىن ءارتۇرلى ۇيىمدار قىزمەت جاسايدى. اتاپ وتسەم «سۇڭقار» ، «كومەك»، ستۋدەنتتەر كەڭەسى جانە ت. ب. سوندىقتان دا مەن ەش ويلاماي، ەلىمىزدىڭ ۇزدىك ۋنيۆەرسيتەتى – ءال-فارابي اتىنداعى قازاق ۇلتتىق ۋنيۆەرسيتەتىنە ءتۇسۋ ءۇشىن قۇجات تاپسىردىم. مەنىڭ تاڭداۋىم ماتەماتيكا ماماندىعى بويىنشا «مەحانيكا -ماتەماتيكا» فاكۋلتەتىنە توقتالدى. بۇل فاكۋلتەتتە ماتەماتيكا عىلىمدارىن وقىتۋ سالاسىندا كوپ جىلدىق تاجىريبەسى بار جوعارى كاسىبي وقىتۋشىلار ساباق بەرەدى. مەن بۇل ماماندىقتى وسى ماماندىقتىڭ ماڭىزدىلىعى ءۇشىن تاڭدادىم. قازۇۋ – تالانتتى، دارىندى ستۋدەنتتەردىڭ باسىن بىرىكتىرىپ وتىرعان مەكەن. سىيلاستىق پەن شىنايى دوستىقتىڭ مەكەنى، قازۇۋ – عاشىقتاردىڭ مەكەنى. قازۇۋ – ادامنىڭ تۇلعا بولىپ قالىپتاسۋىنا ىقپال ەتىپ، تۇلعانىڭ جان-جاقتى قابىلەتىن اشىپ كورسەتۋىنە مۇمكىندىك بەرەتىن مەكەن. سول سەبەپتى دە، مەن ءوزىمنىڭ قازۇۋ-دا جۇرگەندىگىمدى ومىرىمدەگى ەڭ ۇلكەن ساتتىلىك دەپ سانايمىن.
مەحانيكا-ماتەماتيكا فاكۋلتەتىنىڭ 1-كۋرس ستۋدەنتى: ءابدى اسىلزات تالعات قىزى
فيلولوگيا فاكۋلتەتىنىڭ اعا وقىتۋشىسى ۋرازگالييەۆا س. جەتەكشىلىگىمەن
You Might Also Like
-
كوكتەمدى قاناتىنا قوندىرىپ قۇس قايتتى. شۋاقتى ىلەستىرە كەلگەن قۇستار اسەم، اۋەزدى ءۇن ايتتى.
-
كۇندەلىكتى قىزمەت بارىسىندا جەكە ادام نەمەسە ءتۇرلى توپتار (ارىپتەس، ۇجىم، ستۋدەنتتەر، وقۋشىلار.ب.)، بۇقارا كوپشىلىكپەن جۇمىس جاسايتىن ماماندار ءۇشىن، قارىم-قاتىناستىڭ پسيحولوگيالىق ەرەكشەلىكتەر مەن ...
