قولونەر - زور ونەر (2)
"شەبەردىڭ قولى التىن"، - دەيدى اتام قازاق. سوزگە دە شەبەر، ىسكە دە ۇستا حالقىمىزدىڭ زور مادەنيەتى مەن ونەرىن پاش ەتەتىن قۇندىلىقتارىنىڭ ءبىرى - ونىڭ قولونەرى. اعاشتان، تەمىردەن ءتۇيىن تۇيگەن، جۇننەن كوز جاۋىن الاتىنداي بۇيىم جاساعان، اسىل تاستاردان ءسان بۇيىمدارىن سوققان، سۇيەك پەن ءمۇيىزدى، ءشيدى قيىنىنان قيىستىرعان حالىق شەبەرلەرىنىڭ ءىسى - ماقتاۋعا تۇراتىن ونەر تۋىندىسى.
قاشاۋ - تەمىردەن جاسالعان اعاش وياتىن قۇرال.
قازيەك - سوعاتىن، قىزدىراتىن تەمىردى ۇستايتىن قۇرال.
قۋىسقۇلاق - ءجۇزى قۋىس اعاش وياتىن قۇرال.
قالىپ - ەتىكشى قۇرالى، اعاشتان جاسالعان اياق ۇلگىسى.
قايشى - ماتا قياتىن تىگىنشى قۇرالى.
تەمىر قايشى - قاڭىلتىر قياتىن قايشى.
ءتۇرپى - اعاش ءمىنىن الاتىن بۇدىرلى تەمىر قۇرال.
تەسكىش - تەمىر، قاڭىلتىر تەسەتىن ۇشتى قۇرال.
ىرعاق - تەزدەن شىققان اعاشتاردى ۇلگىگە كەلتىرەتىن قاراپايىم قالىپ رەتىندەگى قۇرال.
قاقسال اعاش - ابدەن كەپكەن، ءۇي جاساۋعا جارامدى اعاش.
مور - قاقسال اعاشتى جۇمسارتۋ (بالقىتۋ) ءۇشىن جاسالاتىن پەش.
وبىن - ءۇي اعاشىن جۇمسارتۋ ءۇشىن جەر استىندا جاسالاتىن پەش.
قوز - اعاشتى جۇمسارتۋ ءۇشىن وت جاعاتىن ورىن.
تەز - مور، وبىن، قوزدان جۇمسارىپ شىققان ءۇي اعاشىن تۇزەتەتىن نەمەسە يەتىن ءۇيشى قۇرالى.
سىقاۋرىن - تەزدەگى اعاشتىڭ قيسىعىن جامباسقا سالىپ تۇزەتەتىن وتە قاتتى اعاش.
تالقى - كەپكەن تەرىنى، كوندى، ءسىرىنى ۇيىسقان ءجۇندى جۇمسارتاتىن اعاشتان جاسالعان قۇرال.
ۇسكى - كوك (تاسپا) وتكىزۋ ءۇشىن كەرەگە تەسەتىن قۇرال.
تۇيەبەل - شي توقيتىن قۇرال،"شي قۇرعىش" دەپ تە اتايدى.
سارناۋىق - كەرەگەگە سىزىق سالاتىن تەمىر اسپاپ.
تىستەۋىك - شەگە سۋىراتىن تەمىردەن جاسالعان قۇرال.
ءتوس - پايدالانىلاتىن تەمىردى سالىپ تاپتايتىن سالماقتى، بەرىك تەمىر تۇعىر.
ويماق - تىگىنشىلەردىڭ، ەتىكشىلەردىڭ ساۋساعىنا كيەتىن ويىق تەمىر.
تەرى ويماق - تەرىدەن جاسالعان ويماق.
قوج - ۇستالاردىڭ كومىر سالاتىن سۇيەكتەن جاسالعان قالاعى.
ۇرشىق - ءجىپ يىرەتىن قۇرال. ونىڭ قاڭعالاعى، ياعني باسى، جانە سابى بولادى. سابىندا بۇرماشاسى بولادى.
ىلدىرگى - اعاشتان، سۇيەكتەن، تەمىردەن جاسالاتىن توقىماشى قۇرالى.
پىشاق - كەسەتىن قۇرال.
شوت - اعاش شاباتىن قۇرال.
ناسكۇرىك - اعاشتى تەگىستەپ جوناتىن قۇرال.
تىگىن ماشيناسى - تىگىنشىنىڭ باس قۇرالى.
ىسكەنجە - تەمىردى قىسىپ تۇراتىن بۇراما اۋىزدى قۇرال.
You Might Also Like
