InfoHub Logo

قازاقستاندا ءبىلىم سالاسىن دامىتۋ باعىتىندا «ياندەكس» كومپانياسىنىڭ باسشىسى اركاديي ۆولوجبەن ۋاعدالاستىققا قول جەتكىزىلدى.

بۇل تۋرالى ۇكىمەت وتىرىسىندا پرەمەر-مينيستر باقىتجان ساعىنتايەۆ ءمالىم ەتتى، دەپ primeminister.kz حابارلايدى.

كەزدەسۋ بارىسىندا «سيفرلىق قازاقستان» مەملەكەتتىك باعدارلاماسى جوباسى اياسىندا ىنتىماقتاستىقتى ودان ءارى دامىتۋ ماسەلەلەرى تالقىلاندى.

اركاديي ۆولوج الماتىداعى 45 جىلدىق مەرەيتويىن اتاپ وتكەن فيزيكا-ماتەماتيكا مەكتەبىنىڭ تۇلەگى.

«كەشە بىزدە «ياندەكس» باسشىسى ۆولوجبەن كەزدەسۋ ءوتىپ، مەكتەپ جاسىنان باستاپ كادرلاردى دايارلاۋ بويىنشا بىرلەسە جۇمىس ىستەۋگە ۋاعدالاستىق. بۇل سالاداعى قازاقستانداعى ستاتيستيكاعا سۇيەنسەك، 7ء-شى سىنىپقا دەيىن ءبىزدىڭ وقۋشىلار حالىقارالىق وليمپيادالاردا جەڭىمپاز اتانادى، كەيىننەن جوعارى سىنىپتاردا بۇل كورسەتكەتكىش ەكى ەسەگە تومەندەيدى، ال ۋنيۆەرسيتەتتەردە مۇلدەم قاتىسپاي قويادى. ياعني، جاسى جوعارىلاعان سايىن مامانداردى دايارلاۋ ناشارلاي باستايدى. سوندىقتان دا وتاندىق ءبىلىم بەرۋدىڭ باسەكەگە قابىلەتتىلىگىن جوعارىلاتۋ ءۇشىن جۇمىستاردى جالعاستىرۋ قاجەت. سول سەبەپتى بارلىق قاجەتتى وزگەرىستەردى ەنگىزىڭىزدەر، قولداۋ جاسالادى»، - دەدى ۇكىمەت باسشىسى.

ءوز كەزەگىندە ءبىلىم جانە عىلىم ءمينيسترى ەرلان ساعادييەۆ ءبىلىم مەن عىلىمنىڭ باعدارلاماسى جايىندا بايانداپ بەردى.

«ءبىلىم جانە عىلىمنىڭ ءتورت جىلعا ارنالعان مەملەكەتتىك باعدارلاماسىنىڭ ەكىنشى جىلىن ورىنداپ جاتىرمىز. 2016 جىلى باعدارلامانى جۇزەگە اسىرۋ ناتيجەسى بويىنشا پرەزيدەنت اكىمشىلىگى بىزگە جاقسى باعا بەردى. ەكى جىلدىڭ ىشىندە قۇجاتتى ىسكە اسىرۋ ءۇشىن «ءبىلىم تۋرالى» زاڭعا جانە «عىلىمدى كوممەرسيالاندىرۋ تۋرالى» زاڭعا وزگەرىستەر ەنگىزىلدى. 2017 جىلى باعدارلامادا 8 ينديكاتور، 51 كورسەتكىش، 168 ءىس-شارا قاراستىرىلعان. جالپى، بارلىق ينديكاتورلار مەن كورسەتكىشتەر ءساتتى ورىندالۋدا»، - دەدى مينيستر.

ونىڭ سوزىنە قاراعاندا، 2017 جىلى باعدارلامانى ىسكە اسىرۋعا 420 ملرد تەڭگە ءبولىندى، سونىڭ ىشىندە رەسپۋبليكالىق بيۋدجەتتەن 250 ملرد تەڭگە، جەرگىلىكتى بيۋجەتتەن 170 ملرد تەڭگە ءبولىندى. بيىلعى 9 ايعا بولىنگەن 280 ملرد تەڭگەنىڭ 99،8 پايىزى يگەرىلدى.

---