تاريحتاعى ەڭ وعاش قارۋلار
تاريح ادامزات بالاسىنىڭ ونەرتاپقىشتىعىنا تولى. وكىنىشكە وراي، وسى پروگرەسكە جەتۋدە سوعىستىڭ ءرولى زور ەكەنىن دە مويىنداۋ كەرەك. قارسىلاستارىن باسىپ وزۋ جولىندا ءبىرقاتار مەملەكەت بارلىق رەسۋرستارىن ەڭ وزىق قارۋ تۇرلەرىن ويلاپ تابۋعا جۇمساۋدا. الايدا اتالمىش جوبالاردىڭ بارلىعى بىردەي ءساتتى شىقپاعان. نازارلارىڭىزعا ءىى دۇنيەجۇزىلىك سوعىس كەزىندە ويلاپ تابىلعان وعاش قارۋدىڭ بىرنەشە ءتۇرىن ۇسىنامىز.
بەتبومبا
ءىى دۇنيەجۇزىلىك سوعىس كەزىندە اقش-تا ويلاپ تابىلعان بۇل قارۋ جاپونياعا قارسى قولدانۋ ءۇشىن جاسالعان بولاتىن. قارۋدىڭ ءاربىر سناريادىنىڭ ىشىندە ورتەگىش بەنزينى بار 40 كادىمگى ءتىرى جارقانات ورنالاسقان. تايمەر جارقاناتتار ءۇيدىڭ توبەسىنەن ىڭعايلى ورىن العاننان كەيىن عانا ىسكە قوسىلاتىن بولعان.
تانكىگە قارسى يت
كەڭەس ۇكىمەتىنىڭ ناسيحاتتامالارىندا شامامەن 300-گە جۋىق نەمىس تانكىسىنىڭ ءيتتىڭ كومەگىمەن جويىلعانى تۋرالى دەرەكتەر جاريالانعان بولاتىن. يتتەردىڭ دەنەلەرىنە مينا بايلاپ، ولاردى جاۋدىڭ برونەتەحنيكاسىنا قارسى جىبەرەتىن بولعان. مۇنداي يتتەردى دايىنداۋ باعدارلاماسى تەك 1996 جىلى جابىلعانىن اتاپ ءوتۋ كەرەك.
كايتەن
كايتەن تورپەدالارى جاپونيا يمپەراتورلىق فلوتىنىڭ ارنايى تاپسىرىسى بويىنشا جاسالعان. ول نەمىستەردىڭ كەك الۋ قارۋىنىڭ انالوگى تۇرىندە دايىندالعان: سوعىس سوڭىنا جەتىپ قالعاندىقتان، قارجىسى ازايعان جاپونيا جوعارى تەحنولوگيالىق قارۋ جاساۋدان باس تارتقان بولاتىن. تورپەدانىڭ ىشىندە ونى جاۋ كەمەسىنە قارسى باعىتتاپ وتىراتىن 2 جاۋىنگەر وتىراتىن بولعان.
يادرولىق ارتيللەريا
كادىمگى يادرولىق قارۋ جەكەلەگەن قالالاردى جويۋ الەۋەتىنە يە. سۋىق سوعىس بارىسىندا اقش-تىڭ ەنەرگەتيكا دەپارتامەنتى سوعىس الاڭىندا قولدانىلۋى مۇمكىن تاكتيكالىق يادرولىق قارۋدىڭ جاڭا جوباسىن ۇسىنعان بولاتىن. 1950-جج. سوڭىندا اقش-تا «ديەۆي كروكەتت» اتتى كىشى-گىرىم يادرولىق وقتۇمسىقتى جىبەرە الاتىن ۆينتوۆكا تۇرىندەگى قۇرىلعى تەستىلەۋدەن ءوتتى. بۇل قارۋ ماقساتقا ساي بولماي شىقتى – ول جاقتاس اسكەرلەرگە ءقاۋىپ ءتوندىرۋى مۇمكىن دەپ تانىلدى.
سۋ استى ۇشاق تاسىعىشتارى
ءىى دۇنيەجۇزىلىك سوعىس بارىسىندا جاپونيا يمپەراتورلىق فلوتى Sen Toku I-400 سۋبمارينالارىن دايىنداپ شىعارا باستادى. بۇل سۋبمارينالاردىڭ ءاربىرىنىڭ بورتىندا 3 ۇشاق ورنالاستىرۋ مۇمكىندىگى بار بولاتىن. دەگەنمەن، اتالعان سۋ استى كەمەلەرىنىڭ تەك ۇشەۋى عانا شىعارىلعان بولاتىن، سەبەبى بۇل جوبا جاپونيا قازىناسى ءۇشىن تىم قىمباتقا سوققانىمەن، دىتتەگەن ماقساتىنا جەتپەگەن كورىنەدى.
You Might Also Like
-
اعىمداعى جىلى «نوبەل» سىيلىعى قانداي ەڭبەكتەرگە بەرىلدى جانە ول ەڭبەكتەردىڭ ماڭىزدىلىعى نەدە؟ بۇل سۇراقتارعا تومەندەگى ماقالامىزدا جاۋاپ بەرەتىن بولامىز (ەگەر بارلىعىن وتكىزىپ الع...
-
قالا جانە اۋىل مەكتەپتەرى اراسىندا ءبىلىم ساپاسى بويىنشا ايىرماشىلىق ءالى دە بار. بۇل تۋرالى ۇكىمەت وتىرىسىندا ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
