قۇرمانعازى ساعىرباي ۇلى
كۇرمانعازى ساعىرباي ۇلى (1818 - 1889) — قازاق حالقىنىڭ كلاسسيك كۇيشى-سازگەرى، توكپە كۇيدىڭ شەبەرى. ول قازىرگى باتىس قازاقستان وبلىسى جاڭاقالا اۋدانىندا جيدەلى دەگەن جەردە دۇنيەگە كەلگەن. ونىڭ ۇستازى — ۇزاق دەگەن كۇيشى.
قۇرمانعازى ەسىمى كوپ ۇلتتى حالىقتار اراسىنا كەڭىنەن تاراعان. ۇلى كۇيشى قازاقتىڭ اسپاپتى مۋزىكاسىن وركەندەتۋگە، ونىڭ دامۋىنا شەكسىز ۇلەس قوستى. سازگەردىڭ جۇرەك جاردى تۋىندىلارى كورشىلەس حالىقتار اراسىندا دا تانىمال. سوندىقتان ونى «كۇي اتاسى» دەپ اتايدى.
قۇرمانعازى ساعىرباي ۇلى — حالقىنىڭ مۇڭ-مۇقتاجىن، ارمان-تىلەگىن، قۋانىشىن ءوز كۇيلەرىندە كورسەتە بىلگەن كۇرەسكەر كۇيشى. ونىڭ كۇيلەرىن تىڭداعان ادام تەبىرەنبەي قويمايدى. بەلگىلى «اداي»، «سارىارقا»، «سەرپەر»، «كىشكەنتاي»، «كىسەن اشقان»، «تۇرمەدەن قاشقان»، «امان بول، شەشەم، امان بول»، ت.ب. تۋىندىلارى — حالقىمىزدىڭ باعا جەتپەس رۋحاني بايلىعى.
قايتالانباس ونەر يەسى، ءىرى تۇلعا، كۇيشى قۇرمانعازى — قازاق ەلىنىڭ ماقتانىشى.
وقۋعا كەڭەس بەرەمىز:
امان بول، شەشەم، امان بول
You Might Also Like
-
بيجاننىڭ قاسەنى ءومىر سۇرگەن 1858-1934 جىلدار ارالىعى — قازاق دالاسىندا ەجەلگى ەل بيلەۋ ءداستۇرى — ۇلىستى ءبىرتۇتاس مىقتى ۇستاعان حان (1824 ج)، سۇلتان (1868 ج) بيلىگى جويىلىپ، رەسەيدە قالى...
-
جامبىل وبلىسى رىسقۇلوۆ اۋدانى قۇلان اۋىلىنىڭ ماڭىندا ورتاعاسىرلىق قۇلان قالاسىنىڭ ورنى ساقتالعان. قۇلان قالاسى تۋرالى VII عاسىرداعى جۇڭگو، اراب جازبا دەرەكتەرىندە ايتىلادى. قۇلان قالاسىندا كوپتەگەن...
