- 07 قاز. 2021 00:00
- 208
قۇلان
جامبىل وبلىسى رىسقۇلوۆ اۋدانى قۇلان اۋىلىنىڭ ماڭىندا ورتاعاسىرلىق قۇلان قالاسىنىڭ ورنى ساقتالعان. قۇلان قالاسى تۋرالى VII عاسىرداعى جۇڭگو، اراب جازبا دەرەكتەرىندە ايتىلادى. قۇلان قالاسىندا كوپتەگەن تاريحي وقيعالار وتكەن. مىسالى، 740 جىلى تۇرگەش بەگى قۇرسۇل باتىس تۇرىك قاعاندىعىنىڭ ەڭ سوڭعى باسقاعى اشينا سۋيسزىنى وسى قالادا ولتىرگەن. 840 جىلى اراب اسكەرلەرى قۇلانعا دەيىن جەتكەن. تارازدان جانە مەركەدەن قۇلانعا دەيىنگى اراقاشىقتىق كورسەتىلگەن جول باعدارلارى جازىلىپ ساقتالعان.
قالانىڭ ورنىنان شاحريستان، ىشكى قامال جانە شىعىس جاعىندا بەكىنىسسىز رابات بولعاندىعىن بايقاۋعا بولادى. ىشكى قامال – بيىكتىگى 7-8 مەترگە جۋىق، ءتورتبۇرىشتى، 40x40 م2 الاڭى بار توبە. شاحريستانى ءتورتبۇرىشتى توبە پىشىندەس. ول ۇزىندىعى 320 م، بيىكتىگى 4-5 مەترگە جۋىق قابىرعامەن، سىرتىنان تەرەڭدىگى 1 م، ەنى 15 م ورمەن قورشالعان. قازبا جۇمىستارىنىڭ ناتيجەسىندە عيماراتتاردىڭ ورنىنان كوپتەگەن ىدىستار – قۇمان، قازان، قۇمىرا، قاقپاق، ساپتىاياق، شىراعدان، ت.ب. الىنعان.
قۇلان ورتا عاسىرلاردا ۇلى جىبەك جولىنداعى ءىرى مادەني-ساۋدا ورتالىقتاردىڭ ءبىرى بولعان.
وقۋعا كەڭەس بەرەمىز:
سۋياب
ساۋران
سايرام
ۇلى جىبەك جولىنىڭ 5 ءىرى قالاسى
ۇلى جىبەك جولى: شولدەگى قۇدىقتاردا قالايشا ءاردايىم سۋ بولعان؟