ءبىلىمدى ورتا – كيەلى مەكەن قازۇۋ
ادام كوزىن كوركەم تابيعاتى مەن اسەم عيماراتى ارقىلى جاۋلايتىن، ادام ساناسىن ءبىلىمى مەن بىلىكتىلىگى ارقىلى نۇرلاندىراتىن قارا شىڭىراق قازۇۋ-دىڭ وزگەلەرگە ۇقساماس وزگەشەلىكتەرىن ايتىپ تاۋىسۋ مۇمكىن ەمەس شىعار ءسىرا...
بۇل ءبىلىم مەن عىلىم ورداسى – كىرگەن بويدا جانارىڭدى الىپ تاۋلارىنىڭ شىڭىنا سۇيرەپ، بويىڭا ءبىر كۇش بەرىپ، كوزىڭدى تويدىرار كورىكتى تابيعاتىمەن كەز-كەلگەن جاندى وزىنە قاراتادى. ءار مەزگىلدىڭ ۋاقىتىندا كەلىپ تۇرار قۇستارى دا، بيىك عيماراتتاردى اينالا ۇشىپ، ءوزىڭدى ەلەڭ ەتكىزەدى!
ساپىرىلىسىپ، ارلى-بەرلى ءجۇرىپ جاتقان ستۋدەنتتەرىنىڭ اراسىنان وزگە تۇگىل، ءوزىڭدى جوعالتۋىڭ اپ-ساتتە! سەبەبى، بۇل ءبىلىم ورداسىندا، بولاشاقتىڭ دامۋىنا ءوز ۇلەسىن قوسۋعا اسىق بولىپ جۇرگەن ءبىلىمپاز ستۋدەنتتەر وتە كوپ. ءبىراز اينالا جۇرسەڭىز، شەتەل ازاماتتارىن دا جول بويىنان كەزىكتىرەسىز. ويتكەنى، بۇل ءبىلىم ورداسىندا كورشى ەلدەرمەن قاتار، شەتەلدەن كەلگەن ءبىلىمدى ستۋدەنتتەر قاتارى دا بارشىلىق. سونىمەن قوسا، الەمنىڭ وزىق ەلدەرىنە بارىپ، تاجىريبە مەن تەوريانى قاتار دامىتىپ جاتقان ستۋدەنتتەردى دە وسى ورايدا قوسا كەتكەن ابزال.
جاز مەزگىلىندە، قاق ورتاسىندا تۇرعان سۋبۇرقاعى سۋىن شاشىپ، جازدىڭ جادىراڭقى ەكەنىن اڭعارتىپ تۇرادى. جان-جاعى تولعان كوز تويدىرار، مۇرىن جارار اسەم گۇلدەر مەن الىپ اعاشتار ءھام جاسىل ءتۇستى كوز الار شىرشالار. عيماراتتار ىشىندەگى ەڭ الىبى سانالاتىن، كۇن شۋاعىنا ءوزىنىڭ الىپ كولەڭكەسىن ءتۇسىرىپ، كەش باتقاندا جارىعىن بەرىپ تۇراتىن – رەكتوراتتى ايتساڭىزشى... باسىنان باستاپ، تاۋ بەتكەيىنە قاراعان جاققا دەيىن قورشالعان، ۇلكەندى-كىشىلى، ۇزىندى-قىسقالى ءبىلىم فاكۋلتەتتەرى. سول فاكۋلتەتتەرگە قاراما-قارسى تۇرعان – ءو.ا. جولداسبەكوۆ اتىنداعى ستۋدەنتتەر سارايى. سىڭعىر داۋسى بار ياكي كەز-كەلگەن اسپاپتىڭ قۇلاعىندا ويناپ، ساحنانى سايراتامىن دەگەن ستۋدەنتتەرگە ۇلكەن مۇمكىندىك جاسالىنعان. اركەز ءىشى – ەرەكشە كوڭىل-كۇي سىيلايتىن مەرەكەلىك كونسەرتتەر مەن ۇلى تۇلعالارمەن، ءماندى دە ءساندى سۇحباتتار جۇرگىزىلەتىن ساليقالى كەشتەردەن بوسامايدى.
قازۇۋ-دىڭ ەڭ كوركەم ءارى جانارىڭدى جاۋلار عيماراتتارىنىڭ ءبىرى – ءال-فارابي كىتاپحاناسى. ەسىك الدى ءبىلىم قۋعان ستۋدەنتتەر مەن بىلىمىنە ءبىلىم قوسۋعا اسىق بولىپ جۇرگەن، ۇستازداردان بوسامايتىن بۇل كىتاپحانادان، ىزدەگەنىڭنىڭ ءبارىن تابا الاسىڭ. ءتىپتى، ىشىندە جۇرەك جالعار جەرى دە بار. الىپ اينەكتى تەرەزەلەرىنە قاراپ، ءبىلىمىڭدى تولىقتىرىپ، ويىڭدى قاعاز بەتىنە ءتۇسىرىپ، ءوزىڭ ىزدەگەن ءبىلىم قۇرالدارىن الىپ، بەيمارال جۇمىس جاساۋىڭا بولادى. كەرەك دەسەڭىز، ەلەكتروندى كىتاپتار ارقىلى دا جۇمىسىڭىزدى تەز اياقتاۋىڭىزعا بولادى. وقيمىن دەگەن ءاربىر تۇلعاعا، بۇل جەردەن جان-جاقتى كومەك پەن مۇمكىندىك جەتەرلىك.
ءسال جوعارى كوتەرىلسەڭىز، ستۋدەنتتەرگە كومەك كورسەتەتىن «كەرەمەت» دەپ اتالاتىن عيماراتقا جەتەسىز. ىشىنە كىرسەڭىز ءتاتتى تاعامنان باستاپ، ستۋدەنتتەرگە كەرەك زاتتار ساتاتىن دۇكەندەردى دە، اسەم بولام دەيتىندەرگە ءسان سالوندارىن دا، كىتاپ وقىپ، جانىن جادىراتاتىن ستۋدەنتتەرگە كىتاپ دۇكەندەرىن دە، ءتىپتى ەم قوندىراتىن ەمحاناسىن دا، كورە الاسىز. ال، بۇل عيماراتتى قورشالاي تۇرعان، ستۋدەنتتەر ءۇشىن جىلى ورىن مەن ىستىق ەستەلىكتەر قالدىراتىن – جاتاقحانا. جالپى قاراپ تۇرساڭىز، بۇل وقۋ ورنىندا ءبارى زاماناۋي، ءبارى قازىرگى ۋاقىتقا ساي جاسالىنعان. قازۇۋ-دىڭ بۇداندا باسقا اۋىز تولتىرا ايتار ەرەكشەلىكتەرى جەتەرلىك!
كەزىندە دە، قازىردە دە اركىمنىڭ قولى جەتە بەرمەيتىن جانە تاڭدانا دا، ماقتانا دا ايتاتىن ۇستازدىق ەتكەن مۇحتار اۋەزوۆ سىندى قازاقتىڭ ۇلى جازۋشىلارى مەن حالىقارالىق سپورت شەبەرى ەرماحان ىبرايىموۆ سىندى اتاقتى تۇلعالاردىڭ اياق ىزدەرى باسىلىپ وتكەن بۇل ءبىلىم ورداسىندا، كەز-كەلگەن جاننىڭ ءبىلىم نارىمەن سۋسىنداعىسى كەلەتىنى داۋسىز.
قازۇۋ – راسىمەندە بىلىمگەرگە جاڭا مۇمكىندىكتەرگە جول باستار عىلىم مەن ءبىلىم ورداسى! بۇل وردادان العان ءاربىر بىلىمدە، ءاربىر اسەردە ءھام لەپتە، ادام جادىندا ماڭگىگە ەرەكشە بولىپ ساقتالارى حاق! وسىنداي ەرەكشەلىكتەرىمەن، اسەم الماتىنىڭ كوركىنە كورىك قوسىپ تۇرعان عىلىم مەن ءبىلىم ورداسى – ءال-فارابي اتىنداعى قازاق ۇلتتىق ۋنيۆەرسيتەتىنە ءسىزدى دە شاقىرامىز! جايدارلى ءجۇزىڭىز بەن شۋاقتى كوزىڭىزبەن، وسى ايتىلعانداردى ءبىر تاماشالاپ ءوتىڭىز!
مارات شولپان ءال-فارابي اتىنداعى قازۇۋ-دىڭ، فيلولوگيا جانە الەم تىلدەرى فاكۋلتەتىنىڭ، قازاق ءتىلى مەن ادەبيەتى ماماندىعىنىڭ 2-كۋرس ستۋدەنتى.
ادەبي كەڭەسشى: رامازانوۆ تالعات بەكبولات ۇلى.
ءال-فارابي اتىنداعى قازۇۋ-دىڭ وقىتۋشىسى، دوكتورانت.
You Might Also Like
-
«قازىرگى جاستار كىتاپ وقىمايدى!»-بۇل ءبىزدىڭ قازىرگى جاس بۋىن كىتاپقا قىزىقپايدى دەپ ۇلكەندەردىڭ شورت كەسىپ ايتاتىن،ال جاستاردىڭ ءجيى ەستيتىن ءسوز تىركەسى.الايدا زەرتتەۋشىلەردىڭ پىكىرىن سۇ...
-
دۇنيەجۇزىلىك ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس 1987 جىلدان باستاپ قولعا الىنىپ كەلەدى. بۇگىندە بۇل شارالاردىڭ ەلىمىز ءۇشىن ماڭىزى زور. سەبەبى، قازاقستاندا ناشاقورلىقتىڭ تارا...
