InfoHub Logo

رۋحاني-ادامگەرشىلىك تاربيە – ادامگەرشىلىك سانانىڭ قالىپتاسۋ جانە رۋحاني دامۋ پروسەسى. ادامگەرشىلىككە تاربيەلەۋدى بالالاردىڭ بويىندا ۇلكەندى قۇرمەتتەۋگە، تىڭداي بىلۋگە، ولاردىڭ اقىل-كەڭەسىن، نۇسقاۋىن ىقىلاسپەن ورىنداۋعا قۇشتارلىق پەن قابىلەتتى دامىتۋدان باستاۋ كەرەك.

ادامگەرشىلىككە تاربيەلەۋ تەك تاربيە پروسەسىندە عانا ەمەس، سونىمەن قاتار وقىتۋدا دا جۇزەگە اسادى. ادامنىڭ ادامگەرشىلىك قاسيەتتەرى مەكتەپكە دەيىنگى جاستا قالىپتاسادى، سوندىقتان بالالاردى ءوز مىندەتتەرىن ورىنداۋعا، جاۋاپكەرشىلىككە ەرتە جاستان باستاپ ۇيرەتۋ قاجەت. تۇلعانىڭ العاشقى قالىپتاسۋى وتباسىنان باستالادى، ءبىراق ماقساتتى تۇردە قالىپتاسۋى مەكتەپكە دەيىنگى ۇيىمدا جۇزەگە اسادى. ءدال وسى جەردە بالا قارىم-قاتىناس ۇلگىسىن مەڭگەرەدى، بارلىق ىستە ۇلكەندەرگە ەلىكتەۋگە تىرىسادى. تاربيەشىنىڭ مىندەتى – بالا بويىنا وتانعا دەگەن سۇيىسپەنشىلىكتى وياتۋ، كەز كەلگەن ءىستىڭ باستاماشىسى بولۋ. مەكتەپ جاسىنا دەيىنگى بالالاردى ادامگەرشىلىككە تاربيەلەۋدىڭ نەگىزگى مىندەتتەرىنە بالالاردىڭ ادامگەرشىلىك سەزىمدەرىن، جاعىمدى داعدىلارىن جانە مىنەز-قۇلقىن دامىتۋ جاتادى. مەكتەپكە دەيىنگى جاستا بالادا جاناشىرلىق، قايعى مەن قۋانىشقا جاۋاپ بەرۋ قابىلەتتەرى قالىپتاسادى. مەكتەپ جاسىنا دەيىنگى بالالاردىڭ ەرەكشەلىگى - ايقىن ەلىكتەۋ قابىلەتى. سونىمەن قاتار ناشار دامىعان مىنەز-قۇلىق جۇيەسى، ءوز ىس-ارەكەتىن باسقارا الماۋ، ولاردىڭ مورالدىق مازمۇنىن تۇسىنە الماۋ جاعىمسىز ارەكەتتەرگە اكەلۋى مۇمكىن. بۇل داعدىلاردى قالىپتاستىرۋ كەيىننەن ادامگەرشىلىك ادەتتەرگە اينالاتىن تاجىريبە جيناقتاۋ پروسەسىندەگى باستى مىندەت بولىپ تابىلادى.

وسى ماقساتتا مەكتەپكە دەيىنگى ۇيىمداردا رۋحاني-ادامگەرشىلىك تاربيە بەرۋ ءۇشىن بارلىق جاعدايدى جاساۋ قاجەت، اتا-انالاردىڭ دا كومەگى ماڭىزدى. تەك وسى جاعدايدا عانا بالادا ەموسيونالدى جايلىلىق سەزىمى پايدا بولۋى مۇمكىن جانە قۇربىلارىمەن راحاتتانا، ەركىن ءتىل تابىسىپ، ولارمەن كەزدەسۋدى، بىرگە ويناۋدى قۋانىشپەن كۇتەدى، اتا-اناسىمەن قۋانىشى مەن قايعىسىن بولىسەدى. ءاربىر بالا بەلگىلى ءبىر تاپسىرمانى ورىنداعاندا ءوز قابىلەتىنە سۇيەنەدى. مىسالى، ويىن ارقىلى جاعىمدى ادەتتەر قالىپتاسادى، سەنىمدى قارىم-قاتىناس ورنايدى، ەڭبەكسۇيگىشتىككە، جاۋاپكەرشىلىككە، ۇيىمشىلدىققا تاربيەلەنەدى.

حالىق اۋىزشا شىعارمالارى، انانىڭ جۇرەكتەن شىققان بەسىك جىرى ارقىلى بالانىڭ بويىنداعى ادامگەرشىلىك قاسيەتتەردى بويىنا سىڭىرەدى. سانالى دا سەزىمتال ۇرپاق تاربيەلەۋ – ءاربىر ۇستازدار قاۋىمىنىڭ مىندەتى.

بەيسەن ەرسۇلتان بەردىبەك ۇلى

---