«ساۋات اشۋدى» «الىپپەگە» وزگەرتەمىز، مۇمكىن لاتىنمەن باستايمىز – ساعادييەۆ
2015 جىلى «ساۋات اشۋ» پانىنە وزگەرگەن «الىپپەنى» 2019 جىلى قايتا قالپىنا كەلتىرەمىز. ونىڭ لاتىنمەن نەمەسە كيريلليسامەن شىعاتىنىن كەلەسى جىلدىڭ باسىندا ناقتى شەشەمىز. ءبىراق ءبىز كەيىنگە قالدىرمايمىز. بۇل تۋرالى ق ر ءبىلىم جانە عىلىم ءمينيسترى ەرلان ساعادييەۆ «حابار» تەلەارناسىنا بەرگەن سۇحباتىندا ايتتى.
مينيستر تەلەارناعا بەرگەن سۇحباتىندا بيىلعى وقۋ جىلىندا ۇلكەن وزگەرىستەردىڭ بولماعانىن ايتىپ، تەك 2، 5، 7-سىنىپتاردىڭ وقۋلىقتارى جاڭارتىلعان مازمۇنمەن ساباق باستاعانىن جەتكىزدى.
«2019 جىلدان باستاپ بارلىق مەكتەپكە 0-سىنىپتى ەنگىزەمىز. وقۋلىقتاردىڭ جاڭارتىلعان مازمۇنىنا كەزەڭ-كەزەڭمەن كوشۋدەمىز. بىلتىرعى جىلى جاڭا باعدارلامانى 1-سىنىپ باستاسا، بيىل 2، 5، 7-سىنىپتار قوسىلدى. جاڭا وقۋلىقتار باسىلىپ، بارىنە جىبەرىلدى. كەلەسى جىلى بۇل باعدارلاماعا 3، 6، 9-سىنىپتار كوشەدى. بيىل 73 مىڭ ءمۇعالىم جاڭارتىلعان مازمۇن بويىنشا دەڭگەيىن كوتەرۋ كۋرسىنان ءوتتى. كەلەسى جىلى تاعى 70 مىڭ ءمۇعالىم بۇل كۋرستان وتەدى. مۇعالىمدەرگە قيىنعا سوعىپ جاتقان جوق. ءبىز مەكتەپتەردى جاڭارتىلعان مازمۇنعا 2020 جىلى تولىقتاي كوشىرەمىز»، - دەگەن مينيستر بيىل 1500-دەن استام ءمۇعالىم اعىلشىن ءتىلىن ۇيرەنىپ، اعىلشىن تىلىندە ساباق بەرۋگە كىرىسكەنىن ايتتى.
پاندەردى اعىلشىن تىلىندە وقىتۋ تەك قالالاردا عانا بولمايتىنىن ايتقان مينيستر قازاقتىڭ بالاسى قاي جەردە بولسا دا ءبىرىڭعاي جوعارى، ساپالى، زاماناۋي ءبىلىم الۋى ءۇشىن بۇل باعدارلاما جاپپاي جۇزەگە اساتىنىن جەتكىزدى.
«قازاقتىڭ بالاسى قاي جەردە بولسا دا ءبىرىڭعاي جوعارى، ساپالى، زاماناۋي ءبىلىم الۋى كەرەك. 2019 جىلدان باستاپ 10، 11-سىنىپتا ينفورماتيكا، فيزيكا، حيميا جانە بيولوگيا سىندى 4 ءپان اعىلشىن تىلىندە وقىتىلا باستايدى. ءقازىر 95 پايىز اتا-انا بالالارىنا پاندەردى اعىلشىن تىلىندە وقىتۋعا دايىن»، - دەدى مينيستر.
2015 جىلى «ساۋات اشۋ» ءپانى دەپ وزگەرگەن «الىپپە» ءالى كۇنگە نە ءۇشىن قايتا قالپىنا كەلتىرىلمەي جاتقانىن تۇسىندىرگەن ەرلان كەنجەعالي ۇلى جاڭا الىپپەنىڭ لاتىنمەن دايىندالۋى مۇمكىن ەكەنىن تىلگە تيەك ەتتى.
«وقۋلىقتاردى وزگەرتۋگە 4 جىل سايىن قارجى بولىنەدى. ياعني، 2015 جىلى «ساۋات اشۋ» دەپ وزگەرگەن ءپان 2019 جىلى قايتا «الىپپە» دەگەن اتاۋمەن 0-سىنىپتان باستاپ وقىتىلاتىن بولادى. بالالار «الىپپەدەن» جوعارىلاپ «انا تىلگە» كوشەدى. ال «الىپپەنىڭ» لاتىن مەن كيريلليسانىڭ قايسىسىندا بولاتىنىن كەلەسى جىلدىڭ باسىندا شەشەمىز. ءبىراق ءبىز سوزبايمىز»، - دەدى ءبىلىم جانە عىلىم ءمينيسترى.
مينيستر سۇحباتىندا گرانت ماسەلەسىنە دە توقتالدى. ونىڭ پىكىرىنشە ءار ماماندىققا بولىنگەن گرانتتاردىڭ سانى 3 جىل بويى وزگەرىسسىز ساقتالعاندا عانا مەكتەپ ءبىتىرۋشى بۇنداي توسىن جاعدايعا تاپ بولمايدى.
«ءار ماماندىققا ءارتۇرلى گرانت بولىنەدى. مىسالى، جالپى مەديسيناعا 2000 گرانت بولىنسە، ءتىس ەمدەۋگە 45 گرانت، پەداگوگيكاعا 5000 گرانت بەرىلسە، ەكونوميكاعا 45 گرانت قانا بولىنەدى. ءسويتىپ، ەكونوميكانى وقىعىسى كەلگەن بالا 135 بالمەن تۇسە الماي، پەداگوگيكاعا 65 بالمەن ءوتىپ جاتىر. ءبىز بۇل ماسەلەنى شەشەمىز. التىن بەلگىلەردىڭ ماسەلەسىن دە دەپۋتاتتارمەن بىرگە تالقىلاپ جاتىرمىز. مەنىڭشە ءار ماماندىققا گرانتتاردىڭ سانى 3 جىل بۇرىن بەلگىلەنۋى كەرەك. 3 جىل وزگەرىسسىز قالسا بالالار دا الدىن الا بولجاپ وتىرادى»، - دەدى ەرلان كەنجەعالي ۇلى.
You Might Also Like
-
اتا-انانىڭ ەڭ ۇلكەن ۋايىمى، ەڭ نەگىزگى ماقساتى بالاسىن ەڭ جاقسى تۇردە جەتىلدىرۋ بولىپ تابىلادى. ءبىراق كەيدە جاقسىلىق جاسايىن دەپ وتىرىپ زيان تيگىزۋى دە مۇمكىن. بۇعان مىسال رەتىندە «كەزىندە ءبى...
-
استانادا تۇركى اكادەمياسى حالىقارالىق ۇيىمىندا (TWESCO) «ورتاق تۇركى تاريحى» وقۋلىعىنىڭ سوڭعى جوباسىن تالقىلاۋعا ارنالعان ساراپشىلار جيىنىنىڭ قورىتىندى وتىرىسى ءوتتى.
