شاكيرا قازاقستانعا كەلۋى مۇمكىن – ۇيىمداستىرۋشىلار كەلىسسوز جۇرگىزىپ جاتىر
شاكيرا قازاقستانعا كەلۋى مۇمكىن – ۇيىمداستىرۋشىلار كەلىسسوز جۇرگىزىپ جاتىر،-دەپ حابارلايدى Infohub.kz ءتىلشىسى.
الەمدىك دەڭگەيدەگى ءانشى شاكيرا قازاقستاندا جەكە كونسەرت بەرۋى مۇمكىن. بۇل تۋرالى دجەننيفەر لوپەستىڭ استاناداعى كەشىن ۇيىمداستىرعان پروديۋسەر مالىك حاسەنوۆ مالىمدەدى. ونىڭ ايتۋىنشا، قازىرگى تاڭدا تانىمال جۇلدىزبەن كەلىسسوزدەر جۇرگىزىلىپ جاتىر.
— مەن سىزدەرگە كىشىگىرىم قۇپيانى اشايىن. ءبىز شاكيرامەن كەلىسسوز جۇرگىزۋدەمىز. بۇيىرسا، كۇزدە ناقتى شەشىم بەلگىلى بولادى. جاڭالىق كۇتىڭىزدەر، – دەدى حاسەنوۆ «ادىرنا» تىلشىسىنە بەرگەن سۇحباتىندا.
ايتا كەتەيىك، 1 تامىزدا استانادا دجەننيفەر لوپەس العاش رەت قازاقستاندىق كورەرمەن الدىندا ونەر كورسەتتى. ال 10 تامىزدا ول الماتىدا كونسەرت قويادى. سونىمەن قاتار، قىركۇيەك ايىندا استانا مەن الماتىدا اتاقتى Backstreet Boys توبىنىڭ كەشتەرى جوسپارلانىپ وتىر.
مادەنيەت جانە اقپارات ءمينيسترى ايدا بالايەۆا دا بۇعان دەيىن لارا فابيان مەن شاكيرانىڭ كونسەرتىنە بارعىسى كەلەتىنىن ايتقان بولاتىن.
ەگەر كەلىسسوزدەر ءساتتى اياقتالسا، بۇل قازاقستانداعى شوۋ-بيزنەس پەن كونسەرتتىك يندۋستريانىڭ دامۋىنا ۇلكەن سەرپىن بولارى ءسوزسىز.
You Might Also Like
-
پەريزات قايرات 10 جىلعا سوتتالدى: قايىرىمدىلىق قارجىسىن جىمقىرۋ ءىسى بويىنشا ۇكىم شىقتى،-دەپ جازادى ينفوحاب ءتىلشىسى.
-
بىرىككەن ۇلتتار ۇيىمىنىڭ ادام قۇقىقتارى جونىندەگى جوعارعى كوميسسارى فولكەر تيۋرك يرانداعى ءولىم جازالارى سانىنىڭ كۇرت ارتۋىنا الاڭداۋشىلىق ءبىلدىردى. ونىڭ مالىمەتىنشە، 2025 جىلدىڭ العاشقى جارتىجىلدىع...
