InfoHub Logo

«شاڭىراق» وتباسىلار سايىسى
ماقساتى: وتباسى مەن مەكتەپ اراسىنداعى ىنتىماقتاستىقتى نىعايتۋ، حالىق پەداگوگيكاسىن وقۋ - تاربيە بارىسىندا قولدانۋ، ۇلتتىق تاربيەنى دامىتۋ، بالالاردى تاتۋلىققا، ۇيىمشىلدىققا تاربيەلەۋ.
سايىستىڭ ءجۇرۋ بارىسى:
جۇرگىزۋشى: ارمىسىزدار، ءقادىرلى اتا - انالار، جارىسقا قاتىسۋشىلار مەن بالاباقشا ۇجىمى! بۇگىنگى «شاڭىراق»وتباسىلار سايىسىنا قوش كەلدىڭىزدەر!
بالا – ءبىزدىڭ بولاشاعىمىز. سوندىقتان دا بالالاردى كىشكەنتايىنان اتا - انالارىمەن بىرىگە وتىرىپ، مەيىرىمدى، ءبىلىمپاز ەتىپ تاربيەلەۋ ءبىزدىڭ باستى مىندەتىمىز. اتا - انانىڭ ءۇمىت - ارمانى بالاسىمەن بىرگە جاسايدى. ولاردىڭ بار تىلەۋى بالاعا باعىتتالعان. بۇگىنگى سايىسقا قاتىسقالى وتىرعان اتا - انالارىمىزدى ورتاعا شاقىرايىق. ولار: «اق بوساعا» توبى –
«اسىل مۇرا» توبى –
جۇرگىزۋشى: سايىسىمىز مىناداي كەزەڭدەردەن تۇرادى:
1. «ءسوز اناسى - سالەم»
2. تاپسىرمالار مەن سۇراقتار
3. «اتا كورگەن وق جونار، انا كورگەن تون پىشەر»
4. جاعداياتتار
5. «قازاقتىڭ تىيىم ءسوزى – ۇلتتىق تاربيە كوزى»

جينالىپپىز بەيسەنبىدە ءبارىمىز دە،
ۇلكەن - كىشى، جاسىمىز، كارىمىزدە
تورلەتىڭدەر قادىرمەندى قوناقتارىم
گۇل - گۇل جايناپ مىنا ءبىزدىڭ تورىمىزگە
ءار وتباسىنا رەت ءنومىرى بەرىلەدى (قورجىننان اسىق الۋ ارقىلى). سودان كەيىن سايىستىڭ باستالۋىنا اق اجە كەلىپ شاشۋ شاشىپ، باتا بەرەدى. سايىسقا ساتتىلىك تىلەيدى:
سۇراساڭ باتا بەرەيىن،
ۇستەم بولسىن مەرەيىڭ
ىقىلاسپەن قول جايساڭ
اق تىلەكتى توگەيىن
اسۋ - اسۋ، اسۋدا
باقىت بەرسىن باسىڭا
دەندەرىڭە ساۋلىق تىلەيمىن
وتباسىلارىڭ امان بولسىن
شاڭىراقتارىڭ بيىك بولسىن
كەرەگەلەرىڭ كەڭ بولسىن
بۇگىنگى مىناۋ سايىستارىڭ
وسى ۇرپاققا ونەگە بولسىن! اۋمين!
جۇرگىزۋشى:
كەرى كەتۋ ەسىگىن ءبىز اشپايىق
شاڭىراققا ءبىز ۇراندى تاستايىق
ەڭ ءبىرىنشى كەزەگىمىز تانىسۋ
ال، قانەكي «شاڭىراق» سىنىن باستايىق

ءى كەزەڭ: «ءسوز اناسى - سالەم» دەپ اتالادى. ءار وتباسى وزدەرىن تانىستىرادى (توپتىڭ اتى، ۇرانى).
«اق بوساعا» توبى: «اق بوساعا» توبىمىز
اشىق اركەز جولىمىز
جارىسۋدان قاشپايمىز
مۇدىرمەيمىز، ساسپايمىز
«اسىل مۇرا» توبى: توپتىڭ اتى - «اسىل مۇرا»
كەلدىك مىنە جارىسۋعا
ارامىزدا ەپتىلەر بار
ءسوز بەرەمىز قالىسپاۋعا.

ءىى كەزەڭ: تاپسىرمالار مەن سۇراقتار. ۇلتتىق كيىم كيگەن قىز بالا قورجىن الىپ شىعادى. ءار وتباسىنىڭ بالالارى قورجىنداعى نومىرلەنگەن اسىقتاردى الادى، اسىقتاردى الۋ ارقىلى تاپسىرمالار بەرىلەدى.
№ 1. «شىلدەحانا» سالت - ءداستۇرىنىڭ مازمۇنىن ءتۇسىندىرىڭىز.
№ 2. «قىرقىنان شىعارۋ» سالت - ءداستۇرىنىڭ مازمۇنىن ءتۇسىندىرىڭىز
№ 3. «بەسىككە سالۋ» كورىنىس
№ 4. «يتكويلەك» سالت - ءداستۇرىنىڭ مازمۇنىن ءتۇسىندىرىڭىز

جۇرگىزۋشى: ونەرپازدار جارىسىپ سان - سالالى
جيىن دەسە، توي دەسە جان سالادى
كەلەسى كەزەڭىمىزدىڭ قۇرمەتىنە
اۋەلەگەن اسەم ءان جولدانادى.
مۋزىكالىق ءۇزىلىس: تەرمە.
جۇرگىزۋشى: جارايسىڭدار بارلىعىڭدا دەر ەدىم
اسىپ ءبىر توگىلسىنشى كەمەلىڭ
ىرزا بولىپ قانە، بىزدەر كورەيىك
تاماشالاپ شاڭىراقتىڭ ونەرىن

ءىىى كەزەڭ: «اتا كورگەن وق جونار، انا كورگەن تون پىشەر»
اتا - انالار قول ونەردەن جارىسادى.

IV كەزەڭ: جاعداياتتار.
№ 1. ۇيگە كەلگەندە بالاڭىزدىڭ قالتاسىنان بوتەن ويىنشىق شىقتى، ءسىز نە ىستەر ەدىڭىز؟
№ 2. تاڭەرتەڭ بالاڭىز ساباققا بارمايمىن دەپ جىلاپ وتىرىپ الدى، ءسىز جۇمىسقا اسىعىپ تۇرسىز، نە ىستەر ەدىڭىز؟
№ 3. بالاڭىز ءسۇرىنىپ بەتىن جاراقاتتاپ الدى، ءبىراق سىزگە سىنىپتاس بالا ۇردى دەپ كەلسە، بۇل جاعدايدا نە ىستەر ەدىڭىز؟
№ 4. قوناق كەلگەندە بالاڭىز ءسىزدى تىڭدامادى، جۇگىردى، سەكىردى، كەلگەن ادامداردىڭ مازاسىن الدى، ءسىز نە ىستەر ەدىڭىز؟
مۋزىكالىق ءۇزىلىس:

V كەزەڭ: «قازاقتىڭ تىيىم ءسوزى – ۇلتتىق تاربيە كوزى».
№ 1. ا ) «ۇيدە ىسقىرما!»، «ۇيدەگى جان باسىن ساناما!» دەگەن تىيىم سوزدەردىڭ ماعىناسىن اشىڭىز.
ءا ) انا ءتىلىنىڭ مارتەبەسىن قالاي كوتەرەمىز؟ ءسىزدىڭ كوزقاراسىڭىز؟
№ 2. ا) «ناندى ءبىر قولىڭمەن ۇزبە!»، «نان ۋاعىن تاستاما!» تىيىم سوزدەرىنىڭ ماعىناسى قانداي؟
ءا) وتباسىندا ءوز ۇلتىڭىزدى قۇرمەتتەيتىن قانداي يگى ءداستۇردى جالعاستىرىپ كەلەسىز؟
سايىس سوڭىندا قازىلار القاسىنىڭ قورىتىندىسى تىڭدالىپ، قازىلار القاسىنىڭ شەشىمىمەن «ەڭ تاربيەلى» جانە «ەڭ ادەپتى» وتباسىلار نوميناسياسى بويىنشا ماراپاتتالدى.