سوڭعى ون جىلدا ەلىمىزدە بالالار ءۇيىنىڭ سانى 2 ەسە ازايدى
سوڭعى 10 جىلدا بالالار ءۇيىنىڭ سانى مەن ونداعى تاربيەلەنۋشىلەر سانى 2 ەسە ازايعان. بۇل اقپاراتتى ق ر وقۋ-اعارتۋ مينيسترلىگى بالا قۇقىقتارىن قورعاۋ كوميتەتى جەتكىزدى.
مەملەكەت باسشىسىنىڭ تاپسىرماسى بويىنشا بالالار ۇيلەرى بالالاردى قولداۋ ورتالىقتارىنا اينالدى.
ۇكىمەت كاسىبي قابىلداۋشى وتباسى ينستيتۋتىن ەنگىزۋ بويىنشا زاڭنامالىق نورمالاردى ازىرلەدى، بۇل ودان دا كوپ بالانى وتباسىلىق قامقورلىقپەن قامتۋعا مۇمكىندىك بەرەدى.
جەتىم جانە اتا-انا قامقورلىعىنسىز قالعان بالالاردى وتباسىلارعا ورنالاستىرۋ – مەملەكەتتىك ساياساتتىڭ باسىم باعىتى.
بۇگىندە وتباسىلىق ورنالاستىرۋدىڭ 4 بالاما ءتۇرى بار:
- بالا اسىراپ الۋ؛
- قورعانشىلىق (قامقورشىلىق)؛
- پاترونات؛
- قابىلداۋشى وتباسى.
قازىرگى كۇنى 3 مىڭنان اسا بالا 116 ينتەرنات ۇيىمىندا تاربيەلەنىپ جاتىر. سوڭعى 10 جىلدا 7 مىڭ بالا ءوز وتباسىن تاپتى.
«بالالار ءۇيىنىڭ ازايۋىنا ينتەرنات ۇيىمدارىن دەينستيتۋسيوناليزاسيالاۋ، وتباسىلىق ورنالاستىرۋدىڭ بالاما نىساندارىن ەنگىزۋ جانە جەتىم بالا تاربيەلەپ وتىرعان وتباسىلاردى ماتەريالدىق قولداۋ ساياساتى اسەر ەتتى»، – دەدى بالا قۇقىقتارىن قورعاۋ كوميتەتى ءتوراعاسى ناسىمجان وسپانوۆا.
سونىمەن قاتار اتا-انا قامقورلىعىنسىز قالعان ءار بالاعا كوللەدجدەر مەن جوعارى وقۋ ورىندارىندا ءبىلىم الۋعا گرانت بەرىلىپ، شاكىرتاقى تولەنەدى.
ولاردىڭ جۇمىسقا ورنالاسۋ كەزىندە باسىم قۇقىعى بولادى.
You Might Also Like
-
لەد ەكراننان مەكتەپ اۋلاسى كورسەتىلەدى. ال اۋلادا كىشكەنە عانا وقۋشى قىز، قولىنا پاكەت كيىپ الىپ، قوقىس تەرىپ جۇرەدى. كەنەت ساحناعا ەكى ۇل بالا شىعىپ:
-
قابانباي باتىر جاس كەزىندە ۇلى ءجۇزدىڭ اتويشىل باتىرلارى حانكەلدى، ارالباي، مەرگەنباي، جاۋاتار، ىرىسكەلدى سياقتى ءىرى تۇلعالارمەن تالاي رەت ۇزەڭگىلەس بولىپ، جوڭعارلارعا قارسى قاندى شايقاستار ءجۇ...
