تابيعات-ەكىنشى ءۇيىڭ
«ۇشى-قيىرى جوق تەڭىزدەي شەكسىز دالانى نەشە الۋان ءشوپ باسىپ،ۇلبىرەگەن ناپ-نازىك گۇلدەر بەينە جاسىل داستارقانداي بوپ جايىلادى»،-دەپ شوقان ءۋاليحانوۆ ايتپاقشى،تىلسىم تابيعات قاشان دا قۇندى دۇنيەسىمەن تامساندىرۋىن توقتاتپاق ەمەس.كۇن شۋاعىن توگىپ اينالانى نۇرلاندىرسا قۋانىشتى دەپ،اسپاندى بۇلت تورلاپ،جەلىمەن جەردى جەكسەن ەتسە تابيعاتتىڭ اشۋى دەپ تۇسىنەتىن بىزدەردىڭ،سوناۋ ىقىلىم زاماننان بەرى تابيعاتقا دەگەن قۇرمەتىمىز ەرەكشە.ادام بالاسىنىڭ تابيعات اياسىندا تىنىستاعان ءاربىر دەمى الاپات كۇشكە يە.ونى سوزبەن ءتۇسىندىرۋ ءتىپتى مۇمكىن ەمەس شىعار،ءسىرا!
مەنىڭ قيالىمداعى تابيعات ۇعىمى-ەرەكشە سەزىم،مول شابىت،كوركەم دۇنيە،قايتالانباس تۋىندى،كورىنىسىمەن كوڭىلىمىزدى كوتەرىپ،ەرەكشەلىگىمەن ەستە قالار،اسەم دە كەلبەتتى پەيزاج ىسپەتتى.كەيدە ۇستازدارىمىز «تابيعاتقا قاراپ-اق ءبىراز نارسەنى جارىققا شىعارۋعا بولادى» دەيتىن.ويتكەنى،سارقىلماس شابىتتىڭ باستى دىڭگەگى-تابيعات.
ادام مەن تابيعات قاتار ۇعىم.سەبەبى،تابيعاتسىز ادام بولمايدى،ادامسىز تابيعات بولمايدى.ادام جۇرەكسىز ءومىر سۇرە المايتىنى سىندى تابيعاتسىز دا ءومىردىڭ ءمانى جوق.
قايماعى بۇزىلماعان قازاق حالقى قاشان دا «تابيعات» ۇعىمىن ۇلىقتاپ،تاعزىم ەتكەن. «ادام تابيعاتتىڭ پاتشاسى» دەگەن ۇعىم سوندىقتان ايتىلسا كەرەك.قۇندىلىعىن جويماعان بۇل ۇعىمدى وزگەشە ءتۇسىنىپ، «ءوز جەرىم ءوزىم قوجا» دەپ بىلگەنىن ىستەپ،نەمقۇرايلىلىقپەن قاراپ،تابيعاتتى قورعاۋدىڭ ورنىنا جاعىمسىز ىس-ارەكەتتەر جاساۋ ناعىز اقىماقتىڭ ءىسى.سوناۋ زاماننىڭ قىرات-قىرات بەلەستەرىنەن بايقاساق، ەلىمىز شۇرايلى ولكەگە،اسەم دە سۇلۋ تابيعاتقا،ءتىپتى وراسان زور قۇدىرەتتى كۇشكە يە ەكەندىگى تايعا تاڭبا باسقانداي انىق بايقالادى.سوندىقتان دا، «ادامنىڭ تابيعاتسىز كۇنى جوق، تابيعاتتىڭ ونى ايتار ءتىلى جوق»، «تابيعات جەر بايلىعى، باتىرلار ەل بايلىعى»، «جەر - انا، ەل – بالا»، «تابيعات - تال بەسىك» سىندى ماقال-ماتەلدەر بەكەر ايتىلماسا كەرەك-تى.ەندەشە،اتا-بابالارىمىزدان امانات بولىپ،ۇرپاق ساباقتاستىعىنىڭ ءبىرى سانالار تابيعاتتى قورعاۋ ءاربىر پەرزەنتتىڭ مىندەتى ەكەندىگىن ەستەن شىعارمايىق.
You Might Also Like
