تابيعاتتىڭ تاڭعاجايىپ قۇبىلىستارى
تومەندە سەنگىسىز تابيعات قۇبىلىستارىنىڭ سۋرەتتەرى جيناقتالعان.
گريۋنەر-زە كولىنىڭ سۋ استى الەمى
emgn
اۆسترياداعى گريۋنەر-زەنىڭ (نەمەسە جاسىل كول) تازا جانە ءمولدىر جاسىل سۋىنىڭ كولەمى مەن تەرەڭدىگى ءاردايىم اۋىسىپ وتىرادى. قىستا ول تەرەڭدىگى 1-2 مەترگە جەتەتىن كىشكەنە شالشىققا اينالادى.
Marc Henauer
جاز كەزىندە سۋدىڭ دەڭگەيى 12 مەترگە دەيىن كوتەرىلىپ، ماڭايىنداعى ساياباقتىڭ جولدارى، ورىندىقتارى جۇمباق اتلانتيداعا اينالادى. دايۆەرلەر ءۇشىن تاماشا جەر.
«الىپ ايۋدىڭ» كولەڭكەسى
huffingtonpost
«الىپ ايۋدىڭ» كولەڭكەسى وڭتۇستىك كارولينا شتاتىنىڭ تاۋلارىندا جىلىنا ەكى رەت پايدا بولادى. بۇل قۇبىلىستى كورۋگە مىڭداعان تۋريستەر جينالادى. قۇبىلىستى قازان ايىنىڭ سوڭى مەن قاراشا ايىنىڭ باسىندا جانە اقپان ايىنىڭ ورتاسىنان ناۋرىز ايىنىڭ باسىننا دەيىن، كۇنىنە جارتى ساعات ۋاقىتتاي باقىلاۋعا بولادى. وسى ۋاقىتتا عانا تاۋلاردىڭ كولەڭكەسى ايۋدىڭ پىشىنىنە ۇقسايدى.
ءپىللا اعاشتار
DFID
پاكىستاندا ءپىللا اعاشتار 2010 جىلى بولعان قورقىنىشتى سۋ تاسقىنىنان كەيىن پايدا بولدى. ميلليونداعان ورمەكشىلەر سۋ تاسقىنىنان قۇتىلۋ ءۇشىن اعاشتارعا شىعىپ جاپىراقتاردى تىعىز ورمەكپەن ءوردى.
قىزىل كۇرەڭ ءتۇستى كول
tuxboard
اۆستراليانىڭ ءوڭتۇستىڭ-باتىسىندا ورنالاسقان حيلليەر كولى الەمدەگى تاڭعاجايىپ جەرلەردىڭ ءبىرى. ونىڭ ءتۇسى جىل بويى كەز كەلگەن تەمپەراتۋرادا ساقتالىنادى. بوتەلكەدە دە سۋدىڭ ءتۇسى وزگەرمەيدى. سۋعا ەرەكشە ءتۇستى سۋدى مەكەندەيتىن ميكروورگانيزمدەر بەرەدى. سۋدا شومىلۋ ءقاۋىپسىز.
اعاشتارداعى ەشكىلەر
Fred Dunn
اعاشتاعى جايىلىم ماروككالىق بەربەر اۋىلدارىنداعى قالىپتى جاعداي. لاقتار ارگانياعا شىعىپ ونىڭ جەمىستەرىن جەيدى. بۇل كورىنىس تۋريستەردى اركەز تاڭقالدىرادى.
كەمپىرقوساق وزەن
Eric Pheterson
كولۋمبياداعى كانو-كريستالەس وزەنى ءبىرىنشى جارتى جىلدا ادەتتەگى وزەن، ال ماۋسىم مەن جەلتوقسان ايلارىنىڭ ارالىعىندا ءتۇرلى-تۇستى بولادى. بالدىرلار اۋا رايىنىڭ جاعدايلارىنا بايلانىستى قىزىل، كوك، سارى، قىزعىلت، جاسىل تۇستەرگە يە بولادى. جەرگىلىكتى تۇرعىندار ونى «بەس تۇستەردىڭ وزەنى» دەپ اتاسا، تۋريستەر «كەمپىرقوساق وزەن» دەپ اتايدى.
ميلليونداعان قىزىل تەڭىز شاياندارىنىڭ ورىستەۋى
huffingtonpost / pinterest
جىل سايىن روجدەستۆو ارالىندا 43 ميلليونعا جۋىق قۇرلىق تەڭىز شاياندارى تەڭىز جاعالاۋىنا جۇمىرتقا باسۋ ءۇشىن جاپپاي جىلجىيدى. جەرگىلىكتى بيلىك ورىستۋگە توسقاۋىل بولماۋ ءۇشىن ارالدىڭ كوپتەگەن جولدارىن ءبىر اپتاعا جابادى.
كوك جانارتاۋ
Stéphane DAMOUR
يندونەزياداعى يدجەن جانارتاۋى كوك وت تاسقىنىن اتادى. بۇل جاعداي سەلسيي بويىنشا 600 گرادۋس تەمپەراتۋرادا كۇكىرتتى گازىنىڭ جانۋىنان بولادى
ءولىم القابىنداعى جىلجىيتىن تاستار
Trey Ratcliff
ەلسىز امەريكا القابىندا بىرەگەي گەولوگيالىق قۇبىلىس ورىن الۋدا. جارتاس سىنىقتارى تەگىس جەردىڭ بەتىندە ارتارىنان ۇزىن ءىز قالدىرىپ، ەش كومەكسىز قوزعالادى. عالىمدار وتكەن عاسىردىڭ 70-جىلدارىنان باستاپ جۇمباق تاستاردى باقىلادى. وزەن بەتىندە پايدا بولاتىن ۇيتقىمالار ايازدى تۇندەرى قالىپتاساتىن جۇقا مۇزداردىڭ بەتىمەن تاستاردى جىلجىتادى دەگەن گيپوتەزا بار.
ۆايتومو جارىق قوڭىزدار ۇڭگىرى
forevergone
ۆايتومو جارىق قوڭىزدار ۇڭگىرى جاڭا زەلانديانىڭ ەڭ كورىكتى جەرلەرىنىڭ ءبىرى. ەلەستەتىپ كورىڭىزشى: قايىقپەن جەراستى وزەنىمەن ءجۇزىپ بارا جاتسىز، ال توبەڭىزدەگى تاس كۇمبەزدەردە كوگىلدىر جارىق قوڭىزدار جۇلدىزدار شوعىرى سياقتى قاپتاپ تۇر. عارىش تۇكپىرىندە ساياحاتتاپ جۇرگەندەي اسەردە بولاسىز.
ساحارا كوزى
Daniel Oines
ساحارا كوزى نەمەسە ريشات — ديامەترى 50 كيلومەتر بولعان گەولوگيالىق قۇرىلىم. وربيتادان قاراعاندا عارىشقا قاراپ تۇرعان قۇبىلمالى كوزدىڭ قاراشىعىنا ۇقسايدى. افريكا شولىندە بىركەلكى لاندشافتتان ەرەكشەلەنەتىندىكتەن، ءبىر كەزدەرى ول عارىشكەرلەرگە باعدار رەتىندە بولعان.
الاۋلى كەمپىرقوساق
hannah the sailor
«الاۋلى كەمپىرقوساق» — سيرەك كەزدەسەتىن وپتيكالىق اسەر. جەر بەتىنەن بيىكتە بۇلتتار اراسىندا كۇن ساۋلەلەرى مۇز كريستاللدارىندا سىنىپ سپەكترگە بولىنگەندە پايدا بولادى. قۇبىلىستى كوبىنەسە جازدا كۇن كوكجيەكتەن جوعارى تۇرعاندا بايقاۋعا بولادى.
اينالمالى نايزاعاي
symbiostudios
اينالمالى نايزاعاي نەمەسە سۋپەرسەلل – وتە سيرەك كەزدەسەتىن، ءبىراق ەڭ ءقاۋىپتى نايزاعاي، قۇرعاي سۋىق اۋا جىلى تروپيكالىق اۋامەن تۇيىسكەندە پايدا بولادى. اقش-تا ۇلى جازىقتار ايماعىندا تورنادو القابىندا كوپ كەزدەسەدى. ءقاۋىپسىز قاشىقتىقتان باقىلاۋعا تۇرارلىق كورىنىس.
ناميبيياداعى مارسياندىق كورىنىس
Sally Shaheen
بۇل ارينە مارسياندىق كورىنىس ەمەس، ءبىراق تا وتە ۇقسايدى. ناميبياداعى ناميب-ناۋكلۋفت پاركىندەگى مۋميفيسيرلەنگەن ءولى اكاسيالار الەمدەگى ەڭ بيىك قىزعىلت قۇم توبەلەرىنىڭ اياسىندا تۇر. اعاشتار تاس بوپ قاتىپ قالعان، اينالادىعى ىستىق اۋا ولاردى شىرىتۋگە جول بەرمەيدى.
الىپتاردىڭ مۇزدى ۇڭگىرلەرى
pixcooler
سكافتافەل يسلاندىق پاركىندەگى مۇزدى ۇڭگىرلەر مىڭجىلدىق مۇزداردىڭ قاتپارلانۋىنىڭ ناتيجەسى. كۇن جىلىپ، جاڭبىر جاۋعاندا ۇڭگىردىڭ قابىرعالارى جۇقارادى. ۇڭگىرگە وتەتىن كۇن ساۋلەلەرى مۇزداردى باعالى جاقۇتتارعا اينالدىرادى. بۇل ۇڭگىرلەر قىسقا عۇمىرلى بولسا دا ولاردىڭ ادەمىلىگى كەرەمەت.
You Might Also Like
-
بەسىككە سالۋ. «كەڭ جايلاۋ جالعىز بەسىك جاس بالاعا». بەسىك - بالانىڭ ۇيىقتاۋىنا تازا بولۋىنا وتە جاقسى. بەسىككە اۋىلدىڭ ونەگەلى، ۇرناعى وسكەن، ەل قۇرمەتىنە بولەنگەن بايبىشىگە (كارتەڭ) سا...
-
باياعى وتكەن زاماندا ءبىر حان ءومىر ءسۇرىپتى. ول جەر بەتىندەگى ادامداردى مەنسىنبەي، ولاردىڭ قالاۋ-تىلەۋىنە ونشا كوڭىل بولمەپتى. سودان كەيىن وعان شايتان ءۇيىر بولىپتى. ءسويتىپ، جاقىنداسا ءجۇرىپ، حان مەن شا...
