حالىقارالىق يادرولىق سىناقتارعا قارسى ءىس-قيمىل كۇنى
بىرىككەن ۇلتتار ۇيىمى 2009 جىلدىڭ جەلتوقسان ايىندا قازاق ەلى باستاماسىمەن 29 تامىزدى حالىقارالىق يادرولىق سىناقتارعا قارسى ءىس-قيمىل كۇنى دەپ جاريالادى.
يادرولىق سىناقتارعا تىيىم سالۋ تۋرالى شارتقا قول قويۋ - قازاقستاننىڭ قارۋسىزداندىرۋ سالاسىنداعى تاريحىنىڭ ەڭ ماڭىزدى وقيعاسى بولدى.
پرەزيدەنت ن.ءا.نازاربايەۆ بۇۇ باس اسسامبلەياسىنىڭ رەسمي قۇجاتى رەتىندە تارالعان ارنايى مالىمدەمەمەن ءسوز سويلەدى.
مالىمدەمەدە قازاقستاننىڭ قازىرگى ءجۇزجىلدىقتىڭ ەڭ ءىرى كەلىسىمدەرىنىڭ ءبىرىن دايىنداۋعا قوسقان ۇلەسىنە ەرەكشە كوڭىل بولىنگەن.
بۇل اتاۋلى داتا - بۇۇ، الەم ەلدەرى، ۇكىمەتارالىق جانە ۇەۇ-دىڭ يادرولىق سىناقتاردى توقتاتۋعا بىرلەسە كۇش سالاتىن كۇنى.
بۇۇ باس اسسامبلەياسىنىڭ وسىعان سايكەس قارارىنىڭ پرەامبۋلاسىندا ادامنىڭ ءومىرى مەن دەنساۋلىعىنا ءقاۋىپ توندىرەتىن جويقىن اپات سالدارىنا جول بەرمەۋ ارقىلى يادرولىق سىناقتارعا نۇكتە قويۋ قاجەتتىگى كورسەتىلگەن.
بۇگىندە پرەزيدەنت نۇرسۇلتان نازاربايەۆتىڭ الەمدەگى ەڭ ءىرى يادرولىق پوليگونداردىڭ ءبىرىن جابۋ تۋرالى جارلىعى جانە الەم بويىنشا 4ء-شى ورىندا بولعان يادرولىق قارۋ-جاراق قويماسىن جويۋ تۋرالى تاريحي شەشىمدى قابىلداعان قازاقستان حالقىنىڭ ارەكەتى الەمدى يادرولىق قارۋدان ازات ەتۋدىڭ جارقىن ۇلگىسى سانالادى.
You Might Also Like
-
ءتورت تۇلىك مالدىڭ ءجۇنى قازاق حالقىنىڭ ءومىر تىرشىلىگىندە ۇلكەن رول اتقارعان جانە ونى ۇقساتۋدى ەل بۇدان مىڭداعان جىلدار بۇرىن بىلگەن. قازاق حالقىنىڭ شارۋاشىلىعىندا مال ءجۇنىنىڭ ەڭ اسىلى جانە بۇيىمدار...
-
ءبىر قويان وتە ايلاكەر ەكەن. بايقاۋسىزدا ءوزىن ۇستاپ العان قاسقىرعا دا، تۇلكىگە دە ايلامەن قۇتىلىپ كەتىپ جۇرەدى.
