InfoHub Logo

قازاقستاننىڭ حالىق ءارتىسى، بەلگىلى ءانشى ماقپال ءجۇنىسوۆا اۋەجايدا دومبىراسىنا بايلانىستى كۇتپەگەن جاعدايعا تاپ بولعانىن ايتتى. بۇل تۋرالى ول ءوزىنىڭ ساپارى بارىسىندا بولعان وقيعانى بايانداپ بەردى.

بۇل تۋرالى Infohub.kz اقپارات اگەنتتىگى حابارلايدى.

اۋەجايداعى تۇسىنىسپەۋشىلىك

ءانشىنىڭ ايتۋىنشا، قوستانايعا ۇشار الدىندا اۋەجاي قىزمەتكەرلەرى دومبىرانى ۇشاققا وتكىزۋ ءۇشىن قوسىمشا اقى تولەۋ كەرەكتىگىن مالىمدەگەن. بۇل تالاپ ءانشى مەن اۋەجاي قىزمەتكەرلەرى اراسىندا ازداعان تۇسىنىسپەۋشىلىك تۋدىرعان.

«اۋەجايعا كەلدىك. تاعى دا ايقاي-شۋ باستالدى. تاعى ءبىر قىز كەلىپ، «دومبىرانى وتكىزۋگە بولمايدى» دەپ قاقىلداپ كەتتى. بۇعان تاعى دا اقشا تولەيسىز دەيدى. دەپۋتاتتار شەشكەن سياقتى ەدى، انىعىن كىم بىلەدى؟» - دەپ كۇيىنىشىن ءبىلدىردى ماقپال ءجۇنىسوۆا.

كۇتپەگەن شەشىم

ءانشى العاشىندا بۇل تالاپقا رەنىش بىلدىرگەنىمەن، كەيىن اۋەجاي قىزمەتكەرلەرىمەن ورتاق كەلىسىمگە كەلىپ، دومبىرانى ۇشاققا وتكىزۋ ءۇشىن 5 مىڭ تەڭگە تولەگەنىن ايتتى. ول بۇل سومانى بۇرىنعى تولەمدەرمەن سالىستىرعاندا الدەقايدا ارزان ەكەنىن اتاپ ءوتتى.

«جۇيكەمىز ورنىنا ءتۇستى. دومبىراعا بەس مىڭ تەڭگە اقشا الدى. وسى جولى ارزان الدى. انا جولى 65 مىڭ تەڭگەگە شاپكا مەن دومبىراعا بيلەت الىپ ەدىم. بۇل جولى وتە ارزان ەكەن»، - دەپ كۇلدى حالىق ءارتىسى.

كونسەرت جانە تىڭدارماندار

ءانشى ساپارىنىڭ باستى ماقساتى – قوستانايداعى كورەرمەندەرمەن كەزدەسۋ ەكەنىن ايتىپ، قالا تۇرعىندارىنا سالەم جولدادى. سونداي-اق كونسەرتتە جاقسى ءان ايتىپ، تىڭدارماندارىنا كوتەرىڭكى كوڭىل كۇي سىيلاۋعا ۋادە بەردى.

ماقپال ءجۇنىسوۆا – قازاق ەستراداسىنىڭ تانىمال تۇلعالارىنىڭ ءبىرى. ول كوپتەگەن حالىقارالىق بايقاۋلاردىڭ جەڭىمپازى، قازاقستاننىڭ ەڭبەك سىڭىرگەن ءارتىسى جانە حالىق ءارتىسى اتاقتارىنا يە. قازىرگى تاڭدا ول قازاق ەستراداسىنىڭ «پريمادونناسى» ءارى «ورتا ازيا بۇلب ۇلى» رەتىندە تانىمال.