تالدىقورعاندىق وقۋشىلار تەندەردىڭ سالدارىنان ەسكى پارتالاردا ءبىلىم الۋدا
تالدىقورعانداعى №16 ورتا مەكتەپ-گيمنازياسىنىڭ وقۋشىلارى جاڭا وقۋ جىلىن توزىعى جەتكەن پارتالاردا قارسى الدى. بالالار وتىرىپ ءبىلىم الاتىن مەكتەپ جيھازدارى شەتىنەن ۇگىتىلىپ جاتىر.
بۇل ءبىلىم شاڭىراعىندا 840 وقۋشى وقىپ جاتىر. مەكتەپ ديرەكتورى سالتانات سۇلەيمەنوۆانىڭ ايتۋىنشا، ولار پارتالاردى 100 پايىز اۋىستىرۋ ءۇشىن قالالىق ءبىلىم بولىمىنە تاپسىرىس بەرگەن. ءبىراق ءالى كۇنگە دەيىن مەكتەپكە جاڭا ستول ورىندىقتار جەتكىزىلمەگەن. ال تالدىقورعان قالاسى اكىمىنىڭ باسپا ءسوز حاتشىسى دانيار جانىستىڭ سوزىنشە، پارتالاردىڭ كەشىگىپ جاتقانىنا تەندەر ماسەلەسى سەبەپ بولىپتى.
«شىلدە ايىندا بەرىلگەن تەندەر وينالماي قالدى. بىرىنشىسىندە ەشكىم تۇسكەن جوق. ەكىنشىسىندە ەكى كومپانيا ءتۇسىپ، قارجىلىق باقىلاۋ ورگاندارى بىرەۋىن الىپ تاستاعاننىڭ ارقاسىندا تاعى دا وينالماي قالدى. ەندى ءۇشىنشى رەت ءبىرجاقتى كەلىسىم جاسالىپ، الىنىپ جاتىر»، - دەدى د.جانىس.
اكىمدىك وكىلىنىڭ ايتۋىنشا، جاڭا پارتالار ءبىرىنشى توقساننىڭ اياعىنا دەيىن №16 ورتا مەكتەپ-گيمنازياسىنا جەتكىزىلەدى.
قازاقپارات
You Might Also Like
-
جاز. ءبىرىنشىنى ءبىتىرىپ، دەمالىسقا شىققانبىز. اۋداننان جارلىق كەپتى: كولحوزارالىق پيونەر لاگەرى اشىلادى. سوعان ساباقتى جاقسى وقيتىن ءۇش بالا جىبەرەسىڭدەر. ءارقايسىسى وزىمەن بىرگە ءبىر پۇت ءۇن، ءبىر سەركە...
-
كۇن كەشكە اينالسا-اق، شەتكى قۇرىم ءۇيدىڭ قاسىنان كۇڭگىرلەگەن دومبىرانىڭ قوڭىر ءۇنى شىعادى. دومبىرا قوقىر كۇيمەن اقىرىن عانا سارناپ ىزىڭ قاعادى دا تۇرادى. ونىڭ داۋسى سەرپىلىپ جوعارىعا شىرقايدى. باياۋلا...
