تاڭەرتەڭ قالاي تەز ويانۋعا بولادى
بۇل ماقالادا بارلىق ادام ءۇشىن وزەكتى بولعان ماسەلە قاراستىرىلادى. تاڭەرتەڭ قالاي تەز ويانۋعا بولادى؟
ارينە، تاڭعى بەستە نەمەسە التىدا، ءتىپتى ودان دا ەرتە ويانۋعا بولادى. ءبىراق، ەگەر اعزامىز بۇعان دايىن بولماسا، وندا ميىمىز بەن دەنەمىزدىڭ بارلىق بەلسەندىلىگى كەش باتپاي تاۋسىلىپ قالادى.
تاڭەرتەڭ ەرتەرەك ويانۋ ءۇشىن نە ىستەۋ كەرەگىن قاراستىرايىق:
1. ەگەر تاڭعى بەستە تۇرۋ كەرەك بولسا، وندا تۇنگى وننان كەشىكپەي ۇيقىعا جاتۋ كەرەك. ويتكەنى ادامنىڭ ۇيقىسى قانۋ ءۇشىن كەم دەگەندە جەتى-سەگىز ساعات كەرەك.
2. ۇيقىعا كەتەردەن بىرنەشە ساعات بۇرىن ميىمىز اقپاراتتار اعىنىن قابىلداماۋ ءۇشىن تەلەديداردى، كومپيۋتەردى، تەلەفوندى ءوشىرىپ تاستاۋ كەرەك. بۇل تەزىرەك ۇيقىعا كەتۋگە كومەكتەسەدى.
3. ۇيقىعا جاتاردان ەكى ساعات بۇرىن تاماق ءىشۋدى توقتاتۋ كەرەك. اش قارىنعا ۇيقى تەز كەلەدى.
4. ۇيىقتار الدىندا جاتىن بولمەسىن جەلدەتىپ الىڭىز.
5. ەگەر تاڭەرتەڭ كەرەك ۋاقىتىندا ويانا الساڭىز، ەڭ باستىسى قايتا ۇيىقتاپ كەتپەۋ كەرەك. ول ءۇشىن بەلگىلى ءبىر ۋاقىت ارالىعىمەن شىرىلدايتىن بىرنەشە وياتاردى قوسىپ قويۋ كەرەك.
ەڭ باستىسى، ەرتە تۇرۋعا مۇمكىندىك بەرەتىن نارسە، بۇل ارينە رەجيم. ەرتە تۇرۋعا بىردەن كوشۋگە بولمايدى. بىرتىندەپ ىستەگەن دۇرىس. دەمالىس كۇندەرى توسەكتەن تۇرماي جاتا بەرۋدىڭ قاجەتى جوق. بۇل بارلىق رەجيمدى بۇزىپ، سودان كەيىن ءبارىن باسىنان باستاۋعا تۋرا كەلەدى.
تاڭەرتەڭ جاتتىعۋ جاساۋعا بولادى. ول ويانعاندا سەرگەكتىك بەرىپ، اعزانى بەلسەندى بولۋعا ىنتالاندىرادى.
ءبىراق كەيدە ادامدار قاراپايىم جاتتىعۋلاردىڭ ءوزىن جاساۋعا ەرىنەدى. ال بۇل دەنساۋلىققا كەرى اسەرىن تيگىزەدى.
مۇنداي جاعدايدا:
1. سۇيەك پەن بۇلشىقەت اۋرۋلارى.
2. ۇزاق مەرزىمنە سوزىلاتىن ۇيقىسىزدىق.
3. ىشەك اۋرۋلارى
4. قان قىسىمىنىڭ كوتەرىلۋى.
5. كۇيزەلىس جاعدايى پايدا بولۋى مۇمكىن.
دەنە قيمىلى بولماعاندىقتان بۇكىل اعزانىڭ قىزمەتىنىڭ بۇزىلۋى ەر ادامداردا دا، ايەل ادامداردا دا بولادى. ءبىراق ايەل ادامنىڭ اعزاسىنا ول قاتتى اسەر ەتەدى. سوندىقتان ارنايى جاسالعان جاتتىعۋلار كەشەنى تاڭەرتەڭ سەرگەك ءارى سىمباتتى كورىنۋگە سەپتىگىن تيگىزەدى
جاتتىعۋلار كەشەنى ارقىلى دەنە قيمىلى كەزىندە:
1. زات الماسۋ جۇيەسى جاقسارادى
2. ىشەكتىڭ جۇمىسى جاقسارادى
3. اعزادان ۋىتتى زاتتار شىعادى.
4. سالماق تۇراقتانادى.
5. بۇكىل اعزا ىسكە قوسىلادى.
6. جۇرەكتىڭ جۇمىسى جاقسارادى.
7. اۋرۋلارعا توزىمدىلىك ارتادى.
تاڭەرتەڭ جاتتىعۋ جاسايتىن ادامداردىڭ جۇمىس ىستەۋ قابىلەتى دە جوعارى بولادى. ەندى دەنە قيمىلىنا ارنالعان بىرنەشە جاتتىعۋلاردى قاراستىرايىق:
1. باستى العا-ارتقا قوزعالتۋ، اينالدىرۋ.
2. قولدى جانە قولدىڭ بۋىندارىن اينالدىرىپ قوزعالتۋ.
3. دەنەنى ءار جاققا قاراي ەڭكەيتۋ.
4. شىعىس ءبيى سياقتى بوكسەنى اينالدىرۋ.
5. وتىرىپ-تۇرۋ.
6. «ۆەلوسيپەد» سياقتى جاتتىعۋ جاساۋ.
7. ءبىر مينۋت بويى پلانكا (قولدىڭ قارى مەن اياقتىڭ ۇشىن جەرگە تىرەپ، كەۋدەنى، جامباستى، اياقتى جەرگە تيگىزبەي كوتەرىپ تۇرۋ) جاساۋ.
8. سەكىرگىش پەن شىعىردى پايدالانىپ جاتتىعۋلار جاساۋ.
جاتتىعۋلاردى تازا اۋدا نەمەسە جەلدەتىلەتىن بولمەدە جاساۋ كەرەك. جاتتىعۋ الدىندا ءبىر ستاقان سۋ ىشكەن دۇرىس. اۋەلى قوزعالىس ءبىرقالىپتى، باياۋ بولۋ كەرەك. سودان كەيىن اقىرىنداپ قارقىندىلىعىن ارتتىرۋ قاجەت.
جاتتىعۋلاردى مۋزىكا تىڭداپ جاساۋعا بولادى. جاتتىعۋدان سوڭ كونتراستى (سۋىق سۋ مەن ىستىق سۋدى الما-كەزەك اۋىستىرىپ جۋىنۋ) دۋش قابىلداۋ كەرەك.
جوعارىدا ايتىلعانداردان شىعاتىن قورتىندى، اعزاعا زيان كەلتىرمەستەن جانە كۇنى بويى سەرگەك جۇرەتىندەي ەرتە تۇرۋعا ۇيرەنۋ ءۇشىن رەجيمدى ساقتاپ، تاڭعى جاتتىعۋلاردى جاساۋعا تىرىسۋ كەرەك.
You Might Also Like
-
ياراۆا تايپاسى ءۇندى مۇحيتىنىڭ اندامان ارالدارىندا 50 ادامنان تۇراتىن كوشپەلى توپ بولىپ تىرشىلىك ەتەدى. ولار مۇندا افريكادان قونىس اۋدارىپ كەلگەن جانە ولاردىڭ سانى ءقازىر 400 ادام شاماسىندا.
-
ورماننىڭ شەتىندەگى كىشىگىرىم كىشكەنتاي ءۇي بار. سول ۇيدە ۇلى مەن اعاش كەسۋشى قاريا تۇرادى. قاريا قارتايعان سايىن ونىڭ جۇمىسى قيىنداي تۇسەدى. ۇلى حۋان مەيىرىمدى، قايرىمدى، باتىر بولسا دا، اكەسىنە كوم...
