InfoHub Logo

تاقىرىبى: " تاپقىر دوستار" سايىسى
ساباقتىڭ ماقساتى: وقۋشىلاردىڭ ءبىلىم الۋعا دەگەن قۇشتارلىقتارىن ارتتىرۋ جانە لوگيكالىق ويلاۋ قابىلەتتەرىن دامىتىپ، وزگەنىڭ ويىن تىڭداۋ، سىيلاۋ داعدىلارىن قالىپتاستىرىپ، جان - جاقتى بولۋعا، ءوزىن - ءوزى دامىتۋعا ىنتالاندىرۋ.

ساباقتىڭ بارىسى:
ءى. ۇيىمداستىرۋ.
ءىى. سايىس: سايىسقا 2 توپ قاتىسادى. وقۋشىلارعا سايىستىڭ شارتى تۇسىندىرىلەدى. توپتارمەن تانىسىپ، قاي توپ سايىستى باستايتىنىن انىقتاۋ.
ءىىى. سايىس كەزەڭدەرىندەگى تاپسىرمالار:
1. جورعا
2. كىم كوپ بىلەدى؟
3. ويلان - تاپ؛
4. سيقىرلى سوزدەر؛
5. قۇراستىرۋ
6. ءتۇسىپ قالعان ارىپتەر؛
7. بينگو
8. قاي ەرتەگىدەن ءۇزىندى؟
ءىV. قورىتىندى.

جۇرگىزۋشى: قايىرلى كۇن، قىمباتتى ۇستازدار مەن وقۋشىلار!
- قۇرمەتتى دوستار! اقىل كوپكە جەتكىزەدى. ونەر كوككە جەتكىزەدى.
«بىلەكتى ءبىردى جىعار، ءبىلىمدى مىڭدى جىعار»- دەيدى.
بالالار، بۇل – جولباسى، دانالىققا
كەلىڭدەر ءتۇسىپ بايقاپ قارالىقتا
بۇل جولمەن بارا جاتقان وزىڭدەي كوپ،
سولاردى كورە تۇرا قالالىق پا؟
دانالىق – وشپەس، جارىق كەتپەس بايلىق
جۇرىڭدەر، ىزدەپ تاۋىپ الالىقتا. – دەپ احمەت بايتۇرسىنوۆ اعامىز ايتقانداي، ەشكىمنەن كەم بولماي، ەشنارسەدەن قالىپ قويماي ءوز ءبىلىمىمىزدى مىنا وتىرعان حالىققا كورسەتەيىك.

«تاپقىر دوستار» اتتى سايىسىنا قوش كەلدىڭىزدەر!

ولاي بولسا سايىسىمىزدى باستايمىز. 1 «ب» سىنىپ وقۋشىلارىنان قۇرالعان توپتارمەن تانىسايىق.
1. «بىلىمدىلەر» توبى
2. «العىرلار» توبى
ءار كەزەڭ بويىنشا ءادىل باعاسىن بەرىپ وتىراتىن ءادىلقازىلار القاسىمەن تانىس بولايىق.
-----------------------------
سايىستىڭ شارتىمەن تانىس بولىڭىزدار:

تاپسىرما شەشىمىن جىلدام تاۋىپ، جاۋاپ بەرۋ ارقىلى ۇپاي جيناۋ. سايىس 8 كەزەڭنەن تۇرادى، ءار كەزەڭنىڭ تاپسىرماسى 10 ۇپايمەن باعالانادى. تاپسىرمالارعا 2 توپ كەزەكپەن جاۋاپ بەرەدى. ەگەر جاۋاپ بەرگەن توپتىڭ جاۋابى دۇرىس ەمەس بولسا، قارسى توپ دۇرىس جاۋابىن بىلسە جاۋاپ بەرىپ ۇپايىن وزدەرىنە قوسىپ الۋلارىنا بولادى.
كوپ ۇپاي جيناعان توپ جەڭىمپاز بولادى.
ولەڭ ءسوزدىڭ پاتشاسى، ءسوز ساراسى
قيىننان قيىستىرار ەر داناسى،
تىلگە جەڭىل جۇرەككە جىلى ءتيىپ
تەپ – تەگىس، جۇمىر كەلسىن اينالاسى دەپ ۇلى اباي ايتقانداي سىرتى كۇمىس، ءىشى التىن سوزدەرىمەن 2 توپ وزدەرىن تانىستىرىپ وتسە.