تاقپاق
اراي، اراي، اراي بار،
اراي تولعان ساراي بار.
بۋرىلشا اتقا بۇعاۋ بار،
بۇعاۋدى كەسەر ەگەۋ بار.
سوم تەمىرگە بالعا بار،
سومسىنعانعا قۇداي بار!
اق سۇڭقار، سەن: «ۇشقىرمىن!» - دەپ، ماقتانبا،
الدىڭدا جايۋلى تۇرعان تورلار بار.
تۇلپار، سەن: «جۇيرىكپىن!» - دەپ ماقتانبا،
الدىڭدا قازۋلى جاتقان ورلار بار.
«باسىم كوپ!» - دەپ، توپتانبا،
«مالىم كوپ!» - دەپ، شوقتانبا!
«جارلىمىن!» - دەپ، جابىقپا.
«جالعىزبىن!» - دەپ، زارىقپا.
«مۇڭلىمىن!» - دەپ قامىقپا،
«جاياۋمىن!» - دەپ، تارىقپا.
مۇڭايما، جىگىت، مۇڭايما،
مۇڭ تارقاتار قۇداي بار!
سۋدا جۇرگەن سۇڭگۋىر،
سۋ ءقادىرىن نە ءبىلسىن؟!
تۇزدە جۇرگەن دۋاداق،
كول ءقادىرىن نە ءبىلسىن؟!
جارلىدان جاڭا بايىعان،
جالعىزدان ءوسىپ كوبەيگەن،
ەل ءقادىرىن نە ءبىلسىن؟!
ءوزى كوكايىل، ءوزى ديۋ، پەرى،
ءوزى دولى قاتىن
ەر ءقادىرىن نە ءبىلسىن؟!
تاۋ بەلگىسى تاس بولار،
باي بەلگىسى اس بولار!
تورەنىڭ جامانى -
تولەڭگىتىمەن قاس بولار!
بالانىڭ جامانى -
اكەسىن ولتىرگەنمەن دوس بولار.
قۇدايدىڭ ەڭ جامان جاراتقان ادامى
قاتىنىنىڭ ويناسىمەن دوس بولار!
بۇزىلار ەلدىڭ بەلگىسى -
بۋرا تاراسى باس بولار!
بولارىڭدا بولىپ ءوت،
بوز جورعاداي جەلىپ ءوت،
بولماسىڭدى بىلگەن سوڭ،
بولعان ەردىڭ قوسىن جەك!
ءوزىڭ ادام بولعان سوڭ،
اۋدارا تاستاپ،
قالاي كەتسەڭ، ولاي كەت!
باي بولساڭ تورعىل ورامالمەن بەتىڭ ءسۇرت،
جارلى بولساڭ، جانىڭمەنەن كوتىڭدى ءسۇرت!
باي بولساڭ جانىڭ ءبىر التىن،
قانشا سىيلاساڭ، سىيلاۋىڭا تۇرادى.
جارلى بولساڭ، جانىڭ ءبىر كۇدەرى،
قانشا كيناساڭ، قيناۋىڭا تۇرادى، ۇزىلمەيدى.
مىرزالىق - قوناققا پايدا، مالعا قاس،
باتىرلىق - جولداسقا پايدا، جانعا قاس!
وتىرىك ءسوز - داۋعا پايدا، يمانعا قاس!
وتكىر پىشاق- قولعا پايدا، قانعا قاس!
الىس پەنەن جۋىقتى -
جورتقان بىلەدى.
اششى مەنەن تۇششىنى -
تاتقان بىلەدى.
تىرلىكتىڭ ءقادىرىن -
ءولىپ، كوردە جاتقان بىلەدى.
دەنساۋلىقتىڭ ءقادىرىن-
اۋىرىپ، توسەك تارتقان بىلەدى.
جان تىنىشتىقتىڭ ءقادىرىن
تولعاتىپ، بالا تاپقان بىلەدى.
سەڭسەڭ توننىڭ ءقادىرىن
سەكسەنگە كەلگەن قارت بىلەدى.
سارى اتاننىڭ ءقادىرىن
ەل قىدىرعان سارت بىلەدى.
تەس ايىلدىڭ باتقانىن
يەسى بىلمەيدى، ات بىلەدى.
ەر جىگىتتىڭ ءقادىرىن
اعايىن بىلمەيدى، جات بىلەدى.
كىمنىڭ جاقسى-جامانىن
جاراتۋشى حاق بىلەدى!
قارۋى ەر جىگىتتىڭ قىلىش ەكەن،
قىلىشتىڭ ۇلكەن پىشاق ءىنىسى ەكەن.
قۇربىنىڭ العان جارى جاقسى بولسا،
ءتورت ەلى ماڭدايىنىڭ ىرىسى ەكەن.
ارقا، ويىلدىڭ قۇبا جون - ات جەلگەندەي،
بابىن تاپسا، قۇس بولماس يتەلگىدەي.
بويىمدا اسا كۇشتى ءبىر دەرتىم بار،
بابىن قىزدار تاپپاسا، كىسى ولگەندەي.
اراي تولعان ساراي بار.
بۋرىلشا اتقا بۇعاۋ بار،
بۇعاۋدى كەسەر ەگەۋ بار.
سوم تەمىرگە بالعا بار،
سومسىنعانعا قۇداي بار!
اق سۇڭقار، سەن: «ۇشقىرمىن!» - دەپ، ماقتانبا،
الدىڭدا جايۋلى تۇرعان تورلار بار.
تۇلپار، سەن: «جۇيرىكپىن!» - دەپ ماقتانبا،
الدىڭدا قازۋلى جاتقان ورلار بار.
«باسىم كوپ!» - دەپ، توپتانبا،
«مالىم كوپ!» - دەپ، شوقتانبا!
«جارلىمىن!» - دەپ، جابىقپا.
«جالعىزبىن!» - دەپ، زارىقپا.
«مۇڭلىمىن!» - دەپ قامىقپا،
«جاياۋمىن!» - دەپ، تارىقپا.
مۇڭايما، جىگىت، مۇڭايما،
مۇڭ تارقاتار قۇداي بار!
سۋدا جۇرگەن سۇڭگۋىر،
سۋ ءقادىرىن نە ءبىلسىن؟!
تۇزدە جۇرگەن دۋاداق،
كول ءقادىرىن نە ءبىلسىن؟!
جارلىدان جاڭا بايىعان،
جالعىزدان ءوسىپ كوبەيگەن،
ەل ءقادىرىن نە ءبىلسىن؟!
ءوزى كوكايىل، ءوزى ديۋ، پەرى،
ءوزى دولى قاتىن
ەر ءقادىرىن نە ءبىلسىن؟!
تاۋ بەلگىسى تاس بولار،
باي بەلگىسى اس بولار!
تورەنىڭ جامانى -
تولەڭگىتىمەن قاس بولار!
بالانىڭ جامانى -
اكەسىن ولتىرگەنمەن دوس بولار.
قۇدايدىڭ ەڭ جامان جاراتقان ادامى
قاتىنىنىڭ ويناسىمەن دوس بولار!
بۇزىلار ەلدىڭ بەلگىسى -
بۋرا تاراسى باس بولار!
بولارىڭدا بولىپ ءوت،
بوز جورعاداي جەلىپ ءوت،
بولماسىڭدى بىلگەن سوڭ،
بولعان ەردىڭ قوسىن جەك!
ءوزىڭ ادام بولعان سوڭ،
اۋدارا تاستاپ،
قالاي كەتسەڭ، ولاي كەت!
باي بولساڭ تورعىل ورامالمەن بەتىڭ ءسۇرت،
جارلى بولساڭ، جانىڭمەنەن كوتىڭدى ءسۇرت!
باي بولساڭ جانىڭ ءبىر التىن،
قانشا سىيلاساڭ، سىيلاۋىڭا تۇرادى.
جارلى بولساڭ، جانىڭ ءبىر كۇدەرى،
قانشا كيناساڭ، قيناۋىڭا تۇرادى، ۇزىلمەيدى.
مىرزالىق - قوناققا پايدا، مالعا قاس،
باتىرلىق - جولداسقا پايدا، جانعا قاس!
وتىرىك ءسوز - داۋعا پايدا، يمانعا قاس!
وتكىر پىشاق- قولعا پايدا، قانعا قاس!
الىس پەنەن جۋىقتى -
جورتقان بىلەدى.
اششى مەنەن تۇششىنى -
تاتقان بىلەدى.
تىرلىكتىڭ ءقادىرىن -
ءولىپ، كوردە جاتقان بىلەدى.
دەنساۋلىقتىڭ ءقادىرىن-
اۋىرىپ، توسەك تارتقان بىلەدى.
جان تىنىشتىقتىڭ ءقادىرىن
تولعاتىپ، بالا تاپقان بىلەدى.
سەڭسەڭ توننىڭ ءقادىرىن
سەكسەنگە كەلگەن قارت بىلەدى.
سارى اتاننىڭ ءقادىرىن
ەل قىدىرعان سارت بىلەدى.
تەس ايىلدىڭ باتقانىن
يەسى بىلمەيدى، ات بىلەدى.
ەر جىگىتتىڭ ءقادىرىن
اعايىن بىلمەيدى، جات بىلەدى.
كىمنىڭ جاقسى-جامانىن
جاراتۋشى حاق بىلەدى!
قارۋى ەر جىگىتتىڭ قىلىش ەكەن،
قىلىشتىڭ ۇلكەن پىشاق ءىنىسى ەكەن.
قۇربىنىڭ العان جارى جاقسى بولسا،
ءتورت ەلى ماڭدايىنىڭ ىرىسى ەكەن.
ارقا، ويىلدىڭ قۇبا جون - ات جەلگەندەي،
بابىن تاپسا، قۇس بولماس يتەلگىدەي.
بويىمدا اسا كۇشتى ءبىر دەرتىم بار،
بابىن قىزدار تاپپاسا، كىسى ولگەندەي.
