InfoHub Logo

   ءبىزدىڭ قازىرگى قوعامداعى جاستار تاۋەلسىزدىكتى قالاي تۇسىنەدى؟ ءقادىرىن جەتە بىلە مە؟ دەگەن سۇراقتار سانامدا كوپ. وسىلاي ويلانا وتىرىپ  مەن ءوزىمنىڭ ەلىم تاۋەلسىز قازاقستان جايلى تولعانىسىمدى جەتكىزەمىن.

  ءبىزدىڭ رەسپۋبليكا وتىز جىل بۇرىن ءوز تاۋەلسىزدىگىن الدى. بۇل تاۋەلسىزدىك وڭايلىقپەن كەلمەدى. قانشاما بوزداقتاردىڭ قانى توگىلىپ، اتا-بابا اڭساعان تاۋەلسىزدىككە قيىندىقپەن قول جەتتى. تاۋەلسىزدىك العان العاشقى جىلدارى بىزدە ۇلكەن قالالار، زاۋىتتار مەن فابريكالار بولعان جوق. وتىز ىشىندە قازاقستان قارىشتاپ دامىپ، ءبىرشاما جەتىستىكتەرگە جەتتى. قازىرگى تاڭدا بۇكىل الەم بىلەتىن، تورتكىل دۇنيە ساياساتتا ساناساتىن مەملەكەت بولدى.

  قازاق ەلىنىڭ تاريحىندا كوپتەگەن قۇلدىراۋلار، جەڭىستەر مەن جەڭىلىستەر بولدى. ءبىزدىڭ مەملەكەت ءالى دە وتە جاس، ءارى دامۋشى مەملەكەت بولىپ سانالادى. ءبىزدىڭ بولاشاقتا ءومىرىمىز جارقىن بولۋى، قازاقستاندى بۇدان ءارى بيىك شىڭعا كوتەرۋ ءبىزدىڭ، جاستاردىڭ قولىندا. ءبىز دوستىق پەن بەيبىتشىلىكتى باعالاۋدى ۇيرەنۋىمىز كەرەك. قازاقستاندىقتاردىڭ ءتاتۋ-تاتتى ءومىر ءسۇرۋى ۇلكەنگە دە، كىشىگە دە ۇلكەن باقىت.

 مەن وتانىمدى وسىندا تۋعانىم ءۇشىن، ءوز انا تىلىمدە سويلەيتىندىگىم ءۇشىن ماقتان تۇتامىن.

 دامۋدىڭ جاڭا جولىنا تۇسكەن قازاقستان ازاتتىقتىڭ ەجەلدەن كەلە جاتقان ارماندارىن جۇزەگە اسىردى. حالىق العاش رەت مادەنيەتىن، ءتىلىن، سەنىمىن، ءدىنى مەن ءداستۇرىن دامىتۋ مۇمكىندىگىنە يە بولدى. بۇگىندە رەسپۋبليكانىڭ ءاربىر ازاماتى ءوزىنىڭ تاۋەلسىزدىگىن ماقتان تۇتادى. ءبىزدىڭ ەلىمىزدىڭ تاۋەلسىزدىگى – بۇل ءۇش ءجۇز جىل بويى ءۇزىلىپ قالعان ۇلتتىق بوستاندىقتى قالپىنا كەلتىرگەن قازاق حالقىنىڭ ەڭ قاسيەتتى جەتىستىگى. رەسپۋبليكامىزدىڭ تۋىن، ەلتاڭباسىن جانە ءانۇرانىن باعالاپ، قۇرمەتتەۋ ءارقايسىمىزدىڭ مىندەتىمىز. ولاردىڭ كومەگىمەن ءبىز ءوز ەلىمىز ءۇشىن ماقتانىش سەزىمىنە بولەنەمىز. ولارمەن ءبىز ءوزىمىزدى ءبىرتۇتاس وتباسى رەتىندە سەزىنەمىز.

 قازاقستاننىڭ شۇرايلى جەرلەرى، بيىك تاۋلارى، ءمولدىر وزەن، كولدەرى ، ءوزىنىڭ ءسالت-داستۇرى، ءدىنى، انا ءتىلى بار باي مەملەكەت. ءبىراق قازاقستاننىڭ ەڭ ماڭىزدى بايلىعى - اۋىزبىرشىلىك. سەبەبى مۇندا ءتۇرلى ۇلتتاردىڭ ادامدارى تۇرادى، ءارقايسىسىنىڭ ءوز ءتىلى، ءوز ادەت-عۇرپى بار. ءبىراق بارلىق ادامداردى دوستىق پەن اۋىزبىرشىلىك بىرىكتىرەدى.

  قىسقاشا ايتقاندا قازىرگى قازاقستان – بۇل تاۋەلسىز، ەگەمەن، دەموكراتيالىق ، ەكونوميكاسى تۇراقتى جانە بولاشاققا نىق قادام باسا الاتىن مەملەكەت.

 ءقازىر ءححى عاسىر – جاس مەملەكەتتىڭ تىرەگىنە اينالاتىن جاڭا ۇرپاقتىڭ عاسىرى. ءبىز وقۋعا ۇلكەن كوڭىل ءبولۋىمىز كەرەك، بارىنشا ءبىلىم الۋعا تىرىسۋىمىز كەرەك. جاڭا مىڭجىلدىقتىڭ مەملەكەتىنە ءبىلىمدى، بەلسەندى ادامدار قاجەت. مەملەكەتتىڭ بولاشاعى بىزگە بايلانىستى بولادى. «قازاقستانعا ۇلتىمىزدىڭ الەۋەتىن وياتۋعا جانە ىسكە اسىرۋعا مۇمكىندىك بەرەتىن زياتكەرلىك ريەۆوليۋسيا قاجەت»، - دەيدى ن.نازاربايەۆ. مەن جەكە ءوزىمنىڭ تۋعان جەرىم قازاقستان رەسپۋبليكاسىنىڭ دامۋىنا ۇلەس قوسۋ ءۇشىن وقۋعا، مەملەكەت يگىلىگى ءۇشىن جۇمىس ىستەۋگە تىرىسامىن. مەن ءوز وتانىمدى ماقتان تۇتامىن!

 

---