InfoHub Logo

تەرى كۇتىمى ءۇشىن ازداعان شيپالى وسىمدىكپەن سۋ جەتكىلىكتى. جىلداردان بەرى كەلە جاتقان شيپالى وسىمدىكتەرمەن ەمدەۋ ادىسىنە دەگەن سۇرانىس ءالى كۇنگە دەيىن ساقتالعان.

تەرىسى قالىپتى بولعاندار ءۇشىن، جارتى كگ. ءجۇزىم سۋىن بەتكە جاعىپ 10 مينۋت كۇتكەننەن كەيىن ءبىر شاي قاسىق اس سوداسى ارالاستىرىلعان سۋمەن جۋىلادى.

بەت تەرىسىندەگىقارا تۇيىرشىكتەر (داقتار)، ساز-بالشىق، بادام مايى مەن بال قوسپاسى ارقىلى وڭاي كەتىرىلەدى. قوسپا بەتكە جاعىلىپ، جارتى ساعاتتان كەيىن جۋىلادى دا، ىلعالداندىرعىشپەن ءسۇرتىلۋى كەرەك.

بەت تەرىسىن سەرگىتەتىن ءادىس: ءبىر ليتر سۋعا نەمەسە مينەرالدى سۋعا ءبىر ۋىس لاۆاندا گۇلىن، ءبىر ۋىس قالاقاي جاپىراعىن، جارتى ۋىس سۇيەلشوپ (چيستوتەل) ءشوبى تاستالادى. ءبىر ءتۇن بۇقتىرىلىپ بەتكە جاعىلادى. از ۋاقىتتان كەيىن جىلى سۋمەن جۋىلادى.

ۋاق تەسىكتى تەرى ءۇشىن سازدى توپىراق جانە ءسابىز شىرىنى بەتكە جاعىلىپ ءبىر ساعاتتان كەيىن جۋىلادى.

تەرىنى جانداندىراتىن باسقا ءبىر ءادىس: بىردەي مولشەردە اۆوكادو مايى، بيداي مايى، تازا ءزايتۇن مايى جانە ەكى ۇلكەن قاسىق بال ارالاستىرىلىپ تەرىگە جاعىلادى. از ۋاقىت كۇتكەننەن كەيىن جىلى سۋمەن جۋىلادى.

تەرىگە اسەمدىك بەرۋ ءۇشىن: ءبىر قاسىق بال جانە ءبىر جۇمىرتقا اقۋىزى جاقسىلاپ ارالاستىرىلىپ بەتكە جاعىلادى. 5 مينۋت كۇتكەننەن كەيىن الاقانىمەن بەت تەرىسى باستىرىلىپ تارتىلادى. بۇل پروسەسس 4-5 رەت قايتالانىپ، سالقىن سۋمەن جۋىلادى.

---