مەكتەپ ديرەكتورى اتتەستاسيادان ءوتۋ ءۇشىن مۇعالىمدەردەن اقشا جيناعان
جامبىل وبلىسىنىڭ شۋ اۋدانىندا ورتا مەكتەپ ديرەكتورى قىزمەتىن اسىرا پايدالانعانى ءۇشىن 1 جىلعا باس بوستاندىعىنان ايىرىلدى، دەپ اۋداندىق سوتتىڭ باسپا ءسوز قىزمەتى حابارلايدى.
شۋ اۋداندىق سوتى ءبىلىم ورداسىنىڭ باسشىسى س.ل.-عا قاتىستى ق ر قىلمىستىق كودەكسىنىڭ 362-بابى («بيلiكتi نەمەسە لاۋازىمدىق وكiلەتتiكتەردى اسىرا پايدالانۋ») 1-بولىگىمەن قىلمىستىق ءىس قوزعاعان.
ءىس ماتەريالدارىنا قاراعاندا، اۋداندىق ورتا مەكتەپتىڭ ديرەكتورى س.ل. قول استىنداعى قىزمەتكەرلەرگە 2017 جىلدىڭ قاڭتار ايىندا مەملەكەتتىك اتتەستاسيانى وتكىزۋ ءۇشىن مەكتەپكە جامبىل وبلىسى ءبىلىم سالاسىن باقىلاۋ دەپارتامەنتىنەن كوميسسيا كەلەتىنىن ايتقان.
سونىمەن قاتار س.ل. اتتەستاتتاۋدان سۇرىنبەي ءوتۋ ءۇشىن ءاربىر پەداگوگتان 30 مىڭ تەڭگە، تەحنيكالىق قىزمەتكەرلەردەن 9 مىڭ تەڭگەدەن اقشا جيناۋدى تالاپ ەتكەن. بۇل ارەكەتىمەن ول جابىرلەنۋشىلەرگە جالپى 270 مىڭ تەڭگە كولەمىندە ماتەريالدىق زالال كەلتىرگەن.
مەكتەپ باسشىسى سوت وتىرىسىندا ءوز كىناسىن مويىندامادى. سوتتىڭ ۇكىمىمەن س.ل. ايىپتى دەپ تانىلىپ، وعان 1 جىلعا باس بوستاندىعىنان ايىرۋ جازاسى بەلگىلەندى. سوتتىڭ ۇكىمى زاڭدى كۇشىنە ەنگەن جوق.
You Might Also Like
-
سۋىق كۇندەردە دە دالادا جۇگىرۋ، دەنە جاتتىعۋلارىن جاساۋ، ۆەلوسيپەد ايداۋ سەكىلدى جاتتىعۋلار دەنساۋلىقتى، يممۋنيتەتتى كوتەرەتىندىگى، دەپرەسسيانىڭ الدىن الاتىندىعى، سەرگەك جۇرۋگە سەپتىگىن تيگىزەتىنى ...
-
تەرى كۇتىمى ءۇشىن ازداعان شيپالى وسىمدىكپەن سۋ جەتكىلىكتى. جىلداردان بەرى كەلە جاتقان شيپالى وسىمدىكتەرمەن ەمدەۋ ادىسىنە دەگەن سۇرانىس ءالى كۇنگە دەيىن ساقتالعان.
