ءتىل – قۇدىرەت، ءتىل – قازىنا
«انامىزدىڭ اق سۇتىمەن بويىمىزعا دارىعان ءتىلىمىزدى ۇمىتۋ – بۇكىل اتا-بابامىزدى، تاريحىمىزدى ۇمىتۋ»، – دەپ ەرجۇرەك باۋىرجان مومىش ۇلى ايتقانداي ءوزىمىزدىڭ اتا-بابامىزعا دەگەن قۇرمەت پەن قوشەمەتتى ەڭ الدىمەن ءتىلىمىزدى قاستەرلەپ، قۇرمەتتەۋدەن باستاعانىمىز ابزال. ادامزاتپەن بىرگە ءوسىپ، وركەندەپ كەلە جاتقان تەڭدەسىز قۇبىلىس – ءتىل. دۇنيەنىڭ ەشبىر بايلىعى وعان جەتپەيدى. «ەل بولامىن دەسەڭ بەسىگىندى تۇزە»، - دەپ دانا حالقىمىز تەككە ايتپاعان. قازىرگى تاڭدا ءوزىنىڭ انا تىلىندە ەركىن سويلەي المايتىن، ويىن اشىق جەتكىزە بىلمەيتىن جانداردى ءجيى كەزدەستىرەمىز. كىشكەنتاي بالا تۇگىلى، ۇلكەن قارت ادامداردىڭ ءتىلىمىزدى شۇبارلاپ سويلەۋى، ءتىل جاناشىلارىنىڭ نارازالىعىن تۋدىراتىنى ءمالىم. تەكتى حالقىمىزدىڭ بۇلاي تىم تومەندەۋىنە نە سەبەپ؟ كوپتىڭ كوكەيىندە جۇرگەن ماسەلە. زامان اعىمىنا بايلانىستى ادام وزگەردى مە؟ الدە قوعامنىڭ دامۋى ما؟ بۇل جەردە زامان وزگەردى دەپ ايتۋعا قانداي سەبەپ بار؟ قانشاما مەملەكەت، ءوزىنىڭ ءتىلى ءۇشىن ارپالىسىپ، كۇش سالۋدا. ءدال قازىرگى ۋاقىتتا، حالقىمىزدىڭ قازاق جانە ورىس تىلدەرىندە سويلەيتىنى بارىمىزگە بەلگىلى. الايدا، ورىس ءتىلى باسىم ەكەنىن جاسىرۋعا ەش نەگىز جوق. ءتىل تۇزەلمەي، قوعام تۇزەلمەيدى. قوعام ول – ءبىز. اينالامىزدى تۇزەيمىز دەسەك، ءبىرىنشى وزىمىزدەن باستاعان ءجون. اسىرەسە، بارلىق مەكتەپ مۇعالىمدەرىنىڭ، اتا-انانىڭ پارىزى. جاستايىنان بالاعا ءبىلىم، تاربيەمەن قاتار ۇلتتىق قۇندىلىقتى ناسيحاتتاۋ، بالانىڭ سانالى دا، تاربيەلى تۇلعا بولىپ قالىپتاسۋىنا ەش كۇمان كەلتىرمەيمىز. قاي كەزەڭدە بولماسىن ءتىلىن ماسەلەسەى ءارقاشان اكتۋالدى. شەكسىز باي، تەگەۋرىنى مىقتى تۋعان ءتىلىمىز – اسىل قازىنامىز. ەڭ ءبىرىنشى ءتىلىن جوعالتقان ەل ۇلت بولىپ دامۋدان قالادى. انا ءتىلى – ار ولشەمى. ءتىلىمىزدىڭ شۇبارلانۋىنان، ارىمىزدىڭ تاپتالعانى ما؟ ماڭگىلىك ەلدىڭ – ماڭگىلىك ءتىلى بولىپ قالۋى ءۇشىن قانداي ىس-ارەكەتكە كوشكەنىمىز ءجون؟ ارينە، ەڭ باستىسى ءتىلىمىز بەن سالت-سانامىزعا دەگەن قۇرمەتىمىزدى ارتتىرۋ. ءوزىمنىڭ قازاق بولىپ دۇنيە ەسىگىن اشقانىما، ەڭ العاش قازاق تىلىندە بىلدىرلاپ سويلەگەنىمدى ماقتان ەتەمىن. ويتكەنى ءبىزدىڭ ءتىلىمىز – سوزگە باي، قۇدىرەتى شەكسىز ءتىل.
كوكشەتاۋ قالاسى جانايدار مۋسين اتىنداعى جوعارى قازاق پەداگوگيكالىق كوللەدجىنىڭ ستۋدەنتى امانتاي جۇلدىز اعىباي قىزى
You Might Also Like
-
ق ر ءبىلىم جانە عىلام ءمينيسترى اسحات ايماعامبەتوۆ بيىل وقۋشىلارعا اتتەستات تاپسىرۋ ءراسىمى قالاي وتەتىنىن ايتىپ بەردى.
-
جيرەنشە شەشەن اكەسى ەرتەرەك ءولىپ، جەتىم قالعان بالا ەكەن. ءاز جانىبەك حان ءبىر جاقتان كەلە جاتسا، ءبىر جاس بالا جاياۋ، مال ءورىسى جەردە ءجۇر ەكەن. اينالا قاراپ تۇرا قالىپ:
