تىنىشتىق ساقشىلارى
مەشىتباي قۇتتىقوۆ — قازالى اۋدانى بوزكول اۋىلىنىڭ پەرزەنتى. 1951 جىلى قازالى اۋدانىنداعى ماكسيم گوركيي اتىنداعى ورتا مەكتەپتى (قوجاباقى اۋىلىنداعى №25 ورتا مەكتەبى) ءبىتىرىپ شىعادى. قىزىلوردا پەداگوگيكالىق ينستيتۋتىن تىل-ادەبيەت مۇعالىمدىگى ماماندىعى بويىنشا اياقتاعاننان كەيىن، اۋداندىق ءبىلىم بولىمىندە ينسپەكتور قىزمەتىن اتقارادى. بۇدان سوڭ ەكى جىلدىق اسكەر قاتارىندا بولىپ، اۆتوموبيل اسكەرلەرىنىڭ كىشى لەيتەنانتى دارەجەسىندە زاپاسقا شىققان. مەشىتباي قۇتتىقوۆ سول كەزگى اۋداندىق پارتيا كوميتەتىنىڭ جولداماسىمەن ىشكى ىستەر سالاسىنا قىزمەتكە جولدانادى. ميليسيا مايورى م. قۇتتىقوۆتىڭ سانالى ءومىر جولى ىشكى ىستەر سالاسىنىڭ قىزمەتىمەن بايلانىستى. م. قۇتتىقوۆ ءوزىنىڭ ەڭبەك جولىندا قازالى جانە ارال اۋداندارىنىڭ مەملەكەتتىك اۆتوينسپەكسياسىندا باسشىلىق قىزمەتتە بولدى. اقىن. 1977 جىلى كسرو جازۋشىلار وداعىنىڭ مۇشەلىگىنە وتكەن. قازاقستان جازۋشىلار وداعىنىڭ مۇشەسى. قالامگەر، قوعام قايراتكەرى مەشىتباي قۇتتىقوۆ — «قۇس جولى»، «ار-نامىس»، «قايىرلى ءتۇن»، «ساپار»، «ارال اسپانى» اتتى جىر جيناقتارىنىڭ جانە «اياقتالماعان ءان»، «قايداسىڭ، ارال؟» اتتى پروزالىق كىتاپتاردىڭ اۆتورى. 1971 جىلى قازاق سسر-ى ىشكى ىستەر مينيسترلىگى جاريالاعان رەسپۋبليكالىق كونكۋرستا «بەتپە-بەت» اتتى پوەماسى ارقىلى ءبىرىنشى جۇلدەنى جەڭىپ الىپ، ارنايى ديپلومعا يە بولعان م.قۇتتىقوۆتىڭ ازاماتتىق ۇنگە تولى وزگە دە نەگىزگى پوەزيالىق، پروزالىق جانە پۋبليسيستيكالىق شىعارمالارىمەن قاتار، ءوز سالاسى – ىشكى ىستەر سالاسى قىزمەتكەرلەرىنىڭ ومىرىنە ارنالىپ جازىلعان ولەڭدەرى دە از ەمەس. م. قۇتتىقوۆتىڭ ىشكى ىستەر سالاسى قىزمەتكەرلەرىنىڭ ومىرىنە ارنالىپ جازىلعان ولەڭدەرى مەكتەپ جانە ارناۋلى ورتا وقۋ ورىندارى قابىرعاسىنداعى جاسوسپىرىمدەردىڭ قۇقىقتىق تاربيەسىندە ءجاسوسپىرىم ساناسىندا مەملەكەت جانە قۇقىق تەورياسىندا بايان ەتىلەتىن قۇقىقتىق سانا، قۇقىقتىق ءتارتىپ، قۇقىقتىق مادەنيەت ۇعىمدارىن قالىپتاستىرۋدا دا، سالاۋاتتى ءومىر سالتىن ورنىقتىرۋ جانە رۋحاني-ادامگەرشىلىك تاربيەسىندە دە ەلەۋلى قىزمەت ەتىپ تۇرادى.
اقىننىڭ ولەڭدەرىنە سىلتەمە: مەشىتباي قۇتتىقوۆ
دەرەكتەر نەگىزىندە سايتقا ۇسىنعان:
عابيدەن قوجاحمەت
You Might Also Like
-
كەي جاڭالىقتار كەزدەيسوق اشىلىپ جاتادى، كەيدە ءتىپتى زەرتتەلىپ جاتقان باسقا ءبىر سالانىڭ جاناما اسەرىنىڭ ناتيجەسى بولىپ كەتەدى.
