توقايەۆ ارمەنيا ۇلتتىق جينالىسىنىڭ ءتوراعاسىن قابىلدادى
مەملەكەت باسشىسى قاسىم-جومارت توقايەۆ ارمەنيا ۇلتتىق جينالىسىنىڭ ءتوراعاسى الەن سيمونياندى قابىلدادى. پرەزيدەنت مارتەبەلى مەيمانعا ءىلتيپات بىلدىرە وتىرىپ، ونىڭ ساپاسى ەكىجاقتى ىنتىماقتاستىقتى تەرەڭدەتۋگە باعىتتالعان ماڭىزدى قادام ەكەنىن اتاپ ءوتتى. توقايەۆ زاڭ شىعارۋشى ورگاندار اراسىنداعى ىقپالداستىقتى كەڭەيتۋ – ەلدەر اراسىنداعى بايلانىستى ودان ءارى نىعايتۋدىڭ كەپىلى ەكەنىن ايتتى.
قاسىم-جومارت توقايەۆ ارمەنيانى قازاقستاننىڭ وڭتۇستىك كاۆكازداعى سەنىمدى سەرىكتەسى رەتىندە اتاپ، ەكىجاقتى قارىم-قاتىناستىڭ تۇراقتى ساياسي ديالوگ، ساۋدا-ەكونوميكالىق جانە مادەني-گۋمانيتارلىق بايلانىستار نەگىزىندە دامىپ كەلە جاتقانىن جەتكىزدى.
ءوز كەزەگىندە الەن سيمونيان قازاقستانعا كورسەتكەن قوناقجايلىق ءۇشىن العىس ءبىلدىرىپ، پارلامەنتارالىق بايلانىستاردى نىعايتۋدىڭ ماڭىزدىلىعىن اتاپ ءوتتى. ول ارمەنيانىڭ قازاقستانمەن ەكونوميكالىق قارىم-قاتىناستى جانداندىرۋعا مۇددەلى ەكەنىن جانە ساۋدا-ساتتىقتى ارتتىرۋ ءۇشىن ناقتى شارالار قولعا الىناتىنىن مالىمدەدى.
كەزدەسۋ بارىسىندا ارميان تاراپى قازاقستاننىڭ ارمەنيا مەن ازەربايجان اراسىنداعى بەيبىت باستامالارىنا ريزاشىلىعىن ءبىلدىردى. قوس تاراپ تا قازاق-ارميان قارىم-قاتىناسىن جان-جاقتى دامىتۋعا بەيىلدى ەكەنىن ناقتىلادى.
You Might Also Like
-
قازاقستان عىلىمى مەن ادەبيەتتانۋ سالاسىنا ولشەۋسىز ۇلەس قوسقان كورنەكتى عالىم، ادەبيەتتانۋشى، فولكلورتانۋشى، ۇلتتىق عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى، مەملەكەتتىك سىيلى...
-
ەكىنشى دۇنيەجۇزىلىك سوعىس جىلدارىندا ەر ازاماتتارمەن قاتار قان مايدانعا اتتانعان قازاق قىزدارىنىڭ ەرلىگى ەل ەسىندە. اسىرەسە، تانك جۇرگىزىپ، جاۋمەن شايقاسقان ءتورت باتىر ارۋ — جامال بايتاسوۆا، جاميلا...
