توي — حالىقتىڭ قازىناسى
تۋماق بار جەردە ولمەك بار ەكەنىن تۇسىنەتىن قازەكەڭ قۋانىشتى ارتتىرۋعا،قايعىنى جەڭىلدەتۋگە اسىعاتىن حالىق. سودان بولار كوپتەن كورىسپەگەن جاندار تابىساتىن، مال-جاننىڭ اماندىعىن سۇراسىپ،ءبىر جاعادان باس ءبىر جەڭىنەن قول بولىپ بىرىگەتىن ءساتى ءولىم-جىتىم مەن توي. باسقاعا اسىقپاسا دا، بۇل ەكى حاباردى ەستىگەن بويدا جول قامىنا كىرىسەتىن حالىقپىز.
توي — حالىقتىڭ قازىناسى.حالىققا بەرەرى نە جانە ءقاۋپى قانداي؟
بۇگىندە توي حالىقتىڭ ءال-اۋقاتىنىڭ انىق كورىنىسى.قالتاسى جەتپەگەندەر «جۇرتتان قالمايىن» — دەپ شىعىندالادى.ال،قالتاسى قالىڭ جۇرت ەڭ قىمبات ورىنداردا ەڭ باعالى ارتىستەردى شاقىرىپ،باسەكەمەن وتكىزەدى.قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە،قازاقستاندىقتاردىڭ نەسيە قارىزى 4،4 تريلليون تەڭگەگە جەتكەن.ساراپشىلار نەگىزىنەن حالىقتىڭ توي-تومالاق جاساۋ ءۇشىن الۋىمەن بايلانىستىرادى. «ۇيلەنۋ وڭاي،ءۇي بولۋ قيىن».دەمەك، بەس ساعاتتىق قۋانىش بەس جىل كرەديت تولەۋمەن اياقتالماۋى ءتيىس.
«بۇگىنگى توي ۇلتتىق ءداستۇردى ۇلىقتايتىن جالعىز ورىن»-دەپ اقتاپ الاتىندار جەتەرلىك.ەجەلدە تويدا وتكىزىلەتىن ات جارىس،كوكپار تارتۋ،اقىندار ايتىسى،بالۋان كۇرەس سياقتى حالىقتىڭ ۇلتتىق ەرەكشەلىگىن كورسەتەتىن ۇلتتىق ويىندار بۇگىنگى تويدان كورىنىس تاۋىپ جاتقان جوق.گۇل لاقتىرۋ ءۇردىسىن تولىعىمەن الماستىرا الماساقتا،ەمسىن-ەمسىن اۋلەتتىڭ تۇرمىس قۇرماعان سۇلۋلارىنا، «جولىمدى بەرسىن»-دەپ ىرىمداپ،ۇكى تاراتۋ سالتىن ناسيحاتتاپ كەلەتىنىمىز قۋانتادى.ءبىراق،ۇلتتىق ونەردى ۇلىقتاۋ قىمبات رەستوران مەن ىسىراپشىلدىققا تاۋەلدى بولماۋى ءتيىس.
«جاقسىلىقتا جولىققانشا» — دەيتىن حالىقپىز.دەگەنمەن، «چيپ-چيپتەپ»، «اسپانعا قارايتىن» تويلاردا ەمەس، كاسىپ اشىپ باستاعان ءسۇيىنشى تويلاردا جولىعايىق. توي تويلاۋدى توقتاتايىق دەۋدەن اۋلاۋقپىن. كەلەسى ۇرپاق ءۇشىن توي تويلاۋ قارىزعا كىرۋمەن تەڭ دارەجەگە جەتپەسىن، «توي تويعا ۇلاسسىن» دەسەڭىز،كورپەمىزگە قاراي كوسىلەيىك دەگىم كەلەدى.
«تۇران»ۋنيۆەرسيتەتى «جۋرناليستيكا» ماماندىعىنىڭ 2 كۋرس ستۋدەنتى: دۋريا قىدىربەكوۆا
You Might Also Like
-
بۇكىل الەم جەتىستىككە جەتۋدىڭ رەسەپتىن قالاي تابۋعا بولادى دەپ الاڭدايدى. بۇل تاقىرىپتا مىڭداعان كىتاپتار جازىلعان. جۇزدەگەن فيلمدەر تۇسىرىلگەن.
-
ءال-فارابي بابامىز: «كەز-كەلگەن ەلدىڭ بولاشاعىن كورگىڭ كەلسە، سول ەلدە تۇرىپ جاتقان جاستاردىڭ تىنىس-تىرشىلىگىنە قارا» دەگەن ەكەن. ەندەشە، قازاقستان جاستارىنىڭ الەۋمەتتىك بەت-بەينەسى قاند...
