InfoHub Logo

تاڭ الاگوبەڭنەن ءبىر تۇلكى تاماق ىزدەپ ءجۇرىپ، اعاشتىڭ بۇتاعىنا قوناقتاپ وتىرعان قورازدى كورەدى. اعاشتىڭ تۇبىنە كەلىپ، ءمۇلايىمسىپ قورازعا:

         — تاقسىر-اۋ، تاقسىر، تاڭ اتتى عوي، ازان ايتىڭىز دا تومەن ءتۇسىپ، يمام بولىڭىز، جاماعات بولىپ ناماز وقيىق! – دەپتى.

         تۇلكىنىڭ قۋلىعىنا تۇسىنگەن قوراز:

         — ار جاعىڭدا مولدانىڭ ۇلكەنى جاتىر، سول كىسىنى وياتا قويىڭىز، ءبارىمىز بىرىگىپ، قاۋىم بولساق بولايىق! – دەپ، قۋىستا جاتقان تازىعا سىلتەپتى. تۇلكى ەكى-ۇش اتتاپ ارتىنا قاراسا، ءبىر بۇرىشتا بۇك ءتۇسىپ قارا تازى جاتىر ەكەن. تۇكەڭ اياعىن مىسىقشا باسىپ، زىتا جونەلىپتى.

         مۇنى كورگەن قوراز جىميىپ:

         — ءپىرادار-اۋ، ءپىرادار! ناماز وقىمايسىز با؟ قايدا باراسىز؟ – دەپتى. سوندا تۇلكى:

         — دارەتىم سىنىپ كەتتى، تەز دارەت الىپ كەلە قويايىن. سەن ازان ايتىپ، جۇرتتىڭ تىنىشىن الماي، ءسال شىداي تۇر! – دەپ تارتىپ وتىرىپتى.

---