تۇلكىنى الداعان قاز
تۇلكى جايىلىپ جۇرگەن ءبىر قازدى ۇستاپ الادى. ونى ءبىراز مازاقتايىن دەپ ويلايدى. قازدى الدىڭعى ەكى اياعىمەن باسىپ تۇرادى دا، مۇرتىنان كۇلىپ:
ە، قاز، سەنىڭ قولىڭا مەن تۇسسەم، نە ىستەر ەدىڭ؟ – دەپ سۇرايدى.قاز ءسال ويلانىپ تۇرىپ:
سەنى تىسىممەن تىستەپ تۇرىپ، ەكى اياعىمدى كەۋدەمە قويامىن دا، كوزىمدى جۇمىپ «قۇداي بەرگەنىڭە شۇكىر!» دەپ جەپ قويار ەدىم، - دەيدى.
- مىناۋىڭ دۇرىس ەكەن. مەن دە سەنى ءوزىڭ ايتقانداي ەتىپ دەيىن، - دەيدى تۇلكى.
ول قازدى تىستەپ، الدىڭعى ەكى اياعىن قۋسىرىپ، كوزىن جۇمىپ:
- ە، قۇداي! – دەي بەرگەندە، قاز قاناتىن قاعىپ-قاعىپ ۇشا جونەلەدى. تۇلكى اۋزىن اشىپ، شوڭقيىپ قالا بەرەدى.
You Might Also Like
-
ولار قازاق جەرىندە ادىلدىكتىڭ سالتانات قۇرۋى ءۇشىن ءھام قيانات-زۇلىمدىقتىڭ ارام شوپتەي قاپتاپ كەتۋىنە قارسى ۇشان-تەڭىز قاجىر-قايرات جۇمساعان. كەمەڭگەرلىككە، كىسىلىككە قۇرىلعان بيلىك سانداعان عاسىرلا...
-
قاراحان دەگەن ءقادىرلى حان بولىپتى. قىرىق ۋازىرىمەن ءبىر جەرگە سەيىلگە شىعىپتى. الگى سەيىلگە شىققاندا، قىرىق ءۋازىردىڭ قاسىندا قىرىق كىسى بار ەكەن. سەيىلگە شىعىپ جولدا كەلە جاتقاندا، قاراحاننىڭ قامشىس...
