InfoHub Logo

تاقىرىبى: تۋما تالانت-تۇعىرلى عالىم
ماقساتى: وقۋشىلاردى فيزيكا-ماتەماتيكا عىلىمدارىنىڭ دوكتورى، پروفەسسور ورىنبەك احمەتبەك ۇلى جاۋتىكوۆتىڭ ءومىرى مەن عىلىم جولىندا ەڭبەكتەرىمەن تانىستىرا وتىرىپ ماتەماتيكا عىلىمىنا قوسقان ۇلەسى تۋرالى ماعلۇمات بەرۋ، بولاشاق ماتەماتيكتەردىڭ ءوز ماماندىعىنا دەگەن قىزىعۋشىلىعىن ارتتىرۋ.

ءتۇرى: سۇحبات
بارىسى:
1-جۇرگىزۋشىسى: ارمىسىزدار قۇرمەتتى وقىتۋشىلار!
2-جۇرگىزۋشى: سالەمەتسىزدەر مە، باياندى ەلدىڭ بولاشاقتارى، جاس ماتەماتيكتەر! جاڭاشىلدىققا جانى قۇمار جاستار!
1-جۇرگىزۋشى: «ءار كەزەڭنىڭ ءوز مىندەتتەرى بار» دەپ ۇلى گەينە ايتقانداي، ءاربىر وقۋ جىلى جارقىن ىستەر، جاڭا يدەيا، تىڭ دۇنيەلەرمەن باستالادى.
ۇستازدىقتى ۇلىق تۇتقان، ءوز ىسىنە ۇلكەن جاۋاپكەرشىلىك سەزىمىمەن قارايتىن وقىتۋشىنىڭ دا، ءبىلىمدى ءومىرىنىڭ ماقسۇتى ەتكەن وقۋشىنىڭ دا ءاربىر وقۋ جىلىنان كوپ جاڭالىق كۇتەتىنى داۋسىز.

2-جۇرگىزۋشى: وقۋ ورنىمىزدىڭ جاڭا وقۋ جىلىنداعى جۇمىس تاقىرىبى ق ر ءبىلىم بەرۋدى دامىتۋدىڭ 2011 – 2020 جىلدارعا ارنالعان مەملەكەتتىك باعدارلاماسى تالاپتارىنا ساي ءبىلىم ساپاسىن دامىتۋ ارقىلى كاسىبي قۇزىرەتتى ماماندار دايارلاۋ دەڭگەيىن ارتتىرۋ بولىپ وتىر.

1-جۇرگىزۋشى: كاسىبي قۇزىرەتتى مامان دەگەنىمىز - وزىندىك قۇزىرەتتىلىگى جوعارى، ءوز مامانىنىڭ شەبەرى، ياعني جان-جاقتى ماماندىعىن تولىق يگەرگەن تۇلعا. سوندىقتان ءتۇرلى قۇزىرەتتىلىكتى بويىمىزعا ءسىڭىرۋ-بۇل ءبىزدىڭ مىندەتىمىز. كاسىبي قۇزىرەتتى مامان بولۋدىڭ العى شارتى-تۇلعا بولۋ. ال، تۇلعا بولۋ ءۇشىن جوعارى جەتىستىكتەرگە تالپىناتىن، فۋنكسيونالدى دامىعان، قازىرگى قوعامعا قاجەتتى بولۋىمىز قاجەت.

2-جۇرگىزۋشى: وسى ماقساتتا جاس ماتەماتيكتەرگە ايتۋلى تۇلعالاردىڭ ءبىرى - اشقان جاڭالىقتارىمەن الەمگە تانىمال بولعان ماتەماتيك ورىنبەك احمەتبەك ۇلى جاۋتىكوۆ تۋرالى جان-جاقتى ماعلۇمات بەرسەك دەگەن ويدامىز.

1-جۇرگىزۋشى: «ماتەماتيكا – تانك جۇرگىزۋشىگە قاجەتسىز بولعانىمەن،تانك جاساۋعا قاتىساتىن عىلىم»-دەپ ماتەماتيكا عىلىمىنىڭ دوكتورى، پروفەسسور، اكادەميك سەرىكباي ايساعالييەۆ ايتقانداي ورىنبەك جاۋتىكوۆتىڭ زەرتتەگەن جۇمىسىنىڭ، اشقان جاڭالىعىنىڭ قوعام مەن ماتەماتيكانىڭ دامۋىنا زور ۇلەسى بولعانى ءسوزسىز.

2-جۇرگىزۋشى: ەندەشە العاشقى ءسوز كەزەگىن بم-ل-09 توبىنىڭ ستۋدەنتى ءجانابىلوۆا ءۇمىتايعا بەرسەك.
ءجانابىلوۆا ءۇمىتاي: «ۇلتىنا عۇمىرىن ارناعان ۇلى تۇلعا»

1-جۇرگىزۋشى: ماتەماتيكا-ادام ءۇشىن، ادام ماتەماتيكا ءۇشىن جارالعان. مەن جاۋتىكوۆتى ماتەماتيكا ءۇشىن جارالعان دەر ەدىم. «جاۋتىكوۆ عىلىم جولىندا...». ءسوز كەزەگىن م-ل-10 توبىنىڭ ستۋدەنتى بۇلدىرىقوۆا بالعىنعا بەرسەك.

2-جۇرگىزۋشى: «جاقسى كىتاپتى وقۋ وتكەن عاسىرداعى كەمەڭگەرلەرمەن اۋىزبا-اۋىز سويلەسكەنمەن بىردەي جانە ولار وزدەرىنىڭ ەڭ وزىق اقىل-ويلارىن الدىمىزعا جايىپ سالادى»-دەپ ر. دەكارت وقۋلىق پەن كىتاپ جايىندا وسىنداي تاماشا ويلارىن بىلدىرگەن ەكەن.

1-جۇرگىزۋشى: ەندەشە جاۋتىكوۆ جازعان كىتاپتارى جايىندا م-ل-10 توبىنىڭ ستۋدەنتى سەرالييەۆا رايحان تارقاتسىن.

2-جۇرگىزۋشى: وسىنداي تاماشا كىتاپتاردىڭ اۆتورى، دارىندى ماتەماتيك ورىنبەك جاۋتىكوۆتىڭ اتىندا دارىندى بالالارعا ارنالعان فيزيكا-ماتەماتيكا مەكتەبى بار ەكەنى بارشامىزعا ءمالىم. وسى مەكتەپتى جان-جاقتى زەرتتەگەن، ءوز ويىمەن بولىسۋگە ورتاعا قوڭىربايەۆا ايبانۋدى شاقىرامىز.

1-جۇرگىزۋشى: جيەنقوجايەۆا قۇرالاي: «و.جاۋتىكوۆ اتىنداعى وليمپيادالار»

2-جۇرگىزۋشى: قۇرمەتتى وقۋشىلار! سىزدەردى فيزيكا-ماتەماتيكا عىلىمدارىنىڭ دوكتورى، پروفەسسور ورىنبەك احمەتبەك ۇلى جاۋتىكوۆتىڭ ءومىرى مەن عىلىم جولىنداعى ەڭبەكتەرى تۋرالى تولىق ماعلۇمات الدى دەگەن ويدامىز.

1-جۇرگىزۋشى: «اقىل-ويدى تارتىپكە كەلتىرەتىندىكتەن ماتەماتيكانى وقۋ كەرەك» دەپ م.ۆ.لومونوسوۆ ايتقانداي، ماتەماتيكا عىلىمىن ءسۇيىپ وقيىق.

2-جۇرگىزۋشى: قوش، ساۋ بولىڭىزدار!