InfoHub Logo

ەگىن جيناعاننان كەيىن استىقتا ءار ءتۇرلى قوسپالار — ارامشوپتەردىڭ تۇقىمدارى، جەمىستەرى، جەمىس شوعىرلارى، ۆەگەتاتيۆتى مۇشەلەرىنىڭ سىنىقتارى، نەگىزگى داقىلداردىڭ سەمگەنداندەرى، توپىراق كەسەكتەرى جونە باسقالار بولادى. ولاردىڭ ىلعالدىلىعى ءجيى تۇردە جوعارى بولۋى مۇمكىن، ال ول قىرماندا استىقتىڭ وزدىگىنەن قىزۋىنا، وڭەزدەنۋىنە، ونۋگە ۇرىندىرادى. سوندىقتان جالپى ونىمنەن بارىنشا قۇندى بولىگىن (فراكسيالاردى) سەبۋ جادىعاتى رەتىندە ءبولىپ الىپ ساقتاعان ءجون، ال بۇل تازالاۋ، ۋاقىتشا كونسەرۆىلەۋ، كەپتىرۋ، سورتتاۋ، ىرىكتەۋ جانە تۇقىم وڭدەۋگە ءبىرقاتار قوسىمشا ۇردىستەردى ىسكە اسىرۋ ارقىلى ورىندالادى. تازالاۋ جانە ىرىكتەۋ (سورتتاۋ) جولىمەن باستى ءۇش ماسەلە شەشىلەدى: مەملەكەتتىك ۇلگى قالىپتاۋ (مۇق) تالاپتارىنا سايكەس قوسپالاردى الاستاتۋ جانە نەگىزگى داقىلدىڭ تازا تۇقىمىن الۋ، تۇقىمنىڭ فيزيكالىق كورسەتكىشتەرىن جاقسارتۋ؛ سەبۋ ءۇشىن بارىنشا جوعارى ءونىمدى تۇقىمدى ءبولىپ الۋ. بۇل ماسەلەلەردى شەشۋ ءار ءتۇرلى داقىلدار تۇقىمدارىنىڭ فيزيكالىق-مەحانيكالىق قاسيەتتەرىندەگى ايىرماشىلىقتاردى، ولاردىڭ ىشىندە بارىنشا ءىسسانالىق ماڭىزى بارلارىن — اەروديناميكالىق قاسيەتتەرىن، تۇقىمنىڭ مولشەرى مەن ءپىشىنىن جان-جاقتى پايدالانۋ نەگىزىندە ىسكە اسىرىلادى. تۇقىم تازالاۋ جانە ىرىكتەۋ تۇقىمنىڭ مولشەرى، ءپىشىنى جانە بەتكى كۇيى بويىنشا استىق تازالاعىش كۇردەلى ماشينالاردا جۇرگىزىلەدى. سوڭعى ۋاقىتتا تۇقىمدى تازالاۋ مەن ىرىكتەۋدە تۇقىمنىڭ ەلەكترلىك قاسيەتتەرىنە نەگىزدەلگەن جاڭا تاسىلدەر جاسالۋدا. بۇل تاسىلدەر قيىن اجىراتىلاتىن قارا س ۇلى قوسپالارىنان ەگىستىك سۇلىنى ءبولىپ الۋعا مۇمكىندىك بەرەدى.

تۇقىم مەن قوسپالاردى بىرىنەن-بىرىن ءبولىپ الۋدىڭ جاڭا ءتاسىلى — تۇستەرى بويىنشا فوتوەلەكترون جۇيەسىنەن وتكىزۋ: زاريادتالعان قارا ءتۇستى بەلشەكتەر زاريادتالعان اق تۇستىلەردەن وڭاي اجىراتىلادى.

تۇقىمدى تازالاپ، ىرىكتەۋگە ەلەۋىشتەردى (رەشەتا) دۇرىس تاڭداپ الۋ ءۇشىن تۇقىمدىق جادىعاتتى قولمەن ۇلگى ەلەۋىشتە نەمەسە كلاسسيفيكاتور قۇرالىمدارىندا ەلەپ، قاندايى قاجەت ەكەنىن انىقتايدى. شامالى تۇقىم توبىن ماشينادان وتكىزىپ ەلەۋىشتەردىڭ دۇرىس تاڭدالعانىن تەكسەرەدى. ىرىكتەگەندە تۇقىمنىڭ تەك قانا ءىرى بولىكتەرى بولىنبەيدى، سونىمەن بىرگە بيولوگيالىق قاسيەتتەرى جوعارى تۇقىمدار سۇرىپتالادى. استىق ءونىمىن ارتتىرۋداعى تازالاۋ مەن ىرىكتەۋدىڭ ءرولىن ەسكەرە وتىرىپ، اسىرەسە تازالاۋ جۇمىسىن كۇردەلى تۇقىم تازالاعىش ماشينالاردا ەگىندى جيناپ الىسىمەن جۇرگىزۋ قاجەت.

تۇقىمدى جىلى اۋادا قىزدىرۋ

تولىققاندى، پىسكەن، زاقىمدانباعان جانە بىركەلكى تۇقىمدار جاپپاي كوكتەيدى دە، جوعارى ءونىم الۋدى قامتاماسىز ەتەدى. ءداندى جانە باسقا ەكپە داقىلداردىڭ تاناپتىڭ ونگىشتىگىنىڭ تومەندىگى كەيدە تۇقىمنىڭ ەرەكشە فيزيولوگيالىق كۇيىنە بايلانىستى. ەگىن جيناۋ قارساڭىندا ءداندى استىق جانە باسقا داقىلدار تۇقىمدارى شارتتى تۇردە تومەن ونگىشتىگىمەن ەرەكشەلەنەدى، ويتكەنى ولارداعى بيوحيميالىق كۇردەلى ۇردىستەردىڭ اياقتالماۋىنان كۇردەلى قورەكتىك زاتتار جەڭىل ءسىڭىمدى جانە جىلجىمالى تۇرگە اينالىپ ۇلگەرمەيدى.

---