InfoHub Logo

ۋ دىبىسىنىڭ داۋىستى، داۋىسسىز بولىپ ايتىلۋى (قازاق ءتىلى. 2 - سىنىپ)

ساباقتىڭ تاقىرىبى: ۋ دىبىسىنىڭ داۋىستى، داۋىسسىز بولىپ ايتىلۋى.
ساباقتىڭ ماقساتى:
بىلىمدىلىك ماقساتى: ۋ دىبىسىنىڭ قاي كەزدە داۋىستى، قاي كەزدە داۋىسسىز بولاتىنىن ءتۇسىندىرۋ
دامىتۋشىلىق ماقساتى: ۋ دىبىسى بار سوزدەردى دۇرىس تاسىمالداي بىلۋگە ۇيرەتۋ
تاربيەلىك ماقساتى: ساۋاتتىلىقتارىن ارتتىرۋ
ساباقتىڭ ءتيپى: جاڭا ءبىلىمدى مەڭگەرتۋ
ساباقتىڭ ءتۇرى: ارالاس
كورنەكىلىگى: بۋكلەت
قولدانىلاتىن ءادىس: پروبلەمالىق ىزدەنىس، ءىشىنارا زەرتتەۋ، تالداۋ، ءتۇسىندىرۋ

ساباقتىڭ بارىسى:
ءى. ۇيىمداستىرۋ كەزەڭى.
وقۋشىلارمەن امانداسۋ، كەزەكشىمەن سۇحبات. قۇرال - جابدىقتارىن تەكسەرىپ شىعۋ. وقۋشىلاردىڭ زەيىنىن ساباققا اۋدارۋ.

ءىى. ءۇي تاپسىرماسىن تەكسەرۋ.
ءتىل جانە سويلەۋ تاراۋى بويىنشا العان بىلىمدەرى تەكسەرىلەدى.
- سويلەۋ ءتىلىنىڭ تۇرلەرىن ايت.
- قاي ءتىل ءبىرىنشى پايدا بولدى؟
- سويلەۋ تىلدەرى قاي كەزدە قولدانىلدى؟
- جازباشا ءتىل قالاي پايدا بولدى؟
- سويلەۋدىڭ ادام ومىرىندەگى ماڭىزى قانداي؟

ءىىى. جاڭا ساباق.
وي تاستاۋ.
الدىمەن جاڭا ساباقتى قابىلداۋعا دايىندىق جۇمىسى جۇرگىزىلەدى. ۋ دىبىسى بار سوزدەرگە مىسالدار كەلتىردى. ۋ دىبىسىنىڭ قاي بۋىندا تۇرعانىن انىقتايدى. سوزدەرگە دىبىستىق تالداۋ جاسايدى. ۋ دىبىسى باسىندا تۇرعان سوزدەرگە مىسالدار كەلتىرەدى.

ماعىنانى تانۋ.
ساۋىر، قۋراي، ۋىق، قاۋىرسىن، قۋانۋ، قۋلىق، ساۋمال، تۋىس.
ءسوز ىشىندە ايتىلىپ تۇرعان ۋ دىبىسىنىڭ ايتىلۋىنا نازارلارىن اۋدارىپ، ولاردىڭ داۋىستى نەمەسە داۋىسسىز بولىپ تۇرعانىن انىقتاۋعا تالپىندىرۋ. وقۋشىلار ۋ دىبىسىنىڭ كەيدە داۋىستى، داۋىسسىز بولىپ ايتىلىپ تۇرعانىن بايقاۋلارى ءتيىس. ءمۇعالىم وسى ساباقتاردى ۋ دىبىسىنىڭ كەيدە داۋىستى، كەيدە داۋىسسىز دىبىس بولىپ تۇرۋ سەبەبىمەن تانىساتىندىقتارىن ايتادى.

ۋ دىبىسىنىڭ داۋىستى، داۋىسسىز دىبىس بولىپ ايتىلۋىنا بەرىلگەن ەكى ساعاتتىڭ العاشقى ساباعىندا ۋ دىبىسىنىڭ داۋىستى بولىپ ايتىلۋىمەن تانىسادى. 1، 2 - جاتتىعۋلار جاڭا ساباقتىڭ ەرەجەسىن وزدەرى قورىتىندىلاپ ايتۋعا جەتەلەيدى. ۋ دىبىسى بار سوزدەرى سويلەم ىشىنەن، ولەڭ جولدارىنان تاۋىپ، بۋىنعا بولەدى، ونىڭ داۋىستى دىبىس بولىپ تۇرعانىن انىقتاعاننان كەيىن، داۋىستى دىبىس بولعاندا ۇنەمى ولاردىڭ داۋىسسىز دىبىستان كەيىن تۇرعانىن بايقاۋىنا جاعداي تۋعىزۋ كەرەك. ۋ دىبىسى ءسوزدىڭ باسىندا تۇرعان كەزدە ۋ دىبىسىن داۋىستى دىبىس بولاتىنىنا كوزدەرىن جەتكىزەدى.

وسىنداي جاتتىعۋ جۇمىستارىنان كەيىن ەرەجەنى وزدەرى قورىتىندىلاپ ايتادى. كوزدەرىن جەتكىزۋ ارقىلى وزدەرىنىڭ قورىتىندى جاساۋى بالانىڭ ەسىندە جاقسى ساقتالۋىنا مۇمكىندىك تۋعىزادى.
ۋ دىبىسى بار سوزدەرى بۋىنعا بولۋدە وقۋشىلار كوپ شاتاسادى. سوندىقتان 3 - جاتتىعۋ ساباقتا ءمۇعالىمنىڭ كومەگىمەن تالقىلانۋى ءتيىس. بۇل جاتتىعۋدا بەرىلگەن سوزدەرگە ۋ دىبىسى ەكى بۋىندا دا كەزدەسەدى: ءبىرىنشى بۋىندا داۋىستى، ەكىنشى بۋىندا داۋىسسىز دىبىس. سوزدەگى ەكى بۋىندى داۋىستارىن سوزىپ ايتۋ كەزىندە ۋ دىبىسىنىڭ ءارتۇرلى ايتىلاتىنىن بايقايدى. سونداي اق ءار ءسوزدىڭ قانداي ماعىنا بەرەتىنىن تۇسىندىرەدى.

بۇل ساباقتىڭ ەكىنشى ساعاتىندا ۋ دىبىسىنىڭ داۋىسسىز بولىپ قاي كەزدە ايتىلاتىنىمەن تانىسادى. جاتتىعۋلاردى ورىنداۋ بارىسىندا ۋ دىبىسىنىڭ داۋىستىدان كەيىن كەلگەندە جانە ءسوزدىڭ باسىندا داۋىستىدان بۇرىن تۇرعاندا داۋىستى بولاتىندىعىن ءوز بەتتەرىنشە انىقتاي الۋىنا مۇمكىندىك بەرىلەدى.

سوزدىك ديكتانت.
ءۇي، ۇيا، سۇيىق، سۋىق، ۋىلدىرىق، ۇيەڭكى، ۋىق، سۇر، ءسۇر، كۇلۋ، قۇرىق، قۋلىق، اقتاۋ، سامۇرىق، قۋىرماش، سۇرگى.
5 - جاتتىعۋعا ەرەكشە كوڭىل بولىنەدى. جۋۋ، سۋۋ، بۋۋ، ساۋۋ، اۋۋ، جاۋۋ سوزدەرىنىڭ جازىلۋىنا نازارلارىن اۋدارىپ، ءار ءسوزدىڭ ماعىناسىنا جەكە توقتالۋ كەرەك. ەكى ۋۋ ارىپتەرى قاتار كەلەتىن وسىنداي سوزدەرگە مىسالدار كەلتىرىلەدى.

ءىۇ. جاڭا ساباقتى قورىتۋ
ساباقتى قورىتىندىلاۋ كەزىندە ۋ دىبىسى داۋىستى، داۋىسسىز بولىپ كەلەتىن سوزدەرگە مىسالدار كەلتىرىلەدى، ولاردىڭ نەگە داۋىستى نەمەسە داۋىسسىز بولىپ تۇرعانىن تۇسىندىرەدى. ۋ دىبىسى بار سوزدەرى بۋىنعا بولىنەدى.

ءۇى. ساباقتى قورىتۋ.
ساباقتى قورىتىندىلاۋ، ۇيگە تاپسىرما بەرۋ، ونى ءتۇسىندىرۋ.
ءۇىى. باعالاۋ.
وقۋشىلاردىڭ ەڭبەگىن ماداقتاۋ.