ۇبت-2018: تەست سۇراقتارى 50 پايىزعا جاڭاردى
2018 جىلعا ارنالعان ۇلتتىق ءبىرىڭعاي تەستى سۇراقتارى 50 پايىزعا جاڭاردى. بۇل تۋرالى بۇگىن ۇكىمەت ۇيىندە وتكەن باسپا ءسوز ءماسليحاتىندا ۇلتتىق تەستىلەۋ ورتالىعىنىڭ ديرەكتورى رامازان ءالىمقۇلوۆ ايتتى.
«اعىمداعى جىلى ۇبت 15ء-شى رەت وتەيىن دەپ وتىر. وسى ۋاقىت ارالىعىندا شامامەن 1،5 ملن تۇلەك ۇلتتىق ءبىرىڭعاي تەستىلەۋگە قاتىستى. قازىرگى ۋاقىتتا 2018 جىلدىڭ ۇبت-سىنا دايىندىق شتاتتىق رەجىمدە جۇرگىزىلىپ جاتىر. بارلىق اۋديتوريا دايىن. وزدەرىڭىز دە بىلەتىندەي، بيىل ونىڭ فورماتى وزگەرمەيدى. ءۇش مىندەتتى ءپان بولادى: قازاقستان تاريحىنان 20، ساۋاتتى وقۋدان 20، ماتەماتيكالىق ساۋاتتىلىقتان 20 جانە تاڭداپ الىنعان 2 پاننەن 30 سۇراقتان»،- دەدى ول.
ورتالىق باسشىسىنىڭ ايتۋىنشا، بۇگىندە رەسپۋبليكالىق اپەللياسيالىق كوميسسيانىڭ مۇشەلەرى ىرىكتەپ الىنعان. وعان 54 ادام كىرىپ وتىر.
«اپەللياسيا تەتىگى دە ساقتالادى، ەشقانداي وزگەرىس جوق. ياعني، ۇبت تاپسىرعان تۇلەك كەلەسى كۇنى ساعات 13:00-گە دەيىن داۋ تۋدىرعان ساۋالعا بايلانىستى جەرگىلىكتى اپەللياسيالىق كوميسسياعا ءوتىنىم بەرە الادى. ودان كەيىن ەگەر جەرگىلىكتى كوميسسيا داۋلاسۋعا سەبەپ بار دەپ شەشەتىن بولسا، وندا ماتەريالداردى رەسپۋبليكالىق كوميسسياعا بەرەدى»، - دەدى ورتالىق باسشىسى.
ونىڭ دەرەگىنشە، وتكەن جىلى 198 اپەللياسيالىق شاعىم تۇسسە، ونىڭ 50 پايىزى تەحنيكالىق ماسەلەلەرگە قاتىستى بولعان. مازمۇنىنا قاتىستى 98 ماسەلە كوتەرىلىپ، قاناعاتتاندىرىلعان.
«وتكەن جىلى ۇبت-نىڭ تەست تاپسىرمالارى 40 مىڭ بولسا، سونىڭ 98 سۇراعى، ياعني 0،02 پايىزى عانا داۋ تۋدىردى. الەمدىك تاجىريبەدە 1 پايىزعا دەيىن قالىپتى بولىپ ەسەپتەلەدى. ءبىز بۇل دۇرىس كورسەتكىش دەپ سانايمىز. اعىمداعى جىلى تەست سۇراقتارىنىڭ بازاسى 50 پايىزعا جاڭاردى جانە بيىلعى ۇبت-دا 80 مىڭ سۇراق بولادى»، - دەدى ول.
قازاقپارات
You Might Also Like
-
كۆانتتىق فيزيكا تۋرالى ەستىپ كورمەگەن تىڭدارماندى مۇنىڭ اتاۋىنىڭ ءوزى-اق شوشىتادى. ول ءتىپتى كۇندەلىكتى قولدانىپ جۇرسە دە، كەيبىر فيزيكتەر ءۇشىن دە ءبىرتۇرلى، اقىلعا سيىمسىز كورىنۋى مۇمكىن. ءبىراق، ول س...
