InfoHub Logo

تاربيە ساعاتى
تاقىرىبى: «ۇلكەن شاڭىراق»
ماقساتى:
1. حح عاسىردىڭ ەلىمىزگە سىيلاعان باستى بايلىعى تاۋەلسىزدىكتىڭ وڭايلىقپەن كەلمەگەنى جايىندا وقۋشىلارعا جەتە ءتۇسىندىرۋ، جاس ۇرپاق بويىندا ەلىنە، جەرىنە، ۇلتىنا دەگەن پاتريوتتىق سەزىمىن وياتۋ. ءوز ەلىن، جەرىن قورعايتىن ەلجاندىلىق رۋحتا تاربيەلەۋ.
2. الەۋمەتتىك جاعدايعا بەيىمدەلگەن ادامگەرشىلىگى مول ۇلتجاندى، تولەرانتتىق، سالاۋاتتى جەكە تۇلعانى قالىپتاستىرۋ مەن دامۋعا ارنالعان تاربيە سالاسىنداعى زاڭ اكتىلەرىن ورىنداۋعا وقۋشىلاردى ۇيىمداستىرۋ جانە وعان جاعداي جاساۋ.
3. قازىرگى ومىرگە ساي بەيىمدەلگەن، بويىنداعى بار كۇش – قۋاتى ماقساتتارعا باعىتتالعان، ءوزىنىڭ الەۋمەتتىك كاسىبي باعدارىن ايقىنداۋعا ىشكى رەسۋرستارىن باسقارا الۋ مۇمكىندىگى جوعارى، ازاماتتىق قۇندىلىقتاردى بويىنا جيناقتالعان الەمدىك باسەكەگە قابىلەتتى جەكە تۇلعانى قالىپتاستىرۋ.
4. اتا – اناسىنا، تۋعان جەرگە، وتانعا دەگەن سۇيىسپەنشىلىكتەرىن وياتۋ. ادامگەرشىلىككە، بىلىمدىلىككە، ەڭبەكقورلىققا، ادامدىققا، ادالدىققا باۋلۋ. وتباسى مۇشەلەرىنىڭ اراسىنداعى باۋىرمالدىق، قايىرىمدىلىق، دوستىق قارىم – قاتىناستى نىعايتۋ؛ ۇلكەندى سىيلاۋعا، كىشىگە قامقورلىق جاساۋعا، سىپايى، ءىلتيپاتتى بولۋعا، ءوز ەلىنىڭ، حالقىنىڭ قامىن ويلايتىن، اتا – اناسىن، جورا – جولداسىن سىيلاي بىلەتىن ازامات تاربيەلەۋمەن قاتار ۇلتتىق تاربيەنى ناسيحاتتاۋ؛ دامىتا وقىتۋعا نەگىزدەلگەن جۇمىستار مەن تاپسىرمالاردى اتا – انالارمەن بىرلەسە وتىرىپ شەشۋ.

مىندەتى:
1. وقۋشىلار بويىندا ازاماتتىق، ۇلتجاندى، سالاۋاتتى ءومىر سالتىن قالىپتاستىرۋ..
2. جەكە تۇلعانىڭ جان – جاقتى دامۋىنا ىقپال ەتۋ.
3. ۇلتتىق رۋحاني قۇندىلىقتاردى وسكەلەڭ ۇرپاق بويىنا سىڭىرە وتىرىپ، وزىندىك كوزقاراسى قالىپتاسقان، وتان ىسىنە قالتقىسىز بەرىلگەن، وتان سۇيگىش، شىعارماشىل، ءوزىن – ءوزى باسقارا الاتىن تاۋەلسىز ەلدىڭ جەكە تۇلعاسىن قالىپتاستىرۋ.
ساباقتىڭ ءتۇرى: ءوزىن – ءوزى تاربيەلەۋ ساباعى
كورنەكىلىگى: ناقىل سوزدەر: «وتاندى ءسۇيۋ وتباسىنان باستالادى»، «ەل ءىشى – التىن بەسىك»، «ءوز ەلىم – ولەڭ توسەگىم»، «وتان – ەلدىڭ اناسى»، سۋرەتتەر، تۋ، ەلتاڭبا، «تاۋەلسىزدىك تىرەگى – قايسار رۋحى قازاقتىڭ!»، «تاۋەلسىزدىك اسسوسياسياسى»، سيۋجەتتى سۋرەتتەر، قاناتتى سوزدەر، قازاقستان كارتاسى، سىزبانۇسقا.
وتكىزۋ ءادىسى: اڭگىمەلەسۋ، پىكىرتالاس، ولەڭ وقۋ

ساباقتىڭ بارىسى:
ۇيىمداستىرۋشىلىق كەزەڭ.
كىرىسپە ءبولىم
1 - جۇرگىزۋشى:
- كايىرلى كۇن قۇرمەتتى ۇستازدار، اتا – انالار، شاكىرتتەر! ءبىز بۇگىن كەرەمەت ءبىر عاجايىپ الەمگە ەڭگەلى وتىرمىز.
- قالاي ويلايسىزدار، ول – قانداي الەم؟ مىنا تاقتادا جايدارلى جارقىن كەڭ قازاق دالاسىندا اق وتاۋدى كورىپ وتىرسىزدار. ءار وتاۋدىڭ ءوز شاڭىراعى بولادى. ول وتاۋلار بىرىگىپ، ۇلكەن شاڭىراقتى تۇزەدى.
2 - جۇرگىزۋشى: - شاڭىراق دەگەنىمىز نە؟
-«ۇلكەن شاڭىراق» دەپ نەنى ايتامىز؟
1 - جۇرگىزۋشى: ول – اتامەكەن، وتان.
2 - جۇرگىزۋشى: وتان دەگەنىمىز نە؟
1 - جۇرگىزۋشى: وتباسى – وسى وتاننىڭ كىشكەنتاي بولشەگى.
2 - جۇرگىزۋشى: بۇل شاڭىراقتا كىمدەر تۇرادى؟
1 - جۇرگىزۋشى:
- ءبىر ۇيدە، ءبىر «ۇلكەن شاڭىراقتا» 140 تۋىس بىرگە تۇرىپتى، ءبارى وزدەرىنە جۇكتەلگەن مىندەتتى، تاپسىرعان جۇمىستى اتقارىپ، تاتۋ – ءتاتتى تۇرىپتى.
مۇنى كورگەن كورشىسى كەلىپ:
- ءبىز ءبىر ۇيدە 2 - 3 ادام تاتۋ تۇرا المايمىز، ال 140 ادام قالاي تاتۋ تۇراسىڭدار؟،- دەپتى.
- بالالار، وسىنىڭ سەبەبىن سەندەر نە دەپ ويلايسىڭدار؟
وقۋشىلار پىكىرى.
- ءوزارا تۇسىنىستىك، سىيلاستىق، ەڭبەكسۇيگىشتىك، مەيىرىمدىلىك، قايىرىمدىلىق، بىلىمدىلىك
2 - جۇرگىزۋشى:
- ەندەشە ءبىزدىڭ بويىمىزدا قانداي دا ءبىر جاقسى قاسيەت بولسا عانا، مىنا قاسيەتتى «ۇلكەن شاڭىراق» - تاۋەلسىز قازاقستانىمىزدىڭ ءبىر مۇشەسى بولا الامىز.
1 - جۇرگىزۋشى:
- قازاقستان تاۋەلسىزدىگىن قاشان الدى؟
- 1991 جىلى 16 جەلتوقساندا.
2 - جۇرگىزۋشى:
- تاۋەلسىز ەلىمىزدىڭ قانداي رامىزدەرى بار؟
تۋ، ەلتاڭبا، ءانۇرانى.
1 - جۇرگىزۋشى:
- قازاقستاننىڭ تۋى قاي كەزدە كوتەرىلۋشى ەدى؟
- جەڭىسكە جەتكەندە، مەرەكەدە، ەكى ەل اراسىنداعى كەزدەسۋدە.
- ەندەشە، ءوزىمىزدىڭ بويىمىزداعى جامان ادەتتەن ارىلىپ.
تۋىمىزدى جوعارى كوتەرىپ تۇرىپ، «ۇلكەن شاڭىراققا» اياق باسايىق. (ءار وقۋشى ءوزىنىڭ جامان مىنەزدەرىن، ادەتىن قاعازعا جازىپ، جاعىپ جىبەرەدى).
پاتريوتتىق سەزىممەن،
ءانۇران – «مەنىڭ قازاقستانىم»
وي – تولعاۋ:
ەكى دوس كەزدەسىپ، اڭگىمە دۇكەن قۇرادى:
ءبىرىنشىسى:
-«ۇيىقتاپ، ءجۇز جىلدان سوڭ ويانىپ، ەلىمنىڭ قانداي بولعانىن كورسەم عوي»- دەدى.
ال، ەكىنشىسى:
-«مەنىڭ ۇيىقتاعىم كەلمەيدى، ەلىمنىڭ بولاشاعىن ءوز قولىممەن تۇرعىزعىم كەلەدى»،- دەدى.
1 - جۇرگىزۋشى:
- سەندەر وسى ەكەۋىنىڭ قايسىسىنىڭ جاۋابىن قولدار ەدىڭدەر؟
وقۋشىلاردىڭ پىكىرى:
2 - جۇرگىزۋشى:
«ۇلكەن شاڭىراقتىڭ» ەڭ باستى قۇندىلىعى – تاۋەلسىزدىك. تاۋەلسىزدىككە قان توگىسسىز، بەيبىت تۇردە قول جەتكىزىپ، ەلىمىز الەمنىڭ وركەنيەتتى مەملەكەتتەرىنىڭ قاتارىنا قوسىلدى. 20 جىل ىشىندە تاۋەلسىز قازاق ەلى قالىپتاسىپ، نارىقتىڭ قيىن وتكەلدەرىنەن امان ءوتتى. تاۋەلسىزدىكتىڭ 20 جىلى تاريحتا ءوز ەرەكشەلىكتەرىمەن ەستە قالدى. ءبىزدىڭ وسى «ۇلكەن شاڭىراعىمىزدا» بولعان اتاۋلى جەتىستىكتەر مەن شەجىرەسىن ماقتانىشپەن اتاپ وتەيىك: