ۇلتتىق ءبىرىڭعاي تەستىلەۋگە وتىنىشتەر قابىلدانۋدا
ۇلتتىق ءبىرىڭعاي تەستىلەۋگە (ۇبت) قاتىسۋ ءۇشىن وتىنىشتەر قابىلداۋ ونلاين جۇرگىزىلۋدە.
«2020 جىلعى 15 ساۋىردەن 10 مامىردى قوسا العاندا ۇبت-عا (ماۋسىم) وتىنىشتەر قابىلدانادى.
ەلدە تج رەجيمى ەنگىزىلۋىنە بايلانىستى، قوعامدىق ورىندارعا بارۋدى بولدىرماۋ ماقساتىندا، ۇبت-عا قاتىسۋ وتىنىشتەرىن قابىلداۋ ونلاين تۇردە وتەدى. سونىمەن قاتار، 8000-نان اساتىن مەكتەپتىڭ ءارقايسىسىنا ۇلتتىق تەستىلەۋ ورتالىعىنىڭ (ۇتو) قىزمەتكەرى قاتىسىپ وتىرعان Whats App چاتى اشىلدى. ەگەر، قانداي دا ءبىر جاعدايعا بايلانىستى تۇلەك اتالمىش چاتتىڭ قۇرامىندا بولماي قالسا، ءتيىستى اۋداننىڭ قىزمەتكەرىنىڭ ۇيالى تەلەفونىن ۇتو-نىڭ باستى بەتىندە testcenter.kz نەمەسە http://testcenter.kz/ru/contacts/kontakty-filialov/ سىلتەمەسى ارقىلى بىلە الادى» دەلىنگەن حابارلامادا.
ماۋسىمداعى ۇبت-عا وتىنىشتەردى online قابىلداۋ ەكى سانات بويىنشا اتاپ ايتساق، 2020 جىلدىڭ تۇلەكتەرى جانە وتكەن جىلدارداعى مەكتەپ تۇلەكتەرىنە، كوللەدج تۇلەكتەرىنە جانە ق ر ازاماتتارى بولىپ تابىلمايتىن ۇلتى قازاق، ءبىلىم بەرۋ ۇيىمىن شەتەلدە اياقتاعان تۇلعالارىنا جۇرگىزىلۋدە.
ايتە كەتسەك، تەستىلەۋ مەرزىمى ازىرگە وزگەرىسسىز قالىپ وتىر. سىناق 22 ماۋسىمدا باستالادى. جانە ۇبت-دا تۇلەكتەر اراسىندا 2 مەتر قاشىقتىق ساقتالادى.
You Might Also Like
-
اياعى-اياعىنا تيمەي زۋىلداپ كەلە جاتقان كىشكەنتاي ۇلجان اشۋلى. جايشىلىقتا جايدارى، كوڭىلدى جۇرەتىن ونىڭ مۇنىسى قالاي؟ ىزادان بۋلىققان قىزدى، اگاراكي بىرەۋ-مىرەۋ توقتاتىپ، «نە بولدى بالاقاي؟&raq...
