ۇستەل تەننيسى - ناسيxاتتاۋعا تۇرارلىق بۇقارالىق سپورت
ۇستەل تەننيسى (پينگ-پونگ) – بەلگىلى عيمارات ىشىندە، ارنايى ويىن ۇستەلىندە ارنايى راكەتكامەن وينالاتىن، شاپشاڭدىققا باعىتتالعان سپورت ءتۇرى.
ۇستەل تەننيسى ءارقاشان جىلدامدىققا باعىتتالعان قاتال سايىس ەكەنى راس. العاشىندا XIX عاسىردا ونى تۇستەن كەيىنگى ويىن رەتىندە ەرمەك قىلعان.
ويىنشىلار اس ۇستەلىنىڭ ۇستىنە توردىڭ ورنىنا كىتاپتاردى قويىپ، شىلىمنىڭ قورابىمەن شامپاننىڭ تىعىنىن سوعىپ ويناعان.
ءوز باسىم ۇستەل تەننيسىن ادامزاتتىڭ ويلاپ تاپقان ۇلكەن جەتىستىگى دەپ ەسەپتەيمىن.جانە دە قازىرگى تاڭدا جاسقا دا ، كارى گە پايداسى بولماسا زيانى جوق تاپتىرماس سپورتتىڭ ءبىر ءتۇرى دەر ەدىم.
سىزدەرمەن ءدال وسى سپورت ءتۇرىنىڭ پايداسى جايلى قىسقاشا بولىسە كەتسەم:
ۇستەل تەننيسىن ويناۋ قول-كوز كوورديناسياسىن جاقسارتادى، اقىل-ويدى سەرگىتەدى، كونسەنتراسيا مەن تاكتيكالىق ستراتەگيانى دامىتادى. بۇل دەگەنىمىز كۇنى بويى كومپيۋتەر الدىندا وتىراتىن كەڭسە قىزمەتكەرلەرى ءۇشىن تاپتىرماس سپورت دەگەن ءسوز. ماسەلەن، كومپيۋتەر الدىندا كوپ وتىراتىن ادامدار كوزگە ارنالعان گيمناستيكا جاساۋدى ادەتكە اينالدىرعانى ابزال. ال ۇستەل تەننيسىن ويناعاندا شاپشاڭ قوزعالعان دوپتى كورۋ ءۇشىن كوز قاراشىقتارى ەرىكسىز قوزعالاتىنى ايتپاسا دا تۇسىنىكتى. ال مۇنىمىز، ءوز كەزەگىندە، كوزدەرىمىز ءۇشىن كەرەمەت گيمناستيكا.
رەفلەكستەردى دامىتادى، ياعني دەنە قوزعالىسى شاپشاڭدىعىن ارتتىرادى. سەبەبى ويىننىڭ سيپاتى شاپشاڭ ىرعاقتى، قىسقا قاشىقتىقتى بولعاندىقتان ءىرى ءارى ۇساق بۇلشىق ەتتەردىڭ قوزعالىسى جاقسارادى.
بۇل كەرەمەت سپورت ءتۇرىنىڭ جوعارىدا تىزبەكتەلگەن پايدالى جاقتارىمەن قوسا بۇل سپورت تۇرىمەن ءار ادام ءوزىنىڭ عۇمىرىڭنىڭ اياعىنا دەيىن شۇعىلدانا الادى، قىستا دا، جازدا دا، عيمارات ىشىندە كەز كەلگەن اۋا رايى جاعدايلارىندا ويناعا بولادى، جاراقات ىقتيمالدىلىعى جوققا تاقاۋ سپورت ەكەندىگىن ايتساق، ۇستەل تەننيسىنىڭ ماڭىزى ودان سايىن ارتا تۇسەتىنى ءسوزسىز.
ءبىزدىڭ ويىمىزشا، وسىنداي پايداسى مول سپورت ءتۇرىن نەگە بۇقارالىق سپورتقا اينالدىرماسقا؟ سولاي جاساۋدىڭ جولدارىن نەگە قاراستىرماسقا؟
شىندىعىنا كەلسەك، ۇستەل تەننيسى كەڭىنەن ناسيxاتتاۋعا لايىق سپورت ءتۇرى.
ول ءۇشىن ۇستەل تەننيسىن ويناۋعا قىزىعاتىندار سانىن ارتتىرىپ، تەننيس ۇستەلدەرىن كوپتەپ ورنالاستىرۋ كەرەك. ول اسا قيىنعا سوقپاس. سەبەبى، ۇستەل تەننيسىنىڭ ەرەجەلەرى اسا كۇردەلى ەمەس، ۇيرەنۋگە وڭاي، ينتەرنەتتە ۇيرەنەم دەۋشىلەرگە ارنالعان بەينە ماتەريالدار كوپتەپ كەزدەسەدى.
سالاۋاتتى ءومىر سالتىن باسىمدىقتارىنىڭ ءبىرى ەتىپ بەلگىلەگەن ەلىمىزدى ورگە سۇيرەيتىن ۇستەل تەننيسى شەبەرلەرى شىقپاسا دا، سونداي شەبەرلەردىڭ اتا-انالارى شىعىپ قالار دەگەن ۇمىتتەمىز.
ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ 2-كۋرس ستۋدەنتى انار بولاتxان
You Might Also Like
-
قاي حالىقتى الساق تا، ونىڭ وزىنە ءتان تۇرمىس-تىرشىلىگى، كۇنكورىسى، ادەت-عۇرپى، ءسالت-داستۇرى بولادى. ءسالت-داستۇر سول حالىقپەن بىرگە جاساسىپ، ونىڭ تاريحىندا وشپەس ءىز قالدىرادى. ءبىراق ۇمىت بولىپ بارا ج...
-
باكەن قاريامەن انا ءبىر جىلداردا تانىسقان ەدىم. ەنتىگە باسىپ، كۋپەگە ەنگەن قارتتىڭ كەۋدەسىندەگى وردەن، مەدالدارى سىڭعىر-سىڭعىر ەتىپ، وزىنە نازار اۋدارتتى.
