ۇتقىر ءسوز ۇمىتىلمايدى
تۇرىكمەن ەلىنىڭ بىزگە كورشىلەس بالقان وبلىسىنىڭ ورتالىعى نەبيتتاۋداعى كورنەكتى الاڭدا كەڭەستىك كەزەڭدە لەنيننىڭ ەڭسەلى ەسكەرتكىشى تۇردى. تۇرىكمەنستان تاۋەلسىزدىك العاننان كەيىن الگى ەسكەرتكىشتىڭ ورنىنا بۇرىنعىدان دا ۇلكەن عىپ سول ەلدىڭ باسشىسى ساپارمۇرات نيازوۆتىڭ جارقىراعان قولا ءمۇسىنى قويىلدى...
توقسانىنشى جىلداردىڭ باسى بولاتىن، ءبىر توپ قالامگەر الگى ەسكەرتكىشتىڭ جانىنا بارىپ قاراپ تۇرعانبىز. ءبىر كەزدە تۇرىكمەننىڭ بەلگىلى ساتيريگى، سىقاقشى پىحى تاعان: "وسىنىڭ باسىپ المالى-سالمالى، ياعني بۇراندالى عىپ جاساۋ كەرەك ەدى"، — دەپ قويىپ قالدى. ءبارىمىز جالت قارادىق. "وزدەرىڭىز ويلاڭىزشى،" — دەيدى ول كۇلىپ، — وسى ەسكەرتكىشكە قىرۋار قارجى، قانشاما مىس كەتتى. كەيىننەن مۇنى تاعى وزگەرتىپ جاتپاسىمىزعا كىم كەپىل؟ ال، ەگەر مەن ايتقانداي بولسا، كوپ شىعىپ شىعارماي-اق باسىپ اۋىستىرا سالادى..."
وتكەن جىلى تۇرىكمەن ەلى باسشىنىڭ باقيلىق بولعانى بارشاعا بەلگىلى. جۋىردا مەنىڭ نەبيتتاۋ قالاسىندا بولۋىما تۋرا كەلدى. بۇگىندە تۇرىكمەن باسشىنىڭ بۇل ەلدە شىعاتىن ءاربىر گازەت-جۋرنالدىڭ ءبىرىنشى بەتىنىڭ قاق ماڭدايىندا كۇلىپ تۇراتىن سۋرەتى كورىنبەيدى... تەلەارنالاردىڭ شەكەسىندە تۇراتىن بەينەسى دە الىنىپ تاستالعان... ەندى عانا ەركىن تىنىستاي باستاعان جۇرت ەندىگى كەزەك اقشادا، سودان كەيىن ءاربىر اۋىل-ايماقتا، كەنت پەن قالادا تۇرعان ەسكەرتكىشتەردە دەگەندى ايتادى... كىم ءبىلسىن...بىلەتىنىمىز وت اۋىزدى، وراق ءتىلدى پىحى تاعاننىڭ ايتقانى ەل اۋىزىندا قالىپتى، ۇمىتىلار ەمەس...
You Might Also Like
-
بازار ۇكييەۆ تەرىسى سۇيەگىنە جابىسقان، ارىق، قاسقاباس كىسى. كەڭەس ۇكىمەتى داۋىرىندە اۋداندىق اتقارۋ كوميتەتىنىڭ جالپى بولىمىندە ىستەيدى. بىردە قىزمەتكە كەلە جاتسام، اۋاتكومنىڭ جانىنداعى ب ا ق ىشىندە ت...
-
مۇنان بەس-التى جىل بۇرىن جاڭاوزەننىڭ بىرنەشە ونەرلى جىگىتتەرى ىزدەپ كەلدى. سىڭايلارىن بايقاعاسىن اراق-شاراپ دۇكەنىنە ەرتىپ اپاردىم. "شايتان سۋلار" بىرىنەن-بىرى وتە تۇر-تۇرىمەن قىلقيىپ تۇر...
