بازاردىڭ "ءادىسى"
بازار ۇكييەۆ تەرىسى سۇيەگىنە جابىسقان، ارىق، قاسقاباس كىسى. كەڭەس ۇكىمەتى داۋىرىندە اۋداندىق اتقارۋ كوميتەتىنىڭ جالپى بولىمىندە ىستەيدى. بىردە قىزمەتكە كەلە جاتسام، اۋاتكومنىڭ جانىنداعى ب ا ق ىشىندە تەرەككە سۇيەنىپ تۇر ەكەن. سالەمدەسكەننەن كەيىن:
— بازەكە، قالاي؟، — دەدىم.
— وي، نەسىن ايتاسىڭ ىنىشەك، قاتتى شارشاپ تۇرمىن، — دەدى.
— تىنىشتىق پا ءوزى، نە ىستەپ شارشاپ ءجۇرسىز؟
— ءوز ارامىزدا قالسىن، مەن مىنا اۋداندىق اتقارۋ كوميتەتىنە جۇرتتىڭ جەڭىل ماشينا سۇراپ جازعان ارىزىن تىركەپ تە وتىرامىن. بارلىق ءىس پاپكىلەرىن جاڭالاپ، بىلعارى قاپتى جاڭا جۋرنال اشىپ، وعان ءوتىنىش بەرۋشىلەردى ادەمىلەپ تىركەپ قويعانىم سول ەدى، باستىق شاقىرىپ الىپ، ءوتىنىش بەرۋشىلەردىڭ ءاتى-جونى جازىلعان جۋرنالداعى ءتىزىمنىڭ الدىڭعى جاعىنا ءبىر ادامدى قوس دەيدى. جۋرنالدى كورسەتىپ، قالاي قوسامىن، ءتىزىمنىڭ سوڭى جاعىنا تىركەيىن دەسەم، وزىمە ۇرسىپ، ولاي بولسا جاڭا جۋرنال اشىپ، ءتىزىمدى قايتا كوشىرىپ، الگى كىسىنى ەڭ الدىنا تىركەپ، جاز دەگەن... جونە بۇل ۇنەمى قايتالانىپ تۇرادى، ونىمەن قويماي بول-بولعا سالىپ اسىقتىراتىنىن قايتەرسىڭ، بۇگىن تۇسكى اسقا دا بارعان جوقپىن،-دەدى كۇرسىنىپ.
— سوندا قالاي، ءسىز تەك جۋرنالداعى ءتىزىمدى قايتا كوشىرۋمەن وتىراسىز با؟
— وتىرماعاندا... باستىقتىڭ نۇسقاۋى سولاي... جۋرنالدى جىلىنا بەس-التى مارتە جاڭالايمىن...
— ونىڭىز قيىن ەكەن، — دەدىم دە جونىمە كەتتىم.
ارادا ايعا جۋىق ۋاقىت وتكەندە بازارمەن الگى جەردە تاعى كەزدەسىپ قالدىم. بۇل جولى انەۋگىدەي ەمەس، كوڭىلدى.
— وۋ، باكە، كوڭىلدىسىز عوي؟
— ءيا، وتكەندە وزىڭە ايتىپ ەم عوي، جۋرنال جايىندا...
— ءيا، ەسىمدە.
— سول جۋرنالى تۇسكىردى قايتا كوشىرمەۋدىڭ ءادىسىن تاپتىم...
— قالايشا؟
— ەندى جۋرنالداعى ءتىزىمنىڭ اراسىن اڭقيتىپ، اشىق-اشىق عىپ جازاتىن بولدىم. باستىقتىڭ قوس دەگەن ادامىن قوسىپ، تىركە دەگەن جەرىنە تىركەپ جازا سالامىن، بۇرىنعىداي قينالىپ جاتپايمىن. باستىق تا ريزا، ماعان دا جەڭىل...
ول وسىنى ايتىپ، ماز-مەيرام بوپ، اقتارىلا كۇلدى-اي كەپ. ونىڭ ويلاپ تاپقان "ادىسىنە" مەن دە كۇلدىم. "اڭقاۋ ەلگە ارامزا مولدا" دەگەن وسى-اۋ...
You Might Also Like
-
ىرىسقالي قارتتى بالا كەزىمنەن بىلەمىن. قاباعى شىعىڭقىلاۋ، اشاڭ ءجۇزدى، شوقشا ساقالدى، ءبىر اياعىن سىلتي باساتىن، قايراتتى كىسى الىگە دەيىن كوز الدىمدا. اشۋلانعاندا كوزىنىڭ الاسى كوبەيىپ، سۇستانا قالات...
-
تۇرىكمەن ەلىنىڭ بىزگە كورشىلەس بالقان وبلىسىنىڭ ورتالىعى نەبيتتاۋداعى كورنەكتى الاڭدا كەڭەستىك كەزەڭدە لەنيننىڭ ەڭسەلى ەسكەرتكىشى تۇردى. تۇرىكمەنستان تاۋەلسىزدىك العاننان كەيىن الگى ەسكەرتكىشتىڭ ور...
