بەردىبايدىڭ العىسى
اقتاۋدا حالقىمىزدىڭ اتاقتى اقىن-جىراۋى قاشاعان كۇرجىمان ۇلىنىڭ 150 جىلدىق تويى ءوتىپ جاتقان-دى. جاڭاوزەننەن كەپ، قوناقجاي ىزدەپ سابىلماي-اق بۇرىننان تانيتىن ءارى باجالىعى بار بەردىباي دەگەن ازاماتتىڭ ۇيىنە قوناعا بارعانبىز. ول وبلىس ورتالىعىنىڭ ءۇشىنشى شاعىن اۋدانىندا، ەنەرگەتيكالىق كوللەدجگە قاراما قارسى بەتتەگى ەكى قاباتتى ەسكى ۇيدە تۇرادى ەكەن. بەردەكەڭنىڭ قۋىقتاي ءۇش بولمەسى ادامعا لىق تولدى. ءتۇن ورتاسى، جاقىن جەردە باراتىن ءۇي جوق. جاتا كەتتىك. ءبىرازدان كەيىن ويانىپ كەتسەم، قارا تەرگە ءتۇسىپ جاتىر ەكەنمىن. ءۇيدىڭ اۋاسى تىنىس تارىلتاتىنداي، وتە قاپىرىق. شىداي الماي سىرتقا شىقتىم. ەسىكتى اشا بەرگەنىم سول-اق ەدى، بىردەڭە سالدىر-گۇلدىر ەتىپ، بىرەۋلەر دۇركىرەپ قاشقانداي بولدى. "جىگىتتىك-يتتىك" دەگەن، قىز-قىرقىن اندىپ جۇرگەن جىگىتشىل بالالار شىعار دەپ وعان اسا ءمان بەرمەدىم. سىرتتاعى شۋدى ەستىدى-اۋ دەيمىن ءۇي يەسى دە شىقتى. كەۋدە كەرە تىنىستاپ، ءبىراز سەرگىگەننەن كەيىن، ورنىما بارىپ جاتا تۇرايىن دەگەن ويمەن ۇيگە كىردىم.
تاڭەرتەڭ كوپشىلىكتىڭ كوزىنشە بەردەكەڭ قولىمدى الىپ، العىسىن جاۋدىردى. تۇككە تۇسىنبەي مەن تۇرمىن.
— تۇندە سەن سىرتقا شىقپاعانىڭدا سۋ جاڭا "جيگۋليىمدى" ۇرىلار ۇپتەپ كەتەدى ەكەن. ءتاڭىر اتقىرلار ماشينانىڭ ەسىگىن اشىپ، ەندى كىرىسە بەرگەندە، سەن شىعا كەلىپسىڭ، ۇرىلار ءبارىن تاستاپ، جان-جاققا قاشا جونەلگەن. سەنەن كەيىن مەن شىققاندا، ماشينا اقتارىلىپ جاتىر، ءبىراق ەشتەڭەنى الىپ ۇلگەرمەپتى. بۇگىننەن باستاپ اۆتو تۇراققا قويامىن. سەن مەنىڭ ۇيىمە ۇنەمى قونىپ، وسىلايشا قۇتقارا بەرمەسسىڭ، — دەيدى بەردەكەڭ كۇلىپ.
العىس تا اياق استىنان ەكەن-اۋ...
You Might Also Like
-
بىزبەن ءبىر عيماراتتا ورنالاسقان ءبىر باسقارمانىڭ بەلگىلى قىزمەتكەرى شىمبەرگەندى كوپتەن تانيتىنمىن. ويتكەنى، ول كوپشىلىككە اۋداندىق گازەتتىڭ شتاتتان تىس ءتىلشىسى رەتىندە تانىلعان-دى. ونى تىلشىلىككە تا...
-
سارىاعاش شيپاجايىندا دەمالىپ، اۋىلعا قايتاتىن كەزدە ءبىر مەدبيكە: "اعا، قايتىس قاشان؟" — دەپ سۇرادى. "ولاي دەپ ايتپا، اعا اۋىلىڭىزعا قاشان قايتاسىز، دەسەڭىز، تۇسىنىكتىرەك بولادى...
