ۇيدەگى كوسمەتيكا
ءتۇرلى ازىق-تۇلىكتىڭ ادام اعزاسىنا پايداسى:
ءسابىز: تەرى قاتتىلىعىن قالىپتى جاعدايعا تۇسىرەدى، سەرگەك كورىنىس جانە ءتۇس بەرەدى.
قيار: تەرىنى ىلعالداندىرۋشى جانە مايلىلىعىن الۋشى قاسيەتتەرگە يە.
ليمون: ميكروپتان تازالايدى، تەرىنى جيىرادى، كۇشەيتەدى جانە مايلىلىعىن الادى.
ايران: تەرىنىڭ ەرتە اجىمدەلۋىنىڭ الدىن الادى، جۇمساقتىق جانە يىلىمدىلىك بەرەدى.
ءسۇت: ىلعالداندىرادى، يىلىمدىلىك بەرەدى، تەرىنى كۇشەيتەدى، تۇزۋلەيدى.
جوكە (ليپا): تەرى تىندەرىن كۇشەيتەدى جانە جاڭا كلەتكالاردىڭ قالىپتاسۋىنا كومەكتەسەدى.
قالاقاي: قان اينالىمىن جىلدامداتادى. مايلى شاشتارعا جانە قايىزعاققا قارسى قولدانىلادى.
جەبىرشوپ (تيميان): دەزينفەكسيادا وتە كۇشتى. قابىنۋعا بەيىم تەرىلەر ءۇشىن بەرىلەدى.
سەرمەنە (مەليسسا): نەرۆ جۇيەسىن تىنىشتاندىرادى، اسقازان گازدارىن دا كەتىرەدى.
تۇيمەداعى: قابىنۋدىڭ الدىن الۋشى، نازىك جانە سەزىمتال تەرىلەر ءۇشىن وتە ماڭىزدى.
بيداي كەبەگى: تەرىنى قۇرعاپ كەتۋدەن قورعايدى.
كوك شاي: تەرىنى ازىقتاندىرادى جانە قارتايۋدان قورعايدى.
بال: تەرىنى كۇشەيتەدى جانە جۇمسارتادى. اجىمدەرىن جازادى جانە قان اينالىمىن رەتتەيدى.
سۇزبە: قابىنعان تەرىلەرگە قارسى قولدانىلادى، ءبىراز سۇتپەن ارالاستىرىپ كرەم سياقتى قويۋلىققا كەلتىرۋ كەرەك. مايلى تەرىنىڭ كۇتىمىندە دە قولدانىلادى.
الما ۋكسۋسى: وتە تانىمال ءدارى. تەرىنى جانداندىرادى جانە تەرىنىڭ بەتكى قاباتىن كۇشەيتەدى. قۇرعاق جانە جارىلعىش تەرىنىڭ جانە مايلى، بەزەۋلى تەرىنىڭ دە كۇتىمىندە وتە جاقسى. شاشقا جۇمساقتىق جانە جالتىراقتىق بەرەدى.
جۇمىرتقا سارىسى: ماسكا جانە كومپرەسستە ەڭ ماڭىزدى زات. تەرىنى ازىقتاندىرادى جانە تۇزەيدى.
ءزىمبىر (يمبير): تەرىنىڭ مايلىلىعىن، قابىنۋىن كەتىرەدى، جارىلۋىن جانە جارالاردىڭ جازىلۋىن جىلدامداتادى.
بادام مايى (ميندال): قۇرعاق جانە جارىلعىش تەرىلەر ءۇشىن وتە پايدالى. اجىمدەردى كەتىرەدى.
مايسانا مايى: شاشتاردى كۇشەيتۋدە وتە ۇتىمدى قولدانىلادى.
سويا مايى: تەرىنى قورەكتەندىرەدى.
كۇنجىت مايى: تەرىنى ازىقتاۋشى جانە كۇن ساۋلەسىنەن قورعاۋشى قاسيەتتەرى بار.
ءزايتۇن مايى: سۇزىلگەن ءزايتۇن مايى ادام تەرىسىنە جاقسى سىڭەدى، تەرىنى قالىپتى جاعدايدا ۇستايدى جانە جاڭالايدى.
You Might Also Like
-
بۇرىنعى وتكەن زاماندا ءبىر مولدا بولىپتى. دۇنيەدە ونان اسقان مولدا جوق ەكەن. ءبىر كۇنى قاتىنىنا ايتىپتى: «مەن ولەمىن. مەن ولگەننەن كەيىن ءبىر بال...
-
شابدالىنىڭ وتانى ناقتى بەلگىسىز. ۇزاق جىلدار بويى، شابدالىنىڭ وتانى – يران سانالعان. ءبىراق جابايى ءتۇرى قىتايدا تابىلعاننان كەيىن زەرتتەۋشىلەر شابدالىنىڭ وتانى – جۇڭگو دەگەن تۇجىرىمعا كە...
