مينيستر وقۋ جىلىن ۇزارتۋدىڭ پايداسىن ءوزىن مىسالعا كەلتىرە وتىرىپ ءتۇسىندىردى
قازاقستاننىڭ ءبىلىم جانە عىلىم ءمينيسترى ەرلان ساعادييەۆ Tengrinews.kz تىلشىسىنە بەرگەن سۇحباتىندا بەس كۇندىك وقۋ اپتاسى مەن وقۋ جىلىنىڭ 10 كۇنگە ۇزارۋىنىڭ پايداسىن ءوز ۇلگىسىندە ءتۇسىندىرىپ بەردى.
"جاز - مەكتەپ وقۋشىلارى ءۇشىن ەڭ جاقسى كورەتىن مەزگىل. سەنبى دە وتە ماڭىزدى كۇن. ول بولماعان ەدى. ول بالالارعا دا، اتا-اناعا دا قاجەت. بارلىق وركەنيەتتى الەم جانۇياداعى قارىم-قاتىناستىڭ ورناۋىن جانە ونىڭ ماڭىزدى ەكەنىن تۇسىنەدى. ءبىر كۇننىڭ جەتكىلىكسىز ەكەنى راس. ءبىز جالپى ايتقاندا جانۇياداعى تاربيە مەن بالانىڭ قوسىمشا دامۋىنا ۋاقىت بەرىپ وتىرمىز. سپورتپەن، مۋزىكامەن، ونەرمەن اينالىسۋعا مۇمكىندىك اشىلادى - بۇل وتە ماڭىزدى"، - دەدى مينيستر.
ونىڭ ايتۋىنشا، ءبىرىنشى سىنىپ وقۋشىسى سەنبىلەر ارقىلى 34 قوسىمشا دەمالىس الادى.
"ەندى جازعا كەلسەك. باستاۋىش سىنىپتار 31 مامىرعا دەيىن وقىپ، تولىق ءۇش اي دەمالادى. نەگىزگى جانە جوعارعى سىنىپتاردىڭ وقۋ جىلى ون كۇنگە عانا ۇزارادى. ەشبىر سىنىپ 10 ماۋسىمنان كەش اياقتامايدى. ءبىراق ۇمىتپاڭىزدار - سەنبىلەردىڭ ارقاسىندا ولار 24 قوسىمشا دەمالىس الادى"، - دەپ ەسكە سالدى ساعادييەۆ.
"وقۋ باعدارلاماسىنىڭ جۇزدەگەن ادىسكەردىڭ، ءمۇعالىمنىڭ جانە عالىمنىڭ جۇمىسىنىڭ ناتيجەسى ەكەنىن ءتۇسىنۋ كەرەك. بالا بەلگىلى ءبىر تاقىرىپتار مەن دەڭگەيلەردى مەڭگەرۋى كەرەك. ماسەلەن، فيزيكاداعى وپتيكانى الايىق. باعدارلامانى قىسقارتقىسى كەلەتىندەر بىلاي دەيدى: "وپتيكا ءبولىمىن الىپ تاستاڭىزدار، وتە ىستىق". مۇنى قالاي تۇسىنەسىزدەر؟ بالا جارىقتىڭ تابيعاتىن تۇسىنبەيدى، سپەكترلەردىڭ بولىنۋىنەن حابارى بولمايدى. ءاربىر كەلەسى دەڭگەي الدىڭعىسىنىڭ بازاسىندا قۇرىلعان. سەگىزىنشى سىنىپقا بارساڭ - جەتىنشى سىنىپتىڭ ءبىلىمى بولۋى كەرەك، سولاي سياقتى ارمەن قاراي. بارلىعىنىڭ نەگىزى بار ءارى ءوزارا بايلانىسقان"، - دەدى مينيستر.
"مەن ماسەلەن، الماتىداعى فيزيكا-ماتەماتيكا مەكتەبىندە وقىدىم. "ول جاقتا "جاز" دەگەن تۇسىنىك بولعان جوق. جازعا سكاناۆيدىڭ ءىلىمى بويىنشا 300 تاپسىرما بەرىلەدى، ول بالالار مۇنىڭ بارلىعىن ۇمىتىپ قالماۋى ءۇشىن بەرىلەدى. 90 كۇنگە ەسەپتەسەك، بۇل كۇن سايىن 1،5 ساعات وتىرۋ دەگەندى بىلدىرەدى، كۇن سايىن. جازدا. ءبىراق مەن ەش وكىنبەيمىن. اتا-انالارعا بىلاي دەگىم كەلەدى: بالالاردى جاقسى كورۋ كەرەك، ءبىراق ولاردىڭ بولاشاعى ولاردىڭ بۇگىن قانشا جۇمىس ىستەگەنىنە بايلانىستى بولادى. (...) بۇل ماسەلە مۇعالىمدەرمەن جانە ديرەكتورلارمەن كەلىسىلدى. بۇل ولاردىڭ ارمانى. سەنبى ولار ءۇشىن وتە ماڭىزدى"، - دەيدى مينيستر.
kaz.tengrinews.kz
You Might Also Like
-
قاراعاندى قالاسى №10 جالپى ءبىلىم بەرەتىن ورتا مەكتەپتىڭ قازاق ءتىلى مەن ادەبيەتى ءپانى ءمۇعالىمى جاحينا باحىت حايروللايەۆنا
-
ينتەرنەتكە سىمسىز قوسىلۋ – زاماناۋي ءومىردىڭ اجىراماس بولىگى. ۇيدە، جۇمىستا، ساۋدا ورتالىقتارى مەن ءبىلىم وردالارىندا – بارلىق جەردە Wi-Fi بار. كەيبىر عالىمدار Wi-Fiء-دى ايتپاي كەلەتىن دەر...
