InfoHub Logo

ۇيىمداستىرىلعان اشىق وقۋ ءىس - ارەكەتىنىڭ تەحنولوگيالىق كارتاسى
ءبىلىم بەرۋ سالاسى: تانىم
تاراۋلارى: قاراپايىم ماتەماتيكالىق تۇسىنىكتەردى قالىپتاستىرۋ
تاقىرىبى:«حايۋاناتتار باعىنا ساياحات» (كەڭىستىكتى باعدارلاۋ)
ماقساتتارى:
1. بىلىمدىلىك: بالالاردىڭ ۇعىمدارىنا كەڭىستىكتى باعدارلاۋدى، وڭ مەن سول ۇعىمدارىن، الىس - جاقىن تۇسىنىكتەرىن قالىپتاستىرۋ.
2. دامىتۋشىلىق: ويلاۋ، كورىپ تانۋ، ەستە ساقتاۋ قابىلەتتەرىن دامىتۋ. قولدانىلعان كورنەكىلىكتەر ارقىلى بالالاردىڭ تاقىرىپقا دەگەن قىزىعۋشىلىقتارىن ارتتىرۋ.
3. تاربيەلىك: بىلىمدىلىككە، ۇقىپتىلىققا، بەلسەندىلىككە تاربيەلەۋ، سالىستىرا بىلۋگە، دالەلدەي بىلۋگە تاربيەلەۋ.
ءادىس - تاسىلدەرى: اڭگىمەلەۋ، ءتۇسىندىرۋ، كورسەتۋ، سەرگىتۋ ءساتى.
سوزدىك جۇمىس: حايۋاناتتار باعى - زووپارك
كورنەكىلىكتەر: تاقىرىپقا ساي سۋرەتتەر، ديداكتيكالىق ويىن

تاربيەشىنىڭ ءىس - ارەكەتى
– سالەمەتسىڭدەر مە، قىمباتتى بالالار! قانەكي بارلىعىمىز شاتتىق شەڭبەرىنە تۇرىپ، جىلى لەبىزدەرىمىزدى بىلدىرەيىك:
قايىرىمدى جاندار اينالا،
شەڭبەرگە كەلسىن جايلانا.
جالىقپاستان قايتا بiز،
ماحاببات ءسوزىن ايتامىز.
سۇيەمىز بارلىق الەمدى،
الەمدەگى بار ەلدى.
باقىتتىمىز وسى ءبىز
قاسىمىزدا دوسىمىز!
جىل مەزگىلى تۋرالى قايتالاۋ.
- بالالار ءقازىر قاي مەزگىل؟ (كۇز)
- ءبىر اپتادا نەشە كۇن بار؟ (7 جەتى)
- بۇگىن اپتانىڭ قاي كۇنى؟ (11 قاراشا)
- وتە جاقسى بالالار. بۇگىنگى ءبىزدىڭ وقۋ ءىس - ارەكەتىمىز ساياحات رەتىندە وتەدى، تاقىرىبى كەڭىستىكتى باعدارلاۋ. بۇل وقۋ ءىس - ارەكەتىمىزدە ءبىز تۇستەر، پىشىندەر، كولەمدەردى، وڭىمىزبەن، سولىمىزدى، ياعني كەڭىستىكتى باعدارلاۋدى ۇيرەنەمىز.
(تاقتاعا بالاباقشا، اۋرۋحانا، ورتالىق الاڭ، حايۋاناتتار باعىنىڭ سۋرەتتەرىن كارتاداعى كورسەتكىش رەتىندە ورنالاستىرۋ)
- بالالار، بارلىعىمىز تاقتاعا نازار سالايىق. نەنى كورىپ تۇرمىز؟
- دۇرىس، بۇل - كارتا. ءبىزدىڭ قالامىزدىڭ كورىنىسى. ولاي بولسا ساياحاتىمىزدى باستايىق.
مىنا سۋرەتتە بالاباقشامىزدىڭ ءپىشىنى قانداي ەكەن؟(ءۇشبۇرىش، ءتورتبۇرىش)
كورسەتكىش بويىنشا ارى قاراي جۇرسەك الدىمىزدان اۋرۋحانا كورىندى. بالالار اۋرۋحاناعا ادامدار نە ءۇشىن بارادى؟
- دۇرىس ايتاسىڭدار. قاراڭدارشى بالاباقشا اۋرۋحانانىڭ قاي جاعىندا ورنالاسقان؟ وڭ با، سول ما؟
- جاقسى، وڭ جاعى. ارى قاراي ءجۇرىپ، ورتالىق الاڭعا دا كەلدىك. بالالار ورتالىق الاڭدا ايتۋلى، ماڭىزى بار مەرەكەلەر اتالىپ وتەدى. اعا - اپكەلەرىمىز ءان سالىپ، بي بيلەيدى. جاڭا جىلدا شىرشا قۇرىلىپ، وت شاشۋ بولادى. ال ناۋرىزدا كيىز ۇيلەر قۇرىلىپ، ۇلتتىق ويىندار وينالادى ەكەن. سەندەر ورتالىق الاڭعا كىممەن باردىڭدار؟
- ال ەندى كىم ايتادى، ورتالىق الاڭ بالاباقشانىڭ قاي جاعىندا؟
- ارى قاراي ساياحاتىمىزدى جالعاستىرايىق. سونىمەن كوپتەن كۇتكەن حايۋاناتتار باعىنا دا جەتتىك.
- حايۋاناتتار باعى دەگەن نە؟
- قانداي اڭدار كەزىگەدى؟
- ولار نەگە توردا وتىرادى؟
- حايۋاناتتار باعى بالاباقشامىزدان الىس پا، جاقىن با؟
- ال ورتالىق الاڭعا الىس پا، جاقىن با؟
- كوپ راحمەت بالالار سونىمەن ءبىز كارتاداعى كورسەتكىش بويىنشا حايۋاناتتار باعىنا ساياحاتتاپ كەلدىك. ساياحات سەندەرگە ۇنادى ما؟

سەرگىتۋ ءساتى:
ەركiن ۇستا دەنەڭدi،
تارسىلداتپاي ەدەندi
ورنىمىزدان تۇرىپ اپ
جۇگiرەيiك بiر ۋاق.
بiر، ەكi، ءۇش، بiر، ەكi، ءۇش.
اياقتى العا سوزايىق
تiك كوتەرiپ، قوزعايىق.
تىم سىلبىر دا بولمايىق
العا قاراي وزبايىق.
بiر، ەكi، ءۇش، بiر، ەكi، ءۇش.
ديداكتيكالىق ويىن: "ءۇي جانە ورمان جانۋارلارىن اجىرات"
شارتى: بالالار بەرىلگەن سۋرەتتەردى رەتتەپ، ءۇي جانە ورمان جانۋارلارىن اجىراتادى.

قورتىندى:
بالالار سونىمەن ءبىز قايدا ساياحات جاسادىق؟
حايۋاناتتار باعى دەگەن نە؟
بالالاردى ماقتاپ، ماداقتاۋ.

كۇتىلەتىن ناتيجە:
ءبىلۋ كەرەك: ءۇشبۇرىش، ءتورتبۇرىش، شەڭبەر پىشىندەرى تۋرالى ۇعىمى
بولۋ كەرەك: حايۋاناتتار باعى تۋرالى ماعلۇماتى بولۋى كەرەك.
ىستەي ءبىلۋ كەرەك: كەڭىستىكتى دۇرىس باعدارلاي ءبىلۋى كەرەك.