يمان تامسىلدەرى
يمان دەگەنىمىز — ءبىلىم. «يمان دەگەن نە؟» - دەپ اقىلىمنان سۇرادىم. اقىلىم جۇرەگىمنىڭ قۇلاعىنا ەڭكەيىپ: «يمان ادەپتەن تۇرادى»، - دەپ سىبىرلادى. ولاي بولسا ادەپسىز ادام اللادان سىي-قۇرمەت كورمەي ماقۇرىم وتەدى» - دەپتى حازىرەتى ءماۋلانا. ال اباي: «ماحابباتپەن جاراتقان ادامزاتتى، سەن دە ءسۇي ول اللانى جاننان ءتاتتى. ادامزاتتىڭ ءبارىن ءسۇي باۋىرىم دەپ، جانە حاق جولى وسى دەپ ادىلەتتى وسى ءۇش ءسۇيۋ بولادى يماني گۇل...» اقىن ايتىپ وتىرعان «يماني گۇل» كەمەل يمانعا بايلانىستى ءسوز. كەمەل يمان دەگەنىمز نە؟ ول تۋرالى پايعامبارىمىز ءوز حاديسىندە: «يمان ەتپەيىنشە جۇماققا كىرمەيسىڭدەر، ال ءبىر-بىرىڭدى جاقسى كورمەيىنشە كەمەل يمانعا قول جەتكىزە المايسىڭدار» - دەگەن. عۇلاما ال-ماليكي: «مىنا ۇشەۋى كىسىنىڭ اقىلى مەن كەڭپەيىلدىلىگىن كورسەتەدى. ولار: 1. كورشىسى ماقتاسا 2. تۋىستارى ماقتاسا 3. جانىنداعى جولداسى ماقتاسا" - دەگەن ەكەن. كەمەل يماننىڭ العى شارتى وسى ماقتاۋ مەن ماداق بولسا كەرەك. فارابي «مىنەزدىلىك-باقىتتى بولۋدىڭ نەگىزگى شارتتارىنىڭ ءبىرى»، — دەيدى. جانە «باقىتقا جول سىلتەۋىندە» ەڭبەگىندە مىنەز تۋرالى بىلاي دايەكتەلەدى: «جاقسى مىنەز-قۇلىق پەن اقىل كۇشى-بۇلار ادامشىلىق قاسيەتتەر بولىپ تابىلادى. ەگەر وسى ەكەۋى بىردەي بولىپ كەلسە، ءبىز ءوز بويىمىزدان جانە ءوز ارەكەتتەرىمىزدەن ابزالدىق پەن كەمەلدىكتى تابامىز جانە وسى ەكەۋىنىڭ ارقاسىندا ءبىز ىزگى يگىلىكتى جانە قايىرىمدى ادام بولامىز». ال اباي: «ادام بالاسى بىر-بىرىنەن اقىل، عىلىم، ار، مىنەز دەگەن نارسەلەرمەن وزادى. ودان باسقا نارسەلەرمەن وزدىم عوي دەمەكتىڭ ءبارى اقىماقتىق" — دەيدى.
لەسباي سىرىم
You Might Also Like
-
«الاتاۋ» ءداستۇرلى ونەر تەاترىنىڭ ساحناسىندا 8 ماۋسىم كۇنى ۇلى جازۋشىمىز م.اۋەزوۆتىڭ 125 جىلدىعىنا وراي العاش رەت «ايمان – شولپان» اتتى مۋزىكالىق كومەديانىڭ...
