InfoHub Logo

ويىننىڭ ماقساتى: وقۋشىلاردىڭ ينفورماتيكا پانىنە قىزىعۋشىلىعىن ارتتىرۋ، ءوي-ورىسىن جانە تانىمدىق قابىلەتىن دامىتۋ، شىعارماشىلىققا باۋلۋ، ءوز ويىن ەركىن جەتكىزە ءبىلۋ جانە وتكەندى جىلدام ەسكە ءتۇسىرۋ داعدىلارىن قالىپتاستىرۋ

ءمۇعالىم: قۇرمەتتى ۇستازدار، وقۋشىلار! مەكتەبىمىزدە ءوتىپ جاتقان ينفورماتيكا - فيزيكا پاندەرى اپتالىعىنا بايلانىستى وتكىزگەلى وتىرعان «ينفورماتيكا جۇلدىزدارى» ءبىلىم سايىسىنا قوش كەلدىڭىزدەر! ولاي بولسا بۇگىنگى بىلىمدىلىك سايىسىن باستاۋعا رۇقسات ەتىڭىزدەر. سايىسقا تورەلىك ەتۋشى ءادىلقازىلار القاسىمەن تانىستىرىپ وتەيىن.

جاس دوستارىم!
مۇنى دۇرىس ۇعايىق
كومپيۋتەر ول قۇرمەتتەۋگە لايىق
عىلىمداردىڭ جاڭاسى
دەگەنمەن بالا - داناسى
ينفورماتيكا جايىندا
سايىسىمىزدى باستايىق!- دەي وتىرىپ، جارىسقا قاتىسىپ وتىرعان وقۋشىلارعا ساتتىلىك تىلەي وتىرىپ، سايىسىمىزدى باستايمىز.
سايىستىڭ شارتى: سايىسقا 2 توپ قاتىسادى. سايىس 6 كەزەڭنەن تۇرادى:

1.«جۇلدىزدارعا ساپار»
2.«كاپيتاندار سايىسى»
3. قۇپيا حات»
4.«كىم تاپقىر؟»
5.«ءتىل ونەر»
6.«جۇلدىزدار اڭگىمەسى»
قورىتىندى

سايىسكەرلەردىڭ ۇپايىن ەسەپتەپ وتىراتىن 1 ادام تاعايىندايمىز.

ءىى - جۇرگىزۋشى:
«باتىلدىق - بالالىق شاقتا شىڭدالادى» دەسەك بالانى بار تاربيە قۇرالىنىڭ ءبىرى – ويىن ەكەندىگى بەلگىلى. الدىمەن ويىنعا شىعاتىن وقۋشىلاردى شاقىرايىق. بۇل ويىنعا 2 توپ كاتىسادى.

ءى - جۇرگىزۋشى:
1. «جۇلدىزدارعا ساپار»
جۇلدىزدارمەن تانىسۋ،
ساپارعا شىعۋ اسپانعا.
تاماشالايىق ەندەشە،
قازاق حالقى ەرتەدەن.
اتا سالتتان اسقان با؟
«جۇلدىزدارعا ساپار» ءوز - وزدەرىن تانىستىرۋ. ءار توپ وزدەرىن ولەڭمەن تانىستىرادى. 10 ۇپايدان ەسەپتەلەدى.
1. تانىستىرۋ
I - توپ – _____________________
II - توپ – _____________________

ءىى - جۇرگىزۋشى:
ءبىلىمنىڭ ۇشقىرلىعىن تانىپ سەن،
اسىپ، تاسىپ، اسىقپا، قالىسپا سەن.
ۋاقىت دەگەن زىمىراپ، زۋلاپ جاتىر،
شاپشاڭدىق بۇل سايىستا كەرەك ەكەن.

ءى - جۇرگىزۋشى:
2 كەزەڭ. كاپيتاندار سايىسى. ءبىر اقپاراتتى ءارتۇرلى سيگنالمەن جانە ءار ءتۇرلى تاسىلمەن جىبەرۋگە بولادى. باستىسى، قاي سيگنالداردى قالاي تۇسىنۋگە بولاتىنى الدىن الا كەلىسىپ الۋ كەرەك. ەگەر ءبىز كەلىسسەك، وندا كود نەمەسە شيفر پايدا بولادى. ءقازىر كوماندا كاپيتاندارى 3 مينۋتتا كودتالعان سوزدەردى شەشەدى جانە كود ءتاسىلىن تۇسىندىرەدى.
كودتالعان سوزدەردى شەش جانە كود ءتاسىلىن ءتۇسىندىر.

1. كوليامانلياداليالارليا (ءار بۋىننان كەيىن ليا بۋىنى جازىلعان. كوماندالار)
2. اكيتامروفني (ءسوز كەرىسىنەن جازىلعان ينفورماتيكا)
3. تاىسساي دىمجەڭ (ءار ءسوزدىڭ بۋىندارى كەرى جازىلعان)

كەلەسى سايىسىمىزدىڭ «قۇپيا حات» 3 كەزەڭىنە وتەمىز. بۇل كەزەڭدە اقپاراتتاردى كودتاۋ (جاسىرۋ) ءۇشىن ءارتۇرلى تاسىلدەرمەن قاتار كودتىق كەستەلەردى پايدالانۋدى ۇيرەنەمىز. ويىننىڭ شارتى: كابينەتتە جاسىرىلعان قۇپيا حاتتى تاۋىپ، حاتتاعى ءماتىندى شيفردان اشۋ. ال، بالالار! اتتانامىز با؟ جولعا شىقپاس بۇرىن بىزگە كارتا كەرەك، مىنا تاپسىرمانى ورىنداساق، كارتانى الا الامىز.