InfoHub Logo

پەداگوگتەردى كاسىبي مىندەتتەرىنە كىرمەيتىن جۇمىس تۇرلەرىنە تارتقاندار 120 اەك-كە دەيىن ايپپۇل تولەيدى. بۇل تۋرالى ءبىلىم جانە عىلىم ءمينيسترى اسحات ايماعانبەتوۆ ايتتى.

«پەداگوگتەردى كاسىبي مىندەتتەرىنە كىرمەيتىن جۇمىس تۇرلەرىنە تارتۋ، ولاردان قىزمەتتىك مىندەتىنە كىرمەيتىن ماسەلەلەر بويىنشا اقپارات نەمەسە ەسەپ تالاپ ەتۋ فاكتىلەرى بويىنشا ارىز تۇسكەن جاعدايدا، ق ر بعم ءبىلىم بەرۋ ساپاسىن قامتاماسىز ەتۋ جونىندەگى كوميتەتىنىڭ اۋماقتىق دەپارتامەنتتەرى قسجاەك ورگاندارىندا جوسپاردان تىس تەكسەرۋدى تىركەيدى. تەكسەرۋدى ۇيىمعا بارىپ نەمەسە قاشىقتان جۇرگىزەدى»، - دەدى مينيستر جەلىدەگى پاراقشاسىندا.

اسحات ايماعانبەتوۆتىڭ ايتۋىنشا، قۇقىق بۇزۋشىلىق فاكتىسىن دالەلدەيتىن ماتەريالدارعا مىنالار كىرەدى:

— ​پەداگوگتەردىڭ كاسىبي قىزمەتىنە قاتىسى جوق جۇمىس تۇرلەرىنە تارتىلعانىن راستايتىن فوتو جانە بەينەجازبالار، حاتتاردىڭ، بۇيرىقتاردىڭ، اكتىلەردىڭ، حاتتامالاردىڭ كوشىرمەلەرى نەمەسە باسقا دا ماتەريالدار؛

— ​جازباشا تاپسىرمالار نەمەسە ولاردىڭ كوشىرمەلەرى، بۇيرىقتاردىڭ كوشىرمەلەرى، ەسەپ بەرۋ نىساندارىنىڭ كوشىرمەلەرى مەن پەداگوگتەن ءبىلىم بەرۋ سالاسىنداعى قازاقستان رەسپۋبليكاسىنىڭ زاڭناماسىندا كوزدەلمەگەن ەسەپتىلىكتىڭ نەمەسە اقپاراتتىڭ تالاپ ەتىلۋىن راستايتىن باسقا دا ماتەريالدار؛

— ​قازاقستان رەسپۋبليكاسىنىڭ زاڭدارىندا كوزدەلمەگەن تەكسەرۋدىڭ جۇرگىزىلگەنىن راستايتىن فوتو نەمەسە بەينەجازبالارى، كۇنى، تەكسەرۋشى تۇلعالاردىڭ ءاتى-جونى، تەكسەرۋدىڭ ءمانى جانە باسقا دا ماتەريالدار؛

— ​تاۋاردىڭ نەمەسە كورسەتىلەتىن قىزمەتتىڭ فوتو نەمەسە بەينەجازباسى، سونداي-اق، ساتىپ الۋ راسىمدەرى، چەكتەرى، تاۋارلىق شوتتار، شوت-فاكتۋرالار، تۇبىرتەكتەر مەن باسقا دا ماتەريالدار؛

— مەكتەپ ۇيىمداستىرماعان​ءىس-شارالارعا قاتىسقانىن راستايتىن فوتو نەمەسە بەينەجازبا، حاتتاردىڭ، بۇيرىقتاردىڭ، اكتىلەردىڭ، حاتتامالاردىڭ كوشىرمەلەرى نەمەسە پەداگوگتىڭ ءىس-شارالارعا جىبەرىلگەنىن راستايتىن باسقا دا ماتەريالدار بۇزۋشىلىق جاساۋ فاكتىسىن دالەلدەيدى.

«ەگەر العاش رەت بۇزۋشىلىق جاساعان ادام كىناسىن مويىنداسا، كوميتەت جانە ونىڭ اۋماقتىق ورگانى اكىمشىلىك قۇقىق بۇزۋشىلىق تۋرالى حاتتاما تولتىرمايدى، ءبىراق كىنالى ادامعا ەسكەرتۋ جاساۋ تۋرالى قاۋلى شىعارادى. بۇزۋشىلىققا قايتا جول بەرگەن ادامعا قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلادى جانە اكىمشىلىك ايىپپۇل سالىنادى. ونىڭ كولەمى 20-دان 120 اەك-كە دەيىن»، — دەپ تولىقتىردى مينيستر.

---