يسلام ءدىنى – تىرەگىڭ
(تولعاۋ)
اللانىڭ اق جولىنان اداستىرىپ،
ادامزات ساناسىنا سالعان بۇلىك.
جاھانعا كەڭەس اتتى كەلگەن زامان
ءدىڭدارلاردىڭ اۋىزىنا سالىپ قۇلىپ
يسلام ءدىنى دىڭگەگىن الماق جۇلىپ.
بولعاندا ءدىندارلار از قىرىلدى ما ؟
كۇڭىرەندى ەل،
كۇيزەلدى ەل، ەڭىرەدى،
ادىلەتسىزدىك جەگى قۇرتتاي كەمىرەدى.
ايىرىلعان ءدىن ءپىرادارلار ابىزداردان
ەڭسەسى ەزىلمەيتىن تەمىر مە ەدى؟
ايتسە دە شىداپ بەردى سابىر ساقتاپ،
ال كەڭەس ءدىندارلاردى جاتتى داتتاپ.
ابايسىز اتىن ايتقان ايىپتالىپ،
و دۇنيە بوساعاسىنان جاتتى اتتاپ.
ايتسە دە دىنگە سەنىم بەرىك ەدى،
«اللانىڭ ءوزى دە راس، ءسوزى دە راس» دەۋمەنەن
جەر انا قويىنىنا ەنىپ ەدى.
ساقتاعاندار اللانى جۇرەگىندە
ءدىن قايتا ورالار دەپ سەنىپ ەدى.
اقىلعا قاشانداعى سەنىم سەرىك
جان ەكەن دەيتىندەردىڭ ءدىنى بەرىك،
ساۋاتسىز بولۋى دا عاجاپ ەمەس،
ايتسە دە باس تارتپادى دىننەن جەرىپ.
نەگىزىن سول سەنىمنىڭ قالاپ اللا،
دامىتقان ۇستاز دەسەك داۋىڭ بار ما؟
سول ۇستاز كىمدەر ەدى قيىن ساتتە
ءدىن ءۇشىن قارسى شىققان قالىڭ جاۋعا؟!
الاشقا يسلامدى تانىستىرعان،
عاسىرلاردا بىزدەن شالعاي الىس تۇرعان.
ياسساۋي، ونان بەرمەن بەكەت وتكەن،
اۋليە قالىڭ قازاق ءتاۋاپ قىلعان.
بۇلاردىڭ يسلام ءۇشىن ورنى ەرەك،
يسابەك يشان ەرتىس ءوڭىرىن نۇرعا بولەپ،
وڭىرگە يسلام ءدىنىن تاراتۋشى
يشاندى قۋاتتادى ەل ءتاڭىر جەبەپ.
ءماشھۇردى قالاي ايتپاي تۇرا الامىز،
اتانعان بالا ءماشھۇر، اسقان زەرەك.
سول ءماشھۇر ورتامىزدان شىققان جارىپ،
جاتىرمىز اۋليەنى جاڭا تانىپ.
ەسىمىن اقبالىقتىڭ ەستىگەندە،
ءبىراز ەل قالعانى انىق قاناتتانىپ.
ۇمىتتىق ەسىمدەرىن ۇمىتتىرعان،
كەڭەس ەد يسلامدى شالعان قۇربان.
اللانى ۇمىتتىرا المادى ول،
تالايىن تايتالاستا قۇداي ۇرعان.
ەڭبەگى ۇستازداردىڭ تەك كەتپەپتى،
دىنسىزدەر جۇلىنسا دا جۇلىپ كوكتى.
قالىڭ جۇرت قالعان تىپتەن ءدىندارلارسىز،
بىلدىرمەي ءبىر ارەكەت باستاپ كەتتى.
جاتاردا «ءبىسمىللا» دە- شوشىمايسىڭ،
دالادا «ءبىسمىللا» دەپ وتىرعايسىڭ.
تۇرعاندا اللا ءوزىڭ وڭعار جولدى،
وتكەندە بەيىت قاسىنان قولىڭ جايىپ،
«اللاھۋاكبار» تيە بەرسىن دەسەڭ بولدى.
ۇرپاقتىڭ قۇلاعىنا قۇيىپ كۇندە،
قۇداي جوق دەگەن ءسوزدى ۇمىتتىردى.
ۇلكەندەر قيىرداعى اۋىلداردا
اشاتىن اۋىزدارىن ءبىر اللا دەپ،
نامازىن وقىپ ءبىر ءسات دامىلداردا
اللانىڭ شۇكىر دەر ەد بەرگەنىنە،
ءدىن امان ورازانى كورگەنىنە.
دىنسىزدەر بۇل امالدان بەيحابار ەد،
اللا دەپ ءتىلى شىققان جورگەگىندە.
ءسىڭىردى اتا سالتتى ساناسىنا،
الاشتان اتا سالتى قالعان مۇرا.
كىشىرەي كىشىرەيگەنگە قۇلىڭ ەمەس،
مەنمەنگە كۇنىڭ ءۇشىن قۇلدىق ۇرما.
بىرەۋدى بىرەۋمەن اتىستىرىپ،
وسەك ايتىپ ەل جۇرتتى شاتىستىرىپ،
«ءاي، كاپىر» اتانۋدان ساقتان، بالام.
كەۋدەڭدى كوككە ماڭگى كوتەرمەگىن،
ءسات ءتۇسىپ شىڭعا شىقساڭ كۇنىڭ تۋىپ.
ەشقاشان كىسى اقىسىن جەمەگەيسىڭ،
ءجون سوزگە
مەنىكى ءجون دەمەگەيسىڭ.
ۇرلىق ءتۇبى، قاراعىم، قورلىق دەگەن،
ءالسىزدى كۇشىڭ جەتسە دەمەگەيسىڭ.
ساۋاپ بار، وبال بارىن ەستە ۇستاعىن،
ول ساۋاپ قولىڭ سوزساڭ جانعا جارىم.
ول وبال تارتىپ الساڭ قولدا بارىن،
وسىلاي ءتالىم العان ۇلانداردىڭ
تايعانى دۇرىس جولدان جالعىز جارىم.
زورلىق پەن زومبىلىققا جول بەرىلگەن،
زاماندا كەتىك ءتىستى كەمپىرلەردى
و، ءتاۋبا-اي، شىنىمدى ايتسام، ساعىنامىن.
قاتىگەز ۇرپاقتاردى جونگە سالار
اعايىن ايتشى بولسا ءبىر امالىن.
ۇرپاعىڭ ارى تازا، جانى تازا،
ەشقاشان ەل ءبۇلدىرىپ باسپاس جازا.
تۇرمەدە ءومىر ءوتىپ تارتسا جازا،
جارىق كۇنى جانىڭنىڭ جۇبانىشى.
نە پايدا مىنا ومىردە بارلىعىڭا
ۇرپاعىڭ بالا جاستان اردى مۇرا.
دەسەڭىز
تىزگىنىن تاربيەنىڭ قولىڭدا ۇستا،
كەلمەكشى سوندا ورنىنا بارلىعى دا.
اتا ءدىن، اتا سالتىن ارداقتاعان،
وسىرگەن اتا- اناسىن زارلاتپاعان.
يسلام ءدىنىن سەرىك قىپ وسكەندەردىڭ
استىنا تار قاپاستا نار باتپاعان.
Cۇلەيمەن بايازيتوۆ
You Might Also Like
-
2015 جىلى 23-ناۋىرىزدىڭ تۇنىندە 91 جاسقا قاراعان شاعىندا سينگاپۋردىڭ ءبىرىنشى پرەمەر-مينيسترى، ارتتا قالعان بريتانيا وتارىن كوركەيگەن ەلگە اينالدىرعان «ەكونوميكالىق عاجايىپتىڭ» جانە ەكو...
-
اتىراۋدا مۇعالىمدەردىڭ سيفرلىق ساۋاتتىلىعى جوعارىلاۋدا. مۇعالىمدەردى وقىتۋ سەمينارى «سيفرلىق قازاقستان» باعدارلاماسى اياسىندا وتۋدە، دەپ وڭىرلىك كوممۋنيكاسيالار قىزمەتى حابارلايدى.
