اتىراۋدا مۇعالىمدەر بىلىكتىلىكتەرىن ارتتىردى
اتىراۋدا مۇعالىمدەردىڭ سيفرلىق ساۋاتتىلىعى جوعارىلاۋدا. مۇعالىمدەردى وقىتۋ سەمينارى «سيفرلىق قازاقستان» باعدارلاماسى اياسىندا وتۋدە، دەپ وڭىرلىك كوممۋنيكاسيالار قىزمەتى حابارلايدى.
وقۋ سەمينارلارى ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ كىتاپحاناسىندا ۇيىمداستىرىلدى.
«ترەنينگ ءتورت دەڭگەيدە وتەدى. ءبىرىنشىسى كومپيۋتەرلىك جانە ءموبيلدى گادجەتتەردى پايدالانۋ داعدىلارىن قامتيدى، ەكىنشىسى ترانزاكسيالىق داعدىلاردى، سونداي-اق، «ەلەكتروندىق جانە اشىق ۇكىمەت» قىزمەتتەرىن پايدالانۋ، قىزمەتتەردى الۋ جانە تولەۋ، ءۇشىنشى دەڭگەي عالامتوردا تاۋارلاردى جانە قىزمەتتەردى ساتىپ الۋعا، ساتۋعا جانە تاراتۋعا بايلانىستى، ءتورتىنشى - سيفرلىق قۇرىلعىلاردى پايدالانۋ داعدىسى»،- دەيدى اتىراۋ وبلىسى اكىم اپپاراتىنىڭ اقپاراتتىق تەحنولوگيالار ءبولىمى مەڭگەرۋشىسى مىندەتىن اتقارۋشى نۇرلىبەك داۋىلبايەۆ.
ەكى كۇندىك سەمينارلارعا قالادان ەمەس، اۋدانداردان دا كەلگەن مۇعالىمدەر قاتىسۋدا. قازىرگى كەزدە 87 ءمۇعالىم سيفرلىق ساۋاتتىلىعىن ارتتىردى.
«ءمۇعالىم ۇنەمى ءوز-وزىن دامىتىپ وتىرۋى كەرەك. مۇنداي سەمينارلار ۋاقىت اعىمىنان قالماۋعا مۇمكىندىك بەرەدى»، - دەدى قۇرمانعازى اۋدانىنان كەلگەن ينفورماتيكا ءپانىنىڭ ءمۇعالىمى نۇربولات ۋتەكوۆ.
You Might Also Like
